England vs India 3rd Test: ഇന്ത്യക്കെതിരായ ലോര്‍ഡ്‌സ് ടെസ്റ്റില്‍ സെഞ്ചുറി തികച്ച് ജോ റൂട്ട് (Joe Root). 34കാരന്റെ 37ാം ടെസ്റ്റ് സെഞ്ചുറിയാണിത്. ഇന്ത്യക്കെതിരെ 11ാം സെഞ്ചുറിയും. ഇന്ത്യക്കെതിരെ ടെസ്റ്റില്‍ 3,000 റണ്‍സ് തികയ്ക്കുന്ന ലോകത്തിലെ ആദ്യ കളിക്കാരനാണ് ജോ റൂട്ട്.
ജോ റൂട്ടിന്റെ 37ാം ടെസ്റ്റ് സെഞ്ചുറിയാണിത്. ടെസ്റ്റ് ചരിത്രത്തില്‍ ഏറ്റവും കൂടുതല്‍ സെഞ്ചുറികള്‍ നേടിയ താരങ്ങളില്‍ ആദ്യ അഞ്ച് താരങ്ങളില്‍ ഒരാളായി മാറുകയും ചെയ്തു. 36 സെഞ്ചുറികള്‍ വീതം നേടി അഞ്ചാം സ്ഥാനത്ത് ഉണ്ടായിരുന്ന രാഹുല്‍ ദ്രാവിഡും സ്റ്റീവ് സ്മിത്തും ഇതോടെ ആദ്യ അഞ്ച് പേരുടെ എലൈറ്റ് പട്ടികയില്‍ നിന്ന് പുറത്തായി.
ഏകദിനത്തിലും ടി20 വെടിക്കെട്ടുമായി വൈഭവ്; ഇംഗ്ലണ്ടിനെ മലര്‍ത്തിയടിച്ച് ഇന്ത്യ
ഇന്ത്യയുടെ സച്ചിന്‍ ടെണ്ടുല്‍ക്കര്‍ 51 ടെസ്റ്റ് സെഞ്ചുറികളുമായി ഒന്നാം സ്ഥാനം അലങ്കരിക്കുന്നു. ജാക്വസ് കാലിസ് (45), റിക്കി പോണ്ടിങ് (41), കുമാര്‍ സംഗക്കാര (38), ജോ റൂട്ട് (37) എന്നിവരാണ് ആദ്യ അഞ്ചില്‍ ഇപ്പോഴുള്ളത്.
ഏറ്റവും കൂടുതല്‍ ടെസ്റ്റ് സെഞ്ചുറികള്‍ നേടിയവര്‍
1. സച്ചിന്‍ ടെണ്ടുല്‍ക്കര്‍- 51
2. 45 ജാക്വസ് കാലിസ്- 45
3. റിക്കി പോണ്ടിങ് – 41
4. കുമാര്‍ സംഗക്കാര- 38
5. ജോ റൂട്ട്- 37
മെസ്സിയും ക്രിസ്റ്റ്യാനോയും നേര്‍ക്കുനേര്‍…! ആ മോഹം നടക്കുമോ? അര്‍ജന്റീനയുടെ ഇതിഹാസത്തിന് വില പറഞ്ഞ് സൗദി ക്ലബ്ബ്
ഇന്ത്യക്കെതിരെ ജോ റൂട്ടിന്റെ 11ാം ടെസ്റ്റ് സെഞ്ചുറിയാണിത്. ഇന്ത്യക്കെതിരെ ഏറ്റവും കൂടുതല്‍ ടെസ്റ്റ് സെഞ്ചുറികള്‍ നേടിയ ഓസ്ട്രേലിയന്‍ താരം സ്റ്റീവ് സ്മിത്തിന് ഒപ്പമെത്തി. 12 അര്‍ധസെഞ്ചുറികളും ഇന്ത്യക്കെതിരേ ജോ റൂട്ട് നേടിയിട്ടുണ്ട്.
ഇന്ത്യക്കെതിരെ 3,000 റണ്‍സ് തികയ്ക്കുന്ന ലോകത്തിലെ ആദ്യ കളിക്കാരനെന്ന റെക്കോഡിന് കഴിഞ്ഞ ദിവസം ജോ റൂട്ട് അര്‍ഹനായിരുന്നു. ഇന്ത്യക്കെതിരെ ഏറ്റവും കൂടുതല്‍ റണ്‍സ് നേടുന്ന കളിക്കാരനെന്ന റെക്കോഡ് കഴിഞ്ഞ വര്‍ഷം ഇംഗ്ലണ്ടിന്റെ ഇന്ത്യന്‍ പര്യടനത്തിനിടെ അദ്ദേഹം കൈവരിച്ചിരുന്നു. റിക്കി പോണ്ടിങിന്റെ റെക്കോഡ് ആണ് ജോ റൂട്ട് അന്ന് തകര്‍ത്തത്.
