ഐപിഎല്ലിലെ ആദ്യ കളിയിൽ അജിങ്ക്യ രഹാനെ സ്വന്തമാക്കുക കിടിലൻ റെക്കോഡ്; ഒരിന്ത്യൻ താരത്തിനും ഇല്ലാത്ത നേട്ടം

രാജസ്ഥാൻ വിട്ടതിന് ശേഷം ഡെൽഹി ക്യാപിറ്റൽസ്, കൊൽക്കത്ത നൈറ്റ് റൈഡേഴ്സ്, ചെന്നൈ സൂപ്പർ കിങ്സ് ടീമുകൾക്കായി താരം ഐപിഎല്ലിൽ കളിച്ചു‌. 2025 ലെ മെഗാ ലേലത്തിൽ രഹാനെ വീണ്ടും കെകെആറിലേക്ക് തിരിച്ചെത്തുകയായിരുന്നു. കഴിഞ്ഞ സീസണിൽ കൊൽക്കത്തയെ ഐപിഎൽ കിരീടത്തിലേക്ക് സമ്മാനിച്ച ശ്രേയസ് അയ്യരെ മെഗാ ലേലത്തിന് മുൻപ് അവർ റിലീസ് ചെയ്തിരുന്നു. ഇതോടെ 2025 സീസണിൽ പുതിയ ക്യാപ്റ്റനെ കണ്ടെത്താൻ അവർ നിർബന്ധിതരായി.

Also Read: പരിശീലനത്തിൽ വെടിക്കെട്ട് നടത്തി സഞ്ജുവിന്റെ പുതിയ വജ്രായുധം; രാജസ്ഥാൻ റോയൽസിന്റെ പുതിയ താരം ഇക്കുറി ഞെട്ടിച്ചേക്കും

വെങ്കടേഷ് അയ്യർ കൊൽക്കത്തയുടെ ക്യാപ്റ്റനാകുമെന്നാണ് പറഞ്ഞു കേട്ടിരുന്നതെങ്കിലും തീർത്തും അപ്രതീക്ഷിതമായി രഹാനെയെ ഫ്രാഞ്ചൈസി നായകനാക്കുകയയിരുന്നു. ഇതോടെ സീസണിലെ ആദ്യ കളിയിൽത്തന്നെ ചരിത്ര നേട്ടം സ്വന്തമാക്കാനുള്ള അവസരമാണ് രഹാനെക്ക് ലഭിച്ചത്.

Also Read: സഞ്ജുവിന്റെ രാജസ്ഥാൻ റോയൽസ് കാണിച്ചത് വമ്പൻ മണ്ടത്തരങ്ങൾ; ഇത്തവണ പണി ഉറപ്പെന്ന് ആരാധകർ

അതേ സമയം അജിങ്ക്യ രഹാനെക്ക് പിന്നാലെ പഞ്ചാബ് കിങ്സ് നായക‌ൻ ശ്രേയസ് അയ്യരും ഐപിഎല്ലിൽ മുന്ന് വ്യത്യസ്ത ടീമുകളെ നയിച്ച ഇന്ത്യൻ ക്യാപ്റ്റനെന്ന നേട്ടം ഇക്കുറി സ്വന്തമാക്കും. 2018 മുതൽ 2020 വരെ ഡെൽഹി ക്യാപിറ്റൽസിന്റെ നായകനായിരുന്ന ശ്രേയസ് അയ്യർ, 2022 ൽ കൊൽക്കത്ത നൈറ്റ് റൈഡേഴ്സിൽ എത്തുകയും ക്യാപ്റ്റൻസി ഏറ്റെടുക്കുകയും ചെയ്തു. 2024 ൽ കെകെആറിനെ കിരീടത്തിൽ എത്തിച്ചിട്ടും ശ്രേയസിനെ ടീമിൽ നിന്ന് റിലീസ് ചെയ്യാൻ അവർ തീരുമാനിച്ചത് ആരാധകരെ ശരിക്കും ഞെട്ടിച്ചിരുന്നു.