Champions League T20: ചാമ്പ്യന്സ് ലീഗ് ടി20 2026 സെപ്റ്റംബറില് പുനരാരംഭിച്ചേക്കും. സൗദി അറേബ്യ ആതിഥേയത്വം വഹിക്കാന് സാധ്യത. തീരുമാനം സിംഗപ്പൂരില് സമാപിച്ച ഐസിസി സമ്മേളനത്തില്.
ഹൈലൈറ്റ്:
- ചാമ്പ്യന്സ് ലീഗ് ടി20 നിര്ത്തിയത് 2014ല്
- സിഎസ്കെ അവസാന ചാമ്പ്യന്മാര്
- 2026 സെപ്റ്റംബറില് പുനരാരംഭിച്ചേക്കും

നാലാം ടെസ്റ്റില് ബുംറ കളിക്കുമെന്ന് പറയാന് മൂന്ന് കാരണങ്ങളിതാ
ടൂര്ണമെന്റ് തിരികെ കൊണ്ടുവരുന്നത് സംബന്ധിച്ച് ഐസിസി സമ്മേളനത്തില് ചര്ച്ച ചെയ്തപ്പോള് പ്രധാന അംഗങ്ങളുടെ പിന്തുണ ലഭിച്ചു. ടൂര്ണമെന്റിന്റെ പുതിയ പതിപ്പ് അടുത്ത വര്ഷം (2026) സെപ്റ്റംബറില് നടത്താനും തീരുമാനിച്ചു.
സൗദി അറേബ്യ ആയിരിക്കും ചാമ്പ്യന്സ് ലീഗ് ടി20 2026ന് ആതിഥേയത്വം വഹിക്കുകയെന്ന് കരുതപ്പെടുന്നതായും റിപോര്ട്ടില് പറയുന്നു. ടൂര്ണമെന്റിനുള്ള സാമ്പത്തിക ചെലവ് എങ്ങനെ വിഭജിക്കണമെന്ന് ഇതുവരെ തീരുമാനിച്ചിട്ടില്ല.
ക്രിസ്റ്റ്യാനോ റൊണാള്ഡോയുടെ കിടിലന് റെക്കോഡ് തകര്ത്ത് ലയണല് മെസ്സി; മൂന്ന് നാഴികക്കല്ലുകളിലേക്ക് കൂടി അടുത്തു
2008 ല് ആണ് ചാമ്പ്യന്സ് ലീഗ് ടി20 ആരംഭിച്ചത്. ഇന്ത്യന് ക്രിക്കറ്റ് കണ്ട്രോള് ബോര്ഡ്, ക്രിക്കറ്റ് ഓസ്ട്രേലിയ, ക്രിക്കറ്റ് സൗത്ത് ആഫ്രിക്ക എന്നിവ തുല്യ പങ്കാളികളായി ടൂര്ണമെന്റിന് തുടക്കമിട്ടു. 2014 ലെ ആറാം പതിപ്പിന് ശേഷം ടൂര്ണമെന്റ് നിര്ത്തിവച്ചു. ലീഗിന്റെ സംപ്രേക്ഷണ കരാര് ലഭിച്ചിരുന്ന ഇഎസ്പിഎന്സ്റ്റാര് പിന്മാറാന് തീരുമാനിച്ചതോടെയാണ് ടൂര്ണമെന്റ് റദ്ദാക്കിയത്.
ചാമ്പ്യന്സ് ലീഗ് ടി20 യില് കൂടുതല് തവണ ജേതാക്കളായത് ഇന്ത്യന് ഫ്രാഞ്ചൈസികളാണ്. ചെന്നൈ സൂപ്പര് കിങ്സും മുംബൈ ഇന്ത്യന്സും രണ്ടുതവണ വീതം കിരീടം നേടി. 2010 ലും 2014 ലും സൂപ്പര് കിങ്സ് ചാമ്പ്യന്മാരായപ്പോള് 2011 ലും 2013 ലും മുംബൈ ഇന്ത്യന്സ് കിരീടം ചൂടി. 2009 ലെ ഉദ്ഘാടന പതിപ്പില് ന്യൂ സൗത്ത് വെയില്സും 2012 ല് സിഡ്നി സിക്സേഴ്സും ജേതാക്കളായി.
വൈഭവ് സൂര്യവംശി കാത്തിരിക്കണം; 15 വയസ്സ് ആവണമെന്ന നിബന്ധന തുടരുമെന്ന് ഐസിസി, ഒളിമ്പിക്സ് ക്രിക്കറ്റില് ആറ് ടീമുകള് മാത്രം
ചാമ്പ്യന്സ് ലീഗ് ഫുട്ബോള് ടൂര്ണമെന്റിന്റെ മാതൃകയിലാണ് ചാമ്പ്യന്സ് ലീഗ് ടി20 ആരംഭിക്കുന്നത്. ലോകമെമ്പാടുമുള്ള മികച്ച ടി20 ഫ്രാഞ്ചൈസി ടീമുകള്ക്ക് പരസ്പരം മത്സരിക്കാനുള്ള അവസരം നല്കുക എന്നതാണ് ഇതിന്റെ ലക്ഷ്യം.
അവസാന ചാമ്പ്യന്സ് ലീഗ് ടി20 നടന്ന 2014 ന് ശേഷം ലോകമെമ്പാടുമുള്ള ടി20 ഫ്രാഞ്ചൈസി രംഗത്ത് വലിയ മാറ്റമുണ്ടായിട്ടുണ്ട്. ഉന്നത നിലവാരമുള്ള നിരവധി ടി20 ലീഗുകള് ആരംഭിച്ചു. വിവിധ ലീഗുകളിലെ പല ടീമുകള്ക്കും ഒരേ ഉടമസ്ഥര് തന്നെയാണ്. നിരവധി കളിക്കാര് ഒന്നിലധികം ടീമുകള്ക്കായി കളിക്കുമ്പോള് ചാമ്പ്യന്സ് ലീഗ് ടി20യില് ഏത് ടീമിനായി കളിക്കും എന്നത് ഉള്പ്പെടെയുള്ള പ്രശ്നങ്ങള് പരിഹരിക്കേണ്ടതുണ്ട്.