'ഞാൻ 2025 ലെ ഫ്രഞ്ച് ഓപ്പൺ നേടും' ലോകത്തെ ഞെട്ടിച്ച് ഗൗഫിന്റെ പ്രതീക്ഷയുടെ കുറിപ്പ്

Spread the love

2025 ഫ്രഞ്ച് ഓപ്പൺ ടൈറ്റിൽ നേടി അമേരിക്കൻ ടെന്നീസ് താരം കൊക്കോ ഗൗഫ്. 6-7, 6-2, 6-4 എന്ന സ്കോർ നേടിയാണ് ഗൗഫ് ഫൈനലിൽ ജയം സ്വന്തമാക്കിയത്. എന്തന്നാൽ ഇപ്പോൾ ഫൈനലിന് മുന്നേ ഗൗഫ് സ്വന്തം കയ്യക്ഷരത്തിൽ എഴുതിയ ഒരു വാചകമാണ് ലോക ശ്രദ്ധ പിടിച്ചുപറ്റുന്നത്.

ഹൈലൈറ്റ്:

  • 2025 ഫ്രഞ്ച് ഓപ്പൺ ടൈറ്റിൽ നേടി കൊക്കോ ഗൗഫ്
  • ഫൈനലിൽ പരാജയപ്പെടുത്തിയത് ലോക ഒന്നാം നമ്പർ താരത്തെ
  • വൈറലായി ഗൗഫിന്റെ കുറിപ്പ്
കൊക്കോ ഗൗഫ്
കൊക്കോ ഗൗഫ് (ഫോട്ടോസ്Samayam Malayalam)
2025 ലെ ഫ്രഞ്ച് ഓപ്പൺ ടൈറ്റിൽ സ്വന്തമാക്കിയിരിക്കുകയാണ് അമേരിക്കൻ ടെന്നീസ് താരം കൊക്കോ ഗൗഫ്. ലോക ഒന്നാം നമ്പർ താരത്തെ പരാജയപ്പെടുത്തിയാണ് അമേരിക്കൻ താരത്തിന്റെ ത്രില്ലിങ് ജയം പിറക്കുന്നത്. അരീന സബലേങ്കയുടെ മുന്നിൽ ആദ്യം പതറിയെങ്കിലും പിന്നീട് താരം മത്സരം തന്റെ കൈയിൽ ഒതുക്കുകയായിരുന്നു.
ഫ്രഞ്ച് ഓപ്പൺ ജയിച്ച കൊക്കോ ഗോഫിന് ലഭിക്കുന്നത് വമ്പൻ സമ്മാനത്തുക, ഫൈനലിൽ തോറ്റ സബലേങ്കക്കും കോളടിക്കും
ടെന്നീസിലെ ലോക രണ്ടാം നമ്പർകാരിയായ കൊക്കോ ഗൗഫ് ഒന്നാം നമ്പർകാരിയായ അരീന സബലേങ്കയെ ഫൈനലിൽ 6-7, 6-2, 6-4 എന്നിങ്ങനെ സ്കോർ ചെയ്താണ് പരാജയപ്പെടുത്തിയത്. കടുത്ത മത്സരം തന്നെയായിരുന്നു ഇരുവരും ഫൈനലിൽ കാഴ്ചവെച്ചത്. ആദ്യ സെറ്റ് സബലേങ്ക സ്വന്തമാക്കിയപ്പോളും വാശിയോടെ ഗൗഫ് മുന്നേറിയത് കാണികൾക്കും ആവേശം നൽകുന്നതായിരുന്നു.

‘ഞാൻ 2025 ലെ ഫ്രഞ്ച് ഓപ്പൺ നേടും’ ലോകത്തെ ഞെട്ടിച്ച് ഗൗഫിന്റെ പ്രതീക്ഷയുടെ കുറിപ്പ്

അതേസമയം ഇപ്പോൾ ചർച്ചയാകുന്നത് ഗൗഫ് ഫൈനലിന് മുന്നേ സ്വന്തം കയ്യക്ഷരത്തിൽ എഴുതിയ കുറച്ച് വാക്കുകളാണ്. തന്റെ വിജയത്തിന് ശേഷം ഗൗഫ് തന്നെയാണ് സ്വന്തം കൈയക്ഷരത്തിൽ എഴുതിയ കുറിപ്പ് പങ്കുവെച്ചതും. ‘ഞാൻ 2025 ലെ ഫ്രഞ്ച് ഓപ്പൺ നേടും. ഞാൻ 2025 ലെ ഫ്രഞ്ച് ഓപ്പൺ ചാമ്പ്യനാകും’ എന്നായിരുന്നു തന്റെ സ്വന്തം കയ്യക്ഷരത്തിൽ ഗൗഫ് എഴുതിയിരുന്നത്.

