ഗംഭീറും സംഘവും പണി തുടങ്ങി; പരിശീലന സമയത്ത് പോലും കിടിലൻ ഫോം; വീഡിയോ ഏറ്റെടുത്ത് ആരാധകർ

രോഹിത് ശർമ ക്യാപ്റ്റൻ, അമ്പരന്ന് ആരാധകർ; സർപ്രൈസ് ഐപിഎൽ ടീം ഓഫ് ദി ടൂർണമെന്റ് തെരഞ്ഞെടുത്ത് മുൻ ഇന്ത്യൻ താരം

പുതിയ ക്യാപ്റ്റൻ ശുഭ്മാൻ ഗില്ലിന്റെ നേതൃത്വത്തിലാണ് ഇന്ത്യൻ ടീം ഇംഗ്ലണ്ടിനെ നേരിടാനൊരുങ്ങുന്നത്. വിരാട് കൊഹ്ലിയുടെയും രോഹിത് ശര്മയുടെയും വിരമിക്കൽ ഇന്ത്യൻ ടെസ്റ്റ് ടീമിനെ ബാധിച്ചെങ്കിലും അത് പരമ്പര നഷ്ടമാകാനുള്ള കാരണമാകരുത് എന്ന് പരിശീലകൻ ഗൗതം ഗംഭീറിനും പുതിയ നായകനും നിർബന്ധമുണ്ട്. പരിചയ സമ്പന്നരായ ഒട്ടനവധി താരങ്ങളുമായി ആണ് ഇംഗ്ലണ്ട് ടെസ്റ്റ് പരമ്പരയ്ക്കായി തയ്യാറെടുപ്പുകൾ നടത്തുന്നത്. എന്നാൽ ഇന്ത്യൻ ടീമിൽ യുവ നിരയാണ് ഉള്ളത്. 2027 ആകുമ്പോഴേക്കും ഈ ടീം ടെസ്റ്റ് ക്രിക്കറ്റിൽ തങ്ങളുടെ ആധിപത്യം ഉറപ്പിക്കും എന്നാണ് പല ക്രിക്കറ്റ് നിരീക്ഷകരും അഭിപ്രായപ്പെട്ടിരിക്കുന്നത്. ആരാധകർക്കും ഈ ടീമിൽ വിശ്വാസം ഉണ്ട്.

ഇപ്പോഴിതാ ഇംഗ്ലണ്ടിൽ എത്തിയ ടീം തങ്ങളുടെ പരിശീലനം ആരംഭിച്ചിരിക്കുകയാണ്. ജസ്പ്രീത് ബുംറ, പ്രസിദ്ധ് കൃഷ്ണ, മുഹമ്മദ് സിറാജ്, അർഷ്ദീപ് സിങ് എന്നിവരടങ്ങുന്ന പേസ് സംഘവും പുതിയ ക്യാപ്റ്റൻ ശുഭ്മാൻ ഗിൽ, ഋഷഭ് പന്ത്, ഓൾറൗണ്ടർ രവീന്ദ്ര ജഡേജ എന്നിവരും മുഖ്യ പരിശീലകൻ ഗൗതം ഗംഭീറിന്റെ കീഴിൽ പരീശീലനം നടത്തുന്ന തിരക്കിലാണ്.

ബിസിസിഐ ആണ് പരിശീലന വീഡിയോ തങ്ങളുടെ ഒഫീഷ്യൽ സോഷ്യൽ മീഡിയ പേജിലൂടെ പങ്കുവെച്ചിരിക്കുന്നത്. ഇന്ത്യൻ ക്രിക്കറ്റിന്റെ സംബന്ധിച്ചിടത്തോളം ഒരു പുതിയ യുഗത്തിന്റെ തുടക്കമാണ് ഇന്ത്യ – ഇംഗ്ലണ്ട് ടെസ്റ്റ് പരമ്പരയിൽ കാണാൻ സാധിക്കുക. തങ്ങളുടെ സീനിയർ താരങ്ങൾക്കൊപ്പം ടെസ്റ്റ് മത്സരങ്ങളിൽ ഇറങ്ങി കഴിവ് തെളിയിച്ച താരങ്ങളാണ് ടെസ്റ്റ് ക്യാപ്റ്റൻ ശുഭ്മാൻ ഗില്ലും ടെസ്റ്റ് വൈസ് ക്യാപ്റ്റൻ ഋഷഭ് പന്തും.

ഇന്നവർ ഇന്ത്യയുടെ യുവ നിരയെ നയിക്കാൻ സജ്ജമാവുകയാണ്. പരിചയ സമ്പന്നരായ ഇംഗ്ലണ്ടിനെ വീഴ്ത്തി പരമ്പര സ്വന്തമാക്കാൻ സാധിച്ചാൽ ശുഭ്മാൻ ഗില്ലിനും ഋഷഭ് പന്തിനും അത് നൽകുന്ന ഊർജം ചെറുതായിരിക്കില്ല. മുന്നോട്ടുള്ള മത്സരങ്ങളിൽ ആ ജയം അവർക്കൊരു മുതൽ കൂട്ടായിരിക്കും.

നിലവിൽ കഠിന പരിശീലനത്തിലാണ് ഇന്ത്യൻ ടെസ്റ്റ് ടീം. ഇന്ത്യ എ ടീമിലുള്ള ചില താരങ്ങൾ കൂടി റെയ്ഡ് ടീമിലേക്ക് എത്താൻ ഉണ്ട്. എന്നാൽ ഇപ്പോൾ നടക്കുന്ന ഇന്ത്യ എ ടീം – ഇംഗ്ലണ്ട് ലയൺസ് രണ്ടാം ടെസ്റ്റ് മത്സരം പുരോഗമിക്കുകയാണ്. അതുകൊണ്ടാണ് താരങ്ങൾക്ക് പരീശിലനത്തിനായി എത്തിച്ചേരാൻ സാധിച്ചത്.

കെഎൽ രാഹുൽ , കരുൺ നായർ , യശസ്വി ജയ്‌സ്വാൾ, അഭിമന്യു ഈശ്വരൻ, ധ്രുവ് ജൂറൽ, നിതീഷ് കുമാർ റെഡി, ശർദൂൽ താക്കൂർ എന്നീ താരങ്ങൾ നിലവിൽ ഇന്ത്യ എ ടീമിനായി കളിക്കുകയാണ്. ജൂൺ 9 വരെയാണ് രണ്ടാം ടെസ്റ്റ് മത്സരം ഉള്ളത്. ഇതിന് ശേഷം ഈ താരങ്ങൾ ഇന്ത്യ ടീമിനൊപ്പം പരിശീലനം ആരംഭിക്കും.