മൂന്നാം ടി20 യിൽ പാകിസ്താന്റെ കിടിലൻ തിരിച്ചുവരവ്, കിവീസിനെ നാണംകെടുത്തി; വെടിക്കെട്ട് സെഞ്ചുറി നേടി ഹസൻ നവാസ്

മൂന്നാം നമ്പരിൽ കളിച്ച മാർക്ക് ചാപ്മാന്റെ വെടിക്കെട്ട് ന്യൂസിലൻഡിനെ മികച്ച സ്കോറിലേക്ക് നയിച്ചു. 44 പന്തിൽ 11 ഫോറുകളും നാല് സിക്സറുകളുമടക്കം 94 റൺസാണ് ചാപ്മാൻ നേടിയത്. 18 പന്തിൽ 31 റൺസെടുത്ത് നായകൻ മൈക്കൽ ബ്രേസ്വെലും തിളങ്ങിയതോടെ ന്യൂസിലൻഡ് സ്കോർ 204 ൽ എത്തി.

Also read: KKR vs RCB: ഐപിഎല്ലിലെ ഉദ്ഘാടന മത്സരം ഉപേക്ഷിക്കാൻ സാധ്യത, ആദ്യ കളിക്ക് മുൻപ് കനത്ത ഭീഷണിയായി കാലാവസ്ഥ

205 റൺസ് വിജയലക്ഷ്യം പിന്തുടർന്ന പാകിസ്താന് വേണ്ടി ഓപ്പണർമാരായ മുഹമ്മദ് ഹാരിസും, ഹസൻ നവാസും ചേർന്ന് വെടിക്കെട്ട് തുടക്കമാണ് നൽകിയത്. 5.5 ഓവറുകളിൽ 74 റൺസാണ് ആദ്യ വിക്കറ്റിൽ ഇവർ നേടിയത്. 20 പന്തിൽ 41 റൺസെടുത്ത മുഹമ്മദ് ഹാരിസിന്റെ വിക്കറ്റാണ് പാകിസ്താന് ആദ്യം നഷ്ടമായത്. നാല് ഫോറുകളും മൂന്ന് സിക്സറുകളും അടങ്ങുന്നതായിരുന്നു താരത്തിന്റെ ഇന്നിങ്സ്.

Also Read: 39 പന്തിൽ 110 നോട്ടൗട്ട്, ആദ്യ കളിക്ക് മുൻപ് ഞെട്ടിച്ച് ജേക് ഫ്രേസർ മക്ഗർക്; ടീം നേടിയത് 289 റൺസ്, ഡെൽഹിക്ക് ആവേശം

മൂന്നാം നമ്പരിൽ ബാറ്റിങ്ങിന് എത്തിയത് ക്യാപ്റ്റൻ സൽമാൻ ആഗ. ആഗയും നവാസും ചേർന്നായി പിന്നീട് വെടിക്കെട്ട്. ഇരുവരും മിന്നും ഫോമിൽ ബാറ്റ് വീശിയതോടെ കിവീസ് ബൗളർമാർ അടികൊണ്ട് വലഞ്ഞു. വെറും 16 ഓവറുകളിൽ കിവീസ് വിജയലക്ഷ്യത്തിൽ എത്തി. 45 പന്തിൽ 10 ഫോറുകളും ഏഴ് സിക്സറുകളുമടക്കം 105 റൺസ് നേടിയ ഹസൻ നവാസും, 31 പന്തിൽ ആറ് ഫോറുകളും രണ്ട് സിക്സറുമടക്കം 51 റൺസ് നേടിയ സൽമാൻ ആഗയുമായിരുന്നു പാകിസ്താൻ വിജയം നേടുമ്പോൾ ക്രീസിൽ.