ഇന്ത്യൻ സൂപ്പർ ലീഗിൽ നിരാശപ്പെടുത്തിയ കേരള ബ്ലാസ്റ്റേഴ്സ് സൂപ്പർ കപ്പിൽ കളിക്കാൻ ഒരുങ്ങുന്നു. ആദ്യ കളിയിൽ മഞ്ഞപ്പടയുടെ എതിരാളികൾ ആരെന്ന് വ്യക്തമായി. ടീമിന്റെ ലക്ഷ്യം കിരീടം.
ഹൈലൈറ്റ്:
- സൂപ്പർ കപ്പിൽ കിടിലൻ ടീമിനെ അണിനിരത്താൻ കേരള ബ്ലാസ്റ്റേഴ്സ്
- ടീമിന്റെ എതിരാളികൾ ആരെന്ന് വ്യക്തമായി
- കിരീട പ്രതീക്ഷയിൽ മഞ്ഞപ്പട
കേരള ബ്ലാസ്റ്റേഴ്സിന്റെ സൂപ്പർ കപ്പ് എതിരാളികൾ ഈ ടീം; കിടിലൻ ടീമിനെ ഇറക്കാൻ മഞ്ഞപ്പട, കിരീടം തന്നെ ലക്ഷ്യം
കേരള ബ്ലാസ്റ്റേഴ്സ് ഇത്തവണ ഐ എസ് എല്ലിൽ എട്ടാം സ്ഥാനത്താണ് ഫിനിഷ് ചെയ്തതെങ്കിൽ ഒൻപതാം സ്ഥാനത്ത് ഫിനിഷ് ചെയ്ത ടീമാണ് ഈസ്റ്റ് ബംഗാൾ. പേപ്പർ കരുത്തിൽ ഒപ്പത്തിന് ഒപ്പം നിൽക്കുന്ന ഈസ്റ്റ് ബംഗാളിനെതിരെ നടക്കാനിരിക്കുന്ന മത്സരം കേരള ബ്ലാസ്റ്റേഴ്സിന് ഒട്ടും എളുപ്പമാകില്ല എന്ന കാര്യം ഉറപ്പ്.
പുതിയ പരിശീലകനായ ഡേവിഡ് കറ്റാലക്ക് കീഴിലാണ് കേരള ബ്ലാസ്റ്റേഴ്സ് ഇത്തവണത്തെ സൂപ്പർ കപ്പിന് ഇറങ്ങുക. കഴിഞ്ഞ മാസാവസാനം കേരള ബ്ലാസ്റ്റേഴ്സിന്റെ പരിശീലകനായി പ്രഖ്യാപിക്കപ്പെട്ട കറ്റാല, കൊച്ചിയിൽ എത്തിക്കഴിഞ്ഞു. നേരത്തെ സ്വീഡിഷ് പരിശീലകനായ മിക്കായേൽ സ്റ്റാറെക്ക് കീഴിലായിരുന്നു കേരള ബ്ലാസ്റ്റേഴ്സ് 2024-25 സീസണിൽ കളിച്ചു തുടങ്ങിയത്. എന്നാൽ ഐ എസ് എല്ലിൽ ടീമിന്റെ പ്രകടനം മോശമായതോടെ കേരള ബ്ലാസ്റ്റേഴ്സ്, സ്റ്റാറെയെ പരിശീലക സ്ഥാനത്ത് നിന്ന് പുറത്താക്കുകയായിരുന്നു. ഇതിന് ശേഷം പുതിയ വിദേശ പരിശീലകനെ കൊണ്ടുവരാൻ താല്പര്യപ്പെടാതിരുന്ന കേരള ബ്ലാസ്റ്റേഴ്സ്, താൽക്കാലിക പരിശീലകനായ ടിജി പുരുഷോത്തമന് കീഴിൽ ഐ എസ് എൽ സീസൺ പൂർത്തിയാക്കുകയായിരുന്നു.
