ഇന്ത്യൻ പ്രീമിയർ ലീഗ് 2025 സീസണിൽ ഇന്ന് റോയൽ ചലഞ്ചേഴ്സ് ബെംഗളൂരു ( ആർസിബി ) – സൺറൈസേഴ്‌സ് ഹൈദരാബാദ് ( എസ്ആർഎച്ച് ) മത്സരം നടക്കുന്നത് ഏകന ക്രിക്കറ്റ് സ്റ്റേഡിയത്തിലാണ്. എന്നാൽ അതേസമയം റോയൽ ചലഞ്ചേഴ്സ് ബെംഗളൂരുവിന്റെ ഹോം മത്സരം എന്നാണ് ഇത് അറിയപ്പെടുന്നത്. ഇതാണ് ഇപ്പോൾ ആരാധകരിൽ സംശയം ഉണ്ടാക്കുന്നതും.
അടുപ്പിച്ച് ഫോർ; ഒടുവിൽ സുയാഷിനോട് സംസാരിച്ച് കോഹ്ലി; തൊട്ടടുത്ത പന്തിൽ വിക്കറ്റ് നേടി സുയാഷ്; കോഹ്ലി പറഞ്ഞ മന്ത്രം തിരക്കി ആരാധകർയഥാർത്ഥത്തിൽ ആർസിബി – എസ്ആർഎച്ച് മത്സരം ആദ്യം ബെംഗളുരുവിന്റെ ചിന്നസ്വാമി സ്റ്റേഡിയത്തിൽ നടത്തേണ്ടതായിരുന്നു. എന്നാൽ കഴിഞ്ഞ കുറച്ച് ദിവസങ്ങളായി ബെംഗളൂരുവിൽ ശക്തമായ മഴ തുടരുകയാണ്. കൊൽക്കത്തയും ബെംഗളൂരുവും തമ്മിൽ നടന്ന മത്സരം റദ്ദായതിന്റെ കാരണവും ബെംഗളൂരുവിലെ ശക്തമായ മഴയാണ്. ഇതുകൊണ്ടാണ് ഇന്ന് ചിന്നസ്വാമി സ്റ്റേഡിയത്തിൽ നടത്തേണ്ടിയിരുന്ന മത്സരം ഏകന സ്റ്റേഡിയത്തിൽ നടത്തുന്നത്.
ലക്‌നൗവിന്റെ ഏകന ക്രിക്കറ്റ് സ്റ്റേഡിയം എങ്ങനെ ആർസിബിയുടെ ഹോം ഗ്രൗണ്ടായി?
ഹോം ഗ്രൗണ്ടായ ചിന്നസ്വാമി സ്റ്റേഡിയത്തിലെ ആർസിബിയുടെ അവസാന മത്സരം നടക്കേണ്ടിയിരുന്ന ഇന്ന് അത് നടക്കാതെ വന്നതോടെയാണ് ഹോം ഗ്രൗണ്ട് മത്സരമായി ഇന്ന് നടക്കുന്ന മത്സരത്തെ പ്രഖ്യാപിച്ചത്. അതേസമയം മത്സരത്തിൽ ടോസ് നേടിയ ആർസിബി ആദ്യം ഫീൽഡിങ് തെരഞ്ഞെടുക്കുകയായിരുന്നു. ആദ്യം ബാറ്റ് ചെയ്ത ഹൈദരാബാദ് നിശ്ചിത 20 ഓവറിൽ 6 വിക്കറ്റ് നഷ്ടത്തിൽ 231 റൺസ് നേടി.
ഹൈദരാബാദ് ആദ്യം ബാറ്റിങ് തകർച്ച നേരിട്ടെങ്കിലും ഇഷാൻ കിഷന്റെ വെടിക്കെട്ട് ബാറ്റിങ് ആണ് 231 എന്ന പടുകൂറ്റൻ സ്കോറിലേക്ക് ഹൈദരാബാദിനെ എത്തിച്ചത്. ഔട്ട് ആകാതെ 94 റൺസ് നേടിയ താരം 7 ഫോറുകളും 5 സിക്സറുകളും ആണ് പറത്തിയത്. അഭിഷേക് ശർമയാണ് ഹൈദരാബാദിനായി ഏറ്റവും കൂടുതൽ റൺസ് നേടിയ രണ്ടാമത്തെ താരം. 17 പന്തിൽ മൂന്ന് ഫോറുകളും മൂന്ന് സിക്സറുകളും പറത്തിയ താരം 34 റൺസാണ് നേടിയത്.
ആർസിബിയ്ക്കായി റൊമാരിയോ ഷെപ്പേർഡ് 2 വിക്കറ്റും ക്രുനാൽ പാണ്ഡ്യ, ഭുവനേശ്വർ കുമാർ, ലുങ്കി എൻഗിഡി, സുയാഷ് ശർമ എന്നിവർ ഓരോ വിക്കറ്റ് വീതവും നേടി.
സൺറൈസേഴ്‌സ് ഹൈദരാബാദ് – റോയൽ ചലഞ്ചേഴ്സ് ബെംഗളൂരു പ്ലേയിങ് 11
സൺറൈസേഴ്‌സ് ഹൈദരാബാദ് പ്ലേയിങ് 11; ട്രാവിസ് ഹെഡ്, അഭിഷേക് ശർമ്മ, ഇഷാൻ കിഷൻ (Wk), നിതീഷ് കുമാർ റെഡ്ഡി, ഹെൻറിച്ച് ക്ലാസൻ, അനികേത് വർമ, അഭിനവ് മനോഹർ, പാറ്റ് കമ്മിൻസ് (c), ഹർഷൽ പട്ടേൽ, ജയ്ദേവ് ഉനദ്കട്ട്, ഇഷാൻ മലിംഗ
റോയൽ ചലഞ്ചേഴ്സ് ബെംഗളൂരു പ്ലേയിങ് 11; വിരാട് കോലി, ഫിലിപ്പ് സാൾട്ട്, മായങ്ക് അഗർവാൾ, ജിതേഷ് ശർമ്മ (c and wk), റൊമാരിയോ ഷെപ്പേർഡ്, ടിം ഡേവിഡ്, ക്രുനാൽ പാണ്ഡ്യ, ഭുവനേശ്വർ കുമാർ, ലുങ്കി എൻഗിഡി, യാഷ് ദയാൽ, സുയാഷ് ശർമ