Vaibhav Suryavanshi: ഇംഗ്ലണ്ട് അണ്ടര്‍ 19 ടീമിനെതിരെ 52 പന്തില്‍ സെഞ്ചുറി നേടി ഇന്ത്യയുടെ വൈഭവ് സൂര്യവംശി. 78 പന്തില്‍ 143 റണ്‍സെടുത്ത വൈഭവ് 10 സിക്‌സറുകളും 13 ബൗണ്ടറികളും പായിച്ചു.
ഹൈലൈറ്റ്:
- 52 പന്തില്‍ സെഞ്ചുറി നേടിയ സൂര്യവംശി
- കമ്രാന്‍ ഗുലാമിന്റെ റെക്കോഡ് തകര്‍ത്തു
- ഇന്ത്യന്‍ സ്‌കോര്‍ 27.1 ഓവറില്‍ രണ്ടിന് 233
ഏകദിനത്തിലും ടി20 വെടിക്കെട്ടുമായി വൈഭവ്; ഇംഗ്ലണ്ടിനെ മലര്‍ത്തിയടിച്ച് ഇന്ത്യ
സ്‌ഫോടനാത്മക ബാറ്റിങ് കാഴ്ചവച്ച വൈഭവ് 10 സിക്‌സറുകളും 13 ബൗണ്ടറികളും പായിച്ചു. കഴിഞ്ഞ മല്‍സരങ്ങളിലും ഇംഗ്ലണ്ട് താരങ്ങള്‍ വൈഭവിന്റെ ബാറ്റിങിന്റെ ചൂട് അറിഞ്ഞിരുന്നു. യൂത്ത് ഏകദിനത്തില്‍ 53 പന്തില്‍ സെഞ്ചുറി നേടിയ പാകിസ്താന്റെ കമ്രാന്‍ ഗുലാമിന്റെ റെക്കോഡ് വൈഭവ് തകര്‍ത്തു. ഒരു പന്ത് കുറച്ച് ആണ് റെക്കോഡിലെത്തിയത്.
ടോസ് നഷ്ടപ്പെട്ട് ബാറ്റിങ് ആരംഭിച്ച ഇന്ത്യ അണ്ടര്‍ 19 ടീമിന് വേണ്ടി ക്യാപ്റ്റന്‍ ആയുഷ് മാത്രെയും വൈഭവും ഓപണര്‍മാരുടെ ചുമതല ഏറ്റെടുത്തു. 14 പന്തില്‍ അഞ്ച് റണ്‍സുമായി ആയുഷിന് അല്‍പായുസ് ആയിരുന്നു. എന്നാല്‍, വണ്‍ഡൗണ്‍ ആയെത്തിയ വിഹാന്‍ മല്‍ഹോത്ര കസറി. വെടിക്കെട്ട് വീരന്‍ വൈഭവിന് വിഹാന്‍ നല്ല കൂട്ട് ഒരുക്കി.
കോടികള്‍ വാരിയെറിഞ്ഞ് സൗദി ക്ലബ്ബ്; ക്രിസ്റ്റ്യാനോയെ നിലനിര്‍ത്തിയത് വര്‍ഷത്തില്‍ 2,000 കോടി രൂപയ്ക്ക്, ബോണസും സ്വകാര്യ ജെറ്റുകളും വേറെ
തകര്‍ത്തടിച്ച വൈഭവ് പുറത്തായതോടെയാണ് ഡബിള്‍ സെഞ്ചുറി കടന്ന പാര്‍ട്ണര്‍ഷിപ്പ് അവസാനിച്ചത്. വൈഭവ് പുറത്താവുമ്പോള്‍ വിഹാന്‍ 71 പന്തില്‍ 61 റണ്‍സുമായി ക്രീസിലുണ്ട്.
കഴിഞ്ഞ വര്‍ഷം ചെന്നൈയില്‍ യൂത്ത് ടെസ്റ്റിലും വൈഭവ് റെക്കോഡ് സെഞ്ചുറി നേടിയിരുന്നു. 2005 ല്‍ ഓസ്ട്രേലിയ അണ്ടര്‍ 19 ടീമിനെതിരായ മത്സരത്തിലായിരുന്നു ഇത്. അന്താരാഷ്ട്ര സെഞ്ചുറി നേടുന്ന ഏറ്റവും പ്രായംകുറഞ്ഞ താരമെന്ന റെക്കോഡ് ഇതിലൂടെ സ്വന്തമാക്കി. 62 പന്തില്‍ 104 റണ്‍സ് നേടിയതോടെ ഇംഗ്ലണ്ടിന്റെ മോയിന്‍ അലിക്ക് പിന്നില്‍ പുരുഷ യൂത്ത് ടെസ്റ്റില്‍ ഏറ്റവും വേഗതയേറിയ രണ്ടാമത്തെ സെഞ്ചുറി എന്ന റെക്കോഡിനും അര്‍ഹനായി.
