ജഡേജയുടെ ആ നീക്കം കളിയിലെ പ്രധാന വഴിത്തിരിവ്, ഇന്ത്യക്ക് കോളടിച്ചത് ഇങ്ങനെ; രണ്ടാം ടെസ്റ്റ് ആവേശകരമായ അന്ത്യത്തിലേക്ക്

അതേ സമയം അഞ്ചാം ദിവസം ഉച്ചഭക്ഷണത്തിന് മുൻപ് കളിയിലെ തന്നെ പ്രധാന വഴിത്തിരിവാകാൻ സാധ്യതയുള്ള ഒരു കാര്യമാണ് നടന്നത്. രവീന്ദ്ര ജഡേജയുടെ അതിവേഗ ഓവറായിരുന്നു ഇത്. ഉച്ചഭക്ഷണത്തിന് പിരിയാനിരിക്കെ രവീന്ദ്ര ജഡേജ വെറും 100 സെക്കൻഡിനുള്ളിൽ ഒരോവർ പൂർത്തിയാക്കി. ഇതോടെ ലഞ്ചിന് മുൻപ് ഒരോവർ കൂടി എറിയാൻ സമയം ലഭിച്ചു. വാഷിങ്ടൺ സുന്ദറിനെയാണ് ഈ ഓവറിനായി ഇന്ത്യൻ നായകൻ ഗിൽ പന്തേൽപ്പിച്ചത്. ഓവറിലെ മൂന്നാം പന്തിൽ ഇംഗ്ലണ്ട് നായകൻ ബെൻ സ്റ്റോക്സിന്റെ വിക്കറ്റെടുത്ത സുന്ദർ ഇന്ത്യക്ക് നിർണായക ബ്രേക്ക് ത്രൂ സമ്മാനിച്ചു.

Also Read: ആരാധകർ കാത്തിരുന്ന മറുപടിയുമായി രവീന്ദ്ര ജഡേജ.

മത്സരത്തിൽ ഇന്ത്യയുടെ ജയസാധ്യതകൾക്ക് മുന്നിലെ പ്രധാന ഭീഷണിയാകുമെന്ന് കരുതപ്പെട്ടിരുന്ന സ്റ്റോക്സിനെ സുന്ദർ വിക്കറ്റിന് മുന്നിൽ കുടുക്കുകയായിരുന്നു. ഈ വിക്കറ്റ് ഇന്ത്യയെ കളിയിൽ ഡ്രൈവിങ് സീറ്റിലെത്തിച്ചു. ജഡേജ അതിവേഗത്തിൽ തന്റെ ഓവർ പൂർത്തിയാക്കിയത് കൊണ്ടു മാത്രമാണ് ഉച്ചഭക്ഷണത്തിന് മുൻപ് ഒരോവർ കൂടി സാധ്യമായതും ഇന്ത്യക്ക് നിർണായക വിക്കറ്റ് ലഭിച്ചതും.

Also Read: സിക്സടിച്ച് കിടിലൻ റെക്കോഡ് സ്വന്തമാക്കി ഋഷഭ് പന്ത്, അക്കാര്യത്തിൽ ഇനി നമ്പർ വൺ; മറികടന്നത് ബെൻ സ്റ്റോക്സിനെ

അതേ സമയം 72/3 എന്ന നിലയിൽ അഞ്ചാം ദിനം ബാറ്റിങ് പുനരാരംഭിച്ച ഇംഗ്ലണ്ടിന് തുടക്കം തന്നെ രണ്ട് വിക്കറ്റുകൾ നഷ്ടമായി. ഒല്ലി പോപ്പ് ( 24 ), ഹാരി ബ്രൂക്ക് ( 23 ) എന്നിവർ പവലിയനിൽ മടങ്ങിയെത്തുമ്പോൾ ഇംഗ്ലണ്ട് സ്കോർ 83 മാത്രം. ബെൻ സ്റ്റോക്സും ജാമി സ്മിത്തും ചേർന്ന് ടീമിനെ തകർച്ചയിൽ നിന്ന് കരകയറ്റുമെന്ന് കരുതിയിരുന്നപ്പോളാണ് സുന്ദർ ഇന്ത്യക്ക് ബ്രേക്ക് ത്രൂ സമ്മാനിക്കുന്നത്. 33 റൺസെടുത്ത സ്റ്റോക്സാണ് പുറത്തായത്. ടീം സ്കോർ 199 എത്തിയപ്പോൾ ഏഴ് റൺസെടുത്ത ക്രിസ് വോക്സും വീണു.