ഇന്ത്യ – ഇംഗ്ലണ്ട് ടെസ്റ്റ് പരമ്പരയിൽ വിജയിക്കുക ഈ ടീം; കിടിലൻ പ്രവചനം നടത്തി ഡെയിൽ സ്റ്റെയിൻ

ഇംഗ്ലണ്ടിൽ ചെയ്യേണ്ടത് അക്കാര്യങ്ങൾ; ശുഭ്മാൻ ഗില്ലിനും കൂട്ടർക്കും നിർണായക നിർദേശം നൽകി മുൻ ഇന്ത്യൻ ക്യാപ്റ്റൻ

ഇപ്പോഴിതാ ജൂൺ 20ന് ലീഡ്‌സിൽ ആരംഭിക്കുന്ന ഇന്ത്യ – ഇംഗ്ലണ്ട് അഞ്ച് മത്സരങ്ങളുള്ള ടെസ്റ്റ് പരമ്പരയിൽ ആര് ജയിക്കും എന്ന് പ്രവചിച്ചിരിക്കുകയാണ് ദക്ഷിണാഫ്രിക്കൻ ഇതിഹാസം ഡെയ്ൽ സ്റ്റെയ്ൻ . പുതുതായി നിയമിതനായ ക്യാപ്റ്റൻ ശുഭ്മാൻ ഗിൽ നയിക്കുന്ന യുവ ഇന്ത്യൻ ടീമിനെ ഇംഗ്ലണ്ട് 3 – 2 ന് പരാജയപ്പെടുത്തുമെന്ന് സ്റ്റെയ്ൻ പറഞ്ഞു.’ഈ പരമ്പരയിൽ ഇംഗ്ലണ്ട് 3 – 2 ന് പരമ്പര സ്വന്തമാക്കുമെന്നാണ് ഞാൻ വിശ്വസിക്കുന്നത്’ എന്നാണ് ശനിയാഴ്ച ലോക ടെസ്റ്റ് ചാമ്പ്യൻഷിപ്പ് ഫൈനൽ അവസാനിച്ചതിന് ശേഷം ജിയോഹോട്ട്‌സ്റ്റാറിനോട് സംസാരിക്കവെ സ്റ്റെയ്ൻ പറഞ്ഞത്.

കോച്ച് ബ്രെൻഡൻ മക്കല്ലത്തിന് കീഴിലെ ഇംഗ്ലണ്ടിന്റെ ജയങ്ങൾ അത് തെളിയിക്കുന്നത് എന്നും താരം പറഞ്ഞു. മക്കല്ലത്തിന് കീഴിൽ ഇംഗ്ലണ്ട് സ്വന്തം മൈതാനത്ത് കളിച്ച 20 മത്സരങ്ങളിൽ 15 എണ്ണത്തിൽ വിജയിക്കുകയും നാലെണ്ണത്തിൽ തോൽക്കുകയും ചെയ്തിട്ടുണ്ട്. ഒരു മത്സരം മാത്രമേ സമനിലയിൽ അവസാനിച്ചിട്ടുള്ളൂ. അതുകൊണ്ടുതന്നെ ജയ സാധ്യത ഇംഗ്ലണ്ടിന് ആണെന്നും അദ്ദേഹം പറഞ്ഞു.

അതേസമയം ഇംഗ്ലണ്ടിനെ നേരിടാനുള്ള കഠിന പരിശീലനത്തിൽ ആണ് ഇന്ത്യൻ ടീം. അതിനായി ഇൻട്രാസ്‌ക്വഡ് പരിശീലന മത്സരവും ടീം നടത്തി. ഈ മത്സരത്തിൽ താരങ്ങൾ കിടിലൻ പ്രകടനം ആണ് കാഴ്ചവെക്കുന്നത് എന്നാണ് ബിസിസിഐ വ്യക്തമാക്കിയിരിക്കുന്നത്. നായകൻ ഗിൽ അർധ സെഞ്ചുറി നേടി എന്നും ഓപ്പണർ റോളിൽ ഇറങ്ങിയ കെഎൽ രാഹുൽ ഫോം തുടർന്ന് എന്നുമുള്ള റിപ്പോർട്ട് കഴിഞ്ഞ ദിവസം പുറത്തുവിട്ടിരുന്നു.