കോഴിക്കോട്: ടൂറിസ്റ്റ് കേന്ദ്രത്തിലേക്ക് ഗൂഗിൾ നൽകിയ എളുപ്പവഴിയിലൂടെ പോയ ജീപ്പ് കൊക്കയിലേക്ക് മറിഞ്ഞ് അഞ്ച് പേർക്ക് പരിക്ക്. പൂവത്തുംചോലയിൽ നിന്നു താന്നിയാംകുന്ന് മലയിലൂടെയാണു വയലടയിലേക്കു ഗൂഗിൾ മാപ് കാണിച്ചു തന്ന എളുപ്പ വഴിയിലൂടെ പോയാണ് അപകടം. താന്നിയാംകുന്ന് വരെ കോൺക്രീറ്റ് റോഡായിരുന്നു. അതുകഴിഞ്ഞ് ഓഫ്റോഡിലൂടെ സഞ്ചരിച്ച ജീപ്പിൻരെ ടയർ തെന്നി കൊക്കയിലേക്ക് മറിയുകയായിരുന്നു. കൊക്കയിലേക്ക് മറിഞ്ഞ ജീപ്പ് കേടു സംഭവിച്ചെങ്കിലും സഞ്ചാരികൾ നിസ്സാര പരുക്കുകളോടെ രക്ഷപ്പെടുകയായിരുന്നു.
Also read-ആലപ്പുഴയിൽ മകൾ ഓടിച്ച സ്കൂട്ടർ നിയന്ത്രണം വിട്ടു മറിഞ്ഞു വീട്ടമ്മ മരിച്ചു
കൊക്കയിലേക്ക് മറിഞ്ഞ ജീപ്പ് നാട്ടുകാരുടെ നേതൃത്വത്തിൽ മുകളിലേക്ക് കയറ്റി. സുനീർ പുനത്തിൽ, ബേബി വട്ടപ്പറമ്പിൽ, വൈശാഖ് തോണിപ്പാറ, റെജി പരീക്കൽ, ശശി ആലക്കൽ, ചന്ദ്രബോസ് ആലമല, ഷിജോ പുളിക്കൽ, ബാബു കുന്നുംപുറം, അപ്പു പുളിക്കത്തോട്ടം എന്നിവർ നേതൃത്വം നൽകി.
നിങ്ങളുടെ നഗരത്തിൽ നിന്ന്(കോഴിക്കോട്)
ഏറ്റവും വിശ്വാസ്യതയുള്ള വാർത്തകള്, തത്സമയ വിവരങ്ങൾ, ലോകം, ദേശീയം, ബോളിവുഡ്, സ്പോർട്സ്, ബിസിനസ്, ആരോഗ്യം, ലൈഫ് സ്റ്റൈൽ വാർത്തകൾ ന്യൂസ് 18 മലയാളം വെബ്സൈറ്റിൽ വായിക്കൂ.