ചെല്‍സി ഫിഫ ക്ലബ്ബ് ലോകകപ്പ് ഫൈനലില്‍; ഇരട്ട ഗോളുമായി ബ്രസീലിന്റെ യുവ താരം ജോവോ പെഡ്രോ, ഗോള്‍ ആഘോഷം ഒഴിവാക്കി
ടെസ്റ്റില്‍ ഇന്ത്യക്കെതിരെ കൂടുതല്‍ റണ്‍സ് നേടിയവര്‍ (കളിക്കാരന്‍, റണ്‍സ്, സെഞ്ചുറി, ഫിഫ്റ്റി എന്നീ ക്രമത്തില്‍)
- ജോ റൂട്ട്: 3006. 11, 12
- റിക്കി പോണ്ടിങ:് 2,555. 8, 12
- അലസ്റ്റര്‍ കുക്ക്: 2,431. 7, 9
- സ്റ്റീവ് സ്മിത്ത്: 2,356. 11, 5
- ക്ലൈവ് ലോയ്ഡ്: 2,344. 7, 12
ടെസ്റ്റ് ക്രിക്കറ്റില്‍ ഒരു രാജ്യത്തിനെതിരെ 3,000 ല്‍ കൂടുതല്‍ റണ്‍സ് നേടുന്ന ഒമ്പതാമത്തെ കളിക്കാരനാണ് റൂട്ട്. എല്ലാ ഫോര്‍മാറ്റുകളിലുമായി ഇന്ത്യക്കെതിരെ 4,000 റണ്‍സ് കടന്നു. റിക്കി പോണ്ടിങ്, കുമാര്‍ സംഗക്കാര, മഹേല ജയവര്‍ധന എന്നിവര്‍ക്ക് ശേഷം ഈ നേട്ടം കൈവരിക്കുന്ന നാലാമത്തെ കളിക്കാരനാണ്.
സെഞ്ചുറി തികച്ചയുടന്‍ ജോ റൂട്ട് പുറത്തായി. ബൗണ്ടറിയടിച്ച് സെഞ്ചുറി തികച്ച അദ്ദേഹം ഒരു റണ്‍സ് കൂടി കൂട്ടിച്ചേര്‍ത്തു. ജോ റൂട്ടിനെ ബുംറ ക്ലീന്‍ ബൗള്‍ഡ് ആക്കി. 199 പന്തില്‍ 104 റണ്‍സാണ് നേടിയത്.
രചയിതാവിനെക്കുറിച്ച്നിഷാദ് അമീന്‍16 വര്‍ഷമായി മാധ്യമരംഗത്ത് പ്രവര്‍ത്തിക്കുന്നു. കാലിക്കറ്റ് സര്‍വകലാശാലയില്‍ നിന്ന് മാസ് കമ്മ്യൂണിക്കേഷനില്‍ ബിരുദവും കാലിക്കറ്റ് പ്രസ് ക്ലബ്ബില്‍ നിന്ന് ടെലിവിഷന്‍ ജേണലിസത്തില്‍ പിജി ഡിപ്ലോമയും ഇംഗ്ലീഷ് സാഹിത്യത്തില്‍ ബിരുദാനന്തര ബിരുദവും നേടി. ഏഴ് വര്‍ഷം സൗദി അറേബ്യയില്‍ മാധ്യമപ്രവര്‍ത്തകനായിരുന്നു. സൗദിയില്‍ ഇന്ത്യന്‍ മീഡിയ ഫോറത്തിന്റെ ജനറല്‍ സെക്രട്ടറിയായും പ്രവര്‍ത്തിച്ചിട്ടുണ്ട്. സുപ്രഭാതം, മലയാളം ന്യൂസ്, തേജസ് ദിനപത്രങ്ങളില്‍ സീനിയര്‍ സബ് എഡിറ്ററായും ഗള്‍ഫ് ന്യൂസ് എഡിറ്ററായും സീനിയര്‍ റിപോര്‍ട്ടറായും കേരളത്തിലെയും ഗള്‍ഫിലെയും വിവിധ ബ്യൂറോകളിലും എഡിറ്റോറിയല്‍ ഡെസ്‌കിലും ന്യൂഡല്‍ഹി, റിയാദ്, ജിദ്ദ, യുഎഇ എന്നിവിടങ്ങളിലും ജോലിചെയ്തു. ടൈംസ് ഓഫ് ഇന്ത്യയുടെ ഭാഗമായ സമയം മലയാളത്തില്‍ കണ്ടന്റ് പ്രൊഡ്യൂസറാണ്.… കൂടുതൽ വായിക്കുക