രവീന്ദ്ര ജഡേജ പുറത്ത്, ഗില്ലിന് പുതിയ റോൾ; ആദ്യ ടെസ്റ്റിനുള്ള ഇന്ത്യയുടെ പ്ലേയി‌ങ് ഇലവനെ തെരഞ്ഞെടുത്ത് മുൻ പരിശീലകൻ

Spread the love

India vs England: ഇംഗ്ലണ്ടിന് എതിരായ ആദ്യ ടെസ്റ്റിനുള്ള ഇന്ത്യൻ പ്ലേയിങ് ഇലവനെ തെരഞ്ഞെടുത്ത് മുൻ താരം സഞ്ജയ് ബംഗാർ. സീനിയർ താരം പുറത്ത്.

ഹൈലൈറ്റ്:

  • ഇന്ത്യ – ഇംഗ്ലണ്ട് ആദ്യ ടെസ്റ്റ് ഈ മാസം 20 ന്
  • മത്സരത്തിനുള്ള ഇന്ത്യൻ പ്ലേയിങ് ഇലവൻ തെരഞ്ഞെടുത്ത് സഞ്ജയ് ബംഗാർ
  • സീനിയർ താരം പുറത്ത്
ഇന്ത്യ ക്രിക്കറ്റ് ടീം
ഇന്ത്യ ക്രിക്കറ്റ് ടീം (ഫോട്ടോസ്Getty Images)
ഇന്ത്യയും ഇംഗ്ലണ്ടും തമ്മിലുള്ള അഞ്ച് മത്സര ടെസ്റ്റ് പരമ്പര ഈ മാസം 20 ന് തുടങ്ങാനിരിക്കുകയാണ്. 2025-27 ലോക ടെസ്റ്റ് ചാമ്പ്യൻഷിപ്പിൽ ഇന്ത്യയുടെ ആദ്യ മത്സരം കൂടിയാണിത്. രോഹിത് ശർമയും വിരാട് കോഹ്ലിയും ടെസ്റ്റ് ക്രിക്കറ്റിൽ നിന്ന് വിരമിക്കൽ പ്രഖ്യാപിച്ച തിന് ശേഷം ഇന്ത്യ കളിക്കുന്ന ആദ്യ പരമ്പര കൂടിയാണിത്. അതുകൊണ്ടു തന്നെ ഇന്ത്യൻ ആരാധകർക്ക് അല്പം ആകാംക്ഷ കൂടുതലാണ്‌.പരമ്പരയിലെ ആദ്യ കളിക്ക് ഒരാഴ്ച കൂടി ബാക്കി നിൽക്കുമ്പോൾ ഇപ്പോളിതാ ഈ മത്സരത്തിനുള്ള പ്ലേയിങ് ഇലവനെ തെരെഞ്ഞെടുത്തിരിക്കുകയാണ് മുൻ ഇന്ത്യൻ താരവും ടീമിന്റെ മുൻ ബാറ്റിങ് പരിശീലകനുമായ സഞ്ജയ് ബംഗാർ . സീനിയർ താരത്തെ ഒഴിവാക്കിക്കൊണ്ടുള്ള ടീം സെലക്ഷനാണ് ബംഗാറിന്റേത് എന്നതാണ് ശ്രദ്ധേയം.

രവീന്ദ്ര ജഡേജ പുറത്ത്, ഗില്ലിന് പുതിയ റോൾ; ആദ്യ ടെസ്റ്റിനുള്ള ഇന്ത്യയുടെ പ്ലേയി‌ങ് ഇലവനെ തെരഞ്ഞെടുത്ത് മുൻ പരിശീലകൻ

യുവ സൂപ്പർ താരം യശസ്വി ജയ്സ്വാളിനെയും കെ എൽ രാഹുലിനെയുമാണ് ആദ്യ ടെസ്റ്റിനുള്ള ഇന്ത്യൻ ടീമിന്റെ ഓപ്പണർമാരായി സഞ്ജയ് ബംഗാർ ചൂണ്ടിക്കാട്ടുന്നത്. നിലവിൽ ഇന്ത്യ എ ടീമിന്റെ നായകനായ അഭിമന്യു ഈശ്വരനാണ് മൂന്നാം നമ്പരിൽ. അതേ സമയം ടെസ്റ്റ് ടീമിന്റെ പുതിയ ക്യാപ്റ്റനായ ശുഭ്മാൻ ഗില്ലിനെ മൂന്നാം നമ്പരിൽ നിന്ന് നാലാം നമ്പരിലേക്ക് ബംഗാർ മാറ്റിയിട്ടുണ്ട്. വിരാട് കോഹ്ലി വിരമിച്ച സാഹചര്യത്തിൽ ഇന്ത്യയുടെ നാലാം നമ്പരിൽ ഗിൽ കളിക്കണമെന്നാണ് ബംഗാറിന്റെ പക്ഷം.

Also Read: ആ താരത്തിന് കോളടിക്കും, പത്ര സമ്മേളനത്തിൽ സൂചന നൽകി ഗംഭീർ; പ്ലേയിങ് ഇലവനിൽ ഇനി ലോങ് റൺ ലഭിച്ചേക്കും

ഋഷഭ് പന്തും, കരുൺ നായരുമാണ് ബംഗാറിന്റെ പ്ലേയി‌ങ് ഇലവനിലെ മറ്റ് ബാറ്റർമാർ. അതേ സമയം സീനിയർ ഓൾ റൗണ്ടർ രവീന്ദ്ര ജഡേജയെ ഈ ടീമിൽ നിന്ന് ബംഗാർ ഒഴിവാക്കി എന്നതാണ് ശ്രദ്ധേയം.‌ നിതീഷ് റെഡ്ഡിയെ ടീമിന്റെ ഏക ഓൾറൗണ്ടറായി തെരഞ്ഞെടുത്ത മുൻ ഇന്ത്യൻ താരം, കുൽദീപ് യാദവിനെ സ്പെഷ്യലിസ്റ്റ് സ്പിന്നറായും പ്ലേയിങ് ഇലവനിൽ ഉൾപ്പെടുത്തുന്നു. ജസ്പ്രിത് ബുംറ, മുഹമ്മദ് സിറാജ്, പ്രസിദ് കൃഷ്ണ എന്നിവരാണ് സഞ്ജയ് ബംഗാറിന്റെ ടീമിലെ മൂന്ന് പേസർമാർ.

Also Read: ഞെട്ടിച്ച് കരുൺ നായർ, ഇംഗ്ലണ്ടിൽ കിടിലൻ പ്രകടനം. ഒപ്പം തിളങ്ങി ജൂറലും സർഫറാസ് ഖാനും. ടീമിന് കൂറ്റൻ സ്കോർ.

സഞ്ജയ് