Pakistan Cricket: ന്യൂസിലൻഡിന് എതിരായ മൂന്നാം ടി20 യിൽ കിടിലൻ ലോക റെക്കോഡ് സ്വന്തമാക്കി പാകിസ്താൻ ടീം. ചേസിങ്ങിൽ തകർത്തത് 18 വർഷം പഴക്കമുള്ള റെക്കോഡ്.
ഹൈലൈറ്റ്:
- കിടിലൻ റെക്കോഡിട്ട് പാകിസ്താൻ
- ചേസിങ്ങിൽ തകർത്തത് 18 വർഷം പഴക്കമുള്ള റെക്കോഡ്
- മൂന്നാം ടി20 യിൽ കിവീസിന്റെ കിടിലൻ തിരിച്ചുവരവ്
2007 ലെ പ്രഥമ ടി20 ലോകകപ്പിലായിരുന്നു ദക്ഷിണാഫ്രിക്ക ഇക്കാര്യത്തിൽ റെക്കോഡിട്ടത്. ലോകകപ്പിലെ ഉദ്ഘാടന മത്സരത്തിൽ ചേസിങ്ങിൽ 17.4 ഓവറിൽ 207 റൺസ് നേടിയാണ് ദക്ഷിണാഫ്രിക്ക ഇത്രയും നാൾ ഈ റെക്കോഡ് കൈവശം വെച്ചിരുന്നത്.
വെള്ളിയാഴ്ച നടന്ന മൂന്നാം ടി20 യിൽ 75 റൺസാണ് പവർപ്ലേയിൽ പാകിസ്താൻ അടിച്ചത്. ഇത് അന്താരാഷ്ട്ര ടി20 യിൽ പാകിസ്താന്റെ റെക്കോഡ് പവർപ്ലേ സ്കോറാണ്. വെറും 8.1 ഓവറുകളിലാണ് ഈ മത്സരത്തിൽ പാകിസ്താൻ 100 റൺസ് കടന്നത്. പാകിസ്താന്റെ ഏറ്റവും വേഗതയേറിയ ടീം സെഞ്ചുറിയും ഇതാണ്.
Also Read: PAK vs NZ: പാകിസ്താന് രക്ഷയില്ല, വീണ്ടും കനത്ത തോൽവി; രണ്ടാം ടി20 യിൽ ന്യൂസിലൻഡിന് തകർപ്പൻ ജയം
മത്സരം ഇങ്ങനെ: മൂന്നാം ടി20 യിൽ ടോസ് നഷ്ടപ്പെട്ട് ബാറ്റിങ്ങിന് ഇറങ്ങിയ ന്യൂസിലൻഡ് 19.5 ഓവറുകളിൽ 204 റൺസിന് ഓളൗട്ടാവുകയായിരുന്നു. 44 പന്തിൽ 94 റൺസെടുത്ത മാർക്ക് ചാപ്മാനായിരുന്നു ടീമിന്റെ ടോപ് സ്കോറർ. 205 റൺസ് വിജയലക്ഷ്യം പാകിസ്താൻ, 16 ഓവറിൽ മറികടന്നു. 45 പന്തിൽ 10 ഫോറുകളും ഏഴ് സിക്സറുകളുമടക്കം 105 റൺസ് നേടി പുറത്താകാതെ നിന്ന ഹസൻ നവാസായിരുന്നു ടീമിന്റെ ഹീറോ. 31 പന്തിൽ 51 റൺസെടുത്ത സൽമാൻ ആഗയും പുറത്താകാതെ നിന്നു. 20 പന്തിൽ 41 റൺസെടുത്ത മുഹമ്മദ് ഹാരിസിന്റെ വിക്കറ്റ് മാത്രമാണ് പാക് ടീമിന് നഷ്ടമായത്.
രചയിതാവിനെക്കുറിച്ച്ഗോകുൽ എസ്ഗോകുൽ എസ്- സമയം മലയാളത്തിൽ ഡിജിറ്റൽ കണ്ടൻ്റ് പ്രൊഡ്യൂസർ. സ്പോർട്സ് ഇഷ്ട വിഷയം. ഇന്ത്യൻ സൂപ്പർ ലീഗ്, സന്തോഷ് ട്രോഫി അടക്കം വിവിധ ടൂർണമെന്റുകൾ റിപ്പോർട്ട് ചെയ്തിട്ടു‌ണ്ട്. 2017 മുതൽ മാധ്യമ പ്രവർത്തന രംഗത്ത് സജീവം. ഇടക്കാലത്ത് അധ്യാപകനായും ജോലി ചെയ്തു.… കൂടുതൽ വായിക്കുക