‘ക്രിസ്റ്റ്യാനോ ഇല്ലാത്ത പോര്‍ച്ചുഗല്‍ പോലെ’- ഇന്ത്യ സൂപ്പര്‍ താരത്തെ ഇറക്കാത്തതിനെ വിമര്‍ശിച്ച് ഡെയ്ല്‍ സ്റ്റെയ്ന്‍; കളിക്കാരനല്ല പ്ലെയിങ് ഇലവന്‍ തീരുമാനിക്കേണ്ടതെന്ന് രവി ശാസ്ത്രി
ഇന്ത്യന്‍ പ്രീമിയര്‍ ലീഗ് (ഐപിഎല്‍) 2025 സീസണില്‍ രാജസ്ഥാന്‍ റോയല്‍സിനായി നടത്തിയ കിടിലന്‍ പ്രകടനങ്ങള്‍ 14കാരനെ ക്രിക്കറ്റ് ലോകത്തെ ശ്രദ്ധാകേന്ദ്രമാക്കിയിരുന്നു. ഐപിഎല്‍ ചരിത്രത്തില്‍ സെഞ്ചുറി നേടുന്ന ഏറ്റവും പ്രായം കുറഞ്ഞ കളിക്കാരനായി മാറി. ജയ്പൂരില്‍ ഗുജറാത്ത് ടൈറ്റന്‍സിനെതിരായ മത്സരത്തില്‍ 35 പന്തില്‍ സെഞ്ചുറി നേടുമ്പോള്‍ 14 വര്‍ഷവും 32 ദിവസവും ആയിരുന്നു പ്രായം. ഐപിഎല്‍ ചരിത്രത്തില്‍ ഏറ്റവും വേഗത്തില്‍ മൂന്നക്കം തികയ്ക്കുന്ന രണ്ടാമത്തെ കളിക്കാരന്‍ എന്ന റെക്കോഡും വൈഭവ് സ്വന്തം പേരില്‍ എഴുതിച്ചേര്‍ത്തു.
ഇംഗ്ലണ്ടിനെതിരായ അഞ്ച് മത്സരങ്ങളുള്ള യൂത്ത് ഏകദിന പരമ്പരയില്‍ ഇന്ത്യ 2-1ന് മുന്നിലാണ്. ആദ്യ രണ്ട് മത്സരങ്ങളില്‍ വൈഭവ് 48 ഉം 45 ഉം റണ്‍സ് നേടിയിരുന്നു. അവസാന യൂത്ത് ഏകദിനം ജൂലൈ ഏഴ് തിങ്കളാഴ്ചയാണ്.
രചയിതാവിനെക്കുറിച്ച്നിഷാദ് അമീന്‍16 വര്‍ഷമായി മാധ്യമരംഗത്ത് പ്രവര്‍ത്തിക്കുന്നു. കാലിക്കറ്റ് സര്‍വകലാശാലയില്‍ നിന്ന് മാസ് കമ്മ്യൂണിക്കേഷനില്‍ ബിരുദവും കാലിക്കറ്റ് പ്രസ് ക്ലബ്ബില്‍ നിന്ന് ടെലിവിഷന്‍ ജേണലിസത്തില്‍ പിജി ഡിപ്ലോമയും ഇംഗ്ലീഷ് സാഹിത്യത്തില്‍ ബിരുദാനന്തര ബിരുദവും നേടി. ഏഴ് വര്‍ഷം സൗദി അറേബ്യയില്‍ മാധ്യമപ്രവര്‍ത്തകനായിരുന്നു. സൗദിയില്‍ ഇന്ത്യന്‍ മീഡിയ ഫോറത്തിന്റെ ജനറല്‍ സെക്രട്ടറിയായും പ്രവര്‍ത്തിച്ചിട്ടുണ്ട്. സുപ്രഭാതം, മലയാളം ന്യൂസ്, തേജസ് ദിനപത്രങ്ങളില്‍ സീനിയര്‍ സബ് എഡിറ്ററായും ഗള്‍ഫ് ന്യൂസ് എഡിറ്ററായും സീനിയര്‍ റിപോര്‍ട്ടറായും കേരളത്തിലെയും ഗള്‍ഫിലെയും വിവിധ ബ്യൂറോകളിലും എഡിറ്റോറിയല്‍ ഡെസ്‌കിലും ന്യൂഡല്‍ഹി, റിയാദ്, ജിദ്ദ, യുഎഇ എന്നിവിടങ്ങളിലും ജോലിചെയ്തു. ടൈംസ് ഓഫ് ഇന്ത്യയുടെ ഭാഗമായ സമയം മലയാളത്തില്‍ കണ്ടന്റ് പ്രൊഡ്യൂസറാണ്.… കൂടുതൽ വായിക്കുക