താരം പങ്കുവെച്ച ചിത്രം നിമിഷ നേരംകൊണ്ടാണ് സോഷ്യൽ മീഡിയയിൽ വൈറലാകുന്നത്. ടൂർണമെന്റിൽ ഉടനീളം ഗൗഫ് ആ കുറിപ്പ് കൂടെ കൊണ്ട് നടന്നിരുന്നു. പക്ഷെ ആരെയും കാണിച്ചിരുന്നില്ല. എന്നാൽ റോളണ്ട് ഗാരോസിന്റെ ഐക്കണിക് കളിമൺ കോർട്ടുകളിൽ ആ വാചകങ്ങൾ സത്യമായി മാറുന്നത് ലോകം കണ്ടു. ലോക ഒന്നാം നമ്പർ താരമായ അരിന സബലെങ്കയെ ഫൈനലിൽ പരാജയപ്പെടുത്തിയ ശേഷം, ഗൗഫ് കുറിപ്പ് ലോകത്തെ കാണിക്കുകയായിരുന്നു. ഇന്ന് ഗൗഫിനെ പ്രശംസിക്കുന്ന നിരക്കിലാണ് കായിക പ്രേമികൾ.

21 കാരിയായ ഗൗഫ് ആദ്യ സെറ്റിൽ മാത്രമാണ് താഴേക്കിറങ്ങിയത്. 6-7(5) എന്നതായിരുന്നു ആദ്യ സെറ്റിലെ സ്കോർ. രണ്ടാമത്തെയും മൂന്നാമത്തെയും സെറ്റിൽ യഥാക്രമം 6-2, 6-4 എന്നീ സ്‌കോറുകൾ നേടി സബലെങ്കയെ പരാജയപ്പെടുത്തി കിരീടം നേടി. 2023ൽ യുഎസ് ഓപ്പൺ നേടിയതിന് ശേഷമുള്ള അവരുടെ രണ്ടാമത്തെ ഗ്രാൻഡ്സ്ലാം കിരീടമാണിത്. മാത്രവുമല്ല പാരീസിലെ അവരുടെ ആദ്യ ഗ്രാൻഡ്സ്ലാം കിരീടം കൂടിയാണ് ഇത്.

അതേസമയം ഇപ്പോൾ ആരാധകർ കാത്തിരിക്കുന്നത് ഫ്രഞ്ച് ഓപൺ പുരുഷ ടെന്നിസ് ടൂർണമെന്റിലെ വിജയ് ആരെന്ന് അറിയാനാണ്. ജാനിക് സിന്നർ, കാർലോസ് അൽകാരാസ് എന്നിവരാണ് പുരുഷ ഫൈനലിൽ ഏറ്റുമുട്ടുന്ന താരങ്ങൾ. ഇന്ത്യൻ സമയം 6:30ന് ഫൈനൽ ആരംഭിക്കും.

അനുഷ ഗംഗാധരൻ

രചയിതാവിനെക്കുറിച്ച്അനുഷ ഗംഗാധരൻമലയാളം വിഭാഗം മാധ്യമപ്രവർത്തക. കഴിഞ്ഞ 5 വർഷമായി മാധ്യമപ്രവർത്തന രംഗത്ത് സജീവമായി പ്രവർത്തിക്കുന്നു. ബിസിനസ്‌, ജനറൽ, സ്പോർട്സ് എന്നീ വിഷയങ്ങളിൽ വാർത്തകൾ ചെയുന്നു. 2019 മുതൽ ഓൺലൈൻ ന്യൂസ് വിഭാഗത്തിൽ ജോലി ചെയ്യുന്നു. 2023ൽ ഇക്കണോമിക് ടൈമിസിന്റെ ഇ ടി മലയാളത്തിൻ്റെ ഭാഗമായി.കൂടുതൽ വായിക്കുക



Source by [author_name]

Facebook Comments Box

Leave a Reply

Your email address will not be published. Required fields are marked *

error: Content is protected !!