കേരള ബ്ലാസ്റ്റേഴ്സിന്റെ ആ വമ്പൻ നീക്കം നടന്നില്ല, കിടിലൻ ഓഫർ സൂപ്പർ ക്ലബ്ബ് നിരസിച്ചു; സംഭവിച്ചത് ഇങ്ങനെ
അതേ സമയം ഇന്ത്യൻ സൂപ്പർ ലീഗിലെ 13 ക്ലബ്ബുകളെയും ഐ ലീഗിലെ ചില ക്ലബ്ബുകളെയും പങ്കെടുപ്പിച്ച് കൊണ്ട് സൂപ്പർ കപ്പ് സംഘടിപ്പിക്കാനാണ് ഓൾ ഇന്ത്യ ഫുട്ബോൾ ഫെഡറേഷന്റെ നീക്കം. സൂപ്പർ കപ്പിൽ കളിക്കാനുള്ള താല്പര്യം അറിയിക്കാൻ എ ഐ എഫ് എഫ്, ഐ ലീഗ് ക്ലബ്ബുകളോട് ആവശ്യപ്പെട്ടെങ്കിലും ഇതുവരെ രണ്ട് ക്ലബ്ബുകൾ മാത്രമാണ് ടൂർണമെന്റിൽ കളിക്കാനുള്ള താല്പര്യവുമായി മുന്നോട്ടു വന്നിരിക്കുന്നത്. ചർച്ചിൽ ബ്രദേഴ്സ്, ഇന്റർ കാശി ടീമുകളാണ് ഇത്. സാമ്പത്തിക ബുദ്ധിമുട്ടുകളാണ് ഐ ലീഗ് ക്ലബ്ബുകളെ സൂപ്പർ കപ്പിൽ നിന്ന് അകറ്റി നിർത്തുന്നത് എന്നാണ് റിപ്പോർട്ട്.
മോശം സീസണിലും കേരള ബ്ലാസ്റ്റേഴ്സിന്റെ ഏറ്റവും വലിയ പോസിറ്റീവായി ഇക്കാര്യം; ഈ താരത്തിൽ മഞ്ഞപ്പടക്ക് വലിയ പ്രതീക്ഷകൾ
നിലവിൽ പുറത്തുവരുന്ന റിപ്പോർട്ടുകൾ പ്രകാരം ഏപ്രിൽ 20 ന് കേരള ബ്ലാസ്റ്റേഴ്സും ഈസ്റ്റ് ബംഗാളും തമ്മിൽ ആദ്യ കളി നടക്കും. ഐ എസ് എല്ലിലെ രണ്ടാം സ്ഥാനക്കാരായ എഫ് സി ഗോവ, ഐ ലീഗ് ടീമുകളിലെ ഏറ്റവും കുറഞ്ഞ റാങ്കുള്ള ടീമിനെ നേരിടും. ഒഡീഷയിലെ ഭുവനേശ്വറിലാണ് സൂപ്പർ കപ്പ് നടക്കുന്നത്. വിജയികൾക്ക് 2025-26 എ എഫ് സി ചാമ്പ്യൻസ് ലീഗ് 2 ന്റെ പ്ലേ ഓഫിലേക്ക് യോഗ്യത ലഭിക്കും.
രചയിതാവിനെക്കുറിച്ച്ഗോകുൽ എസ്ഗോകുൽ എസ്- സമയം മലയാളത്തിൽ ഡിജിറ്റൽ കണ്ടൻ്റ് പ്രൊഡ്യൂസർ. സ്പോർട്സ് ഇഷ്ട വിഷയം. ഇന്ത്യൻ സൂപ്പർ ലീഗ്, സന്തോഷ് ട്രോഫി അടക്കം വിവിധ ടൂർണമെന്റുകൾ റിപ്പോർട്ട് ചെയ്തിട്ടു‌ണ്ട്. 2017 മുതൽ മാധ്യമ പ്രവർത്തന രംഗത്ത് സജീവം. ഇടക്കാലത്ത് അധ്യാപകനായും ജോലി ചെയ്തു.… കൂടുതൽ വായിക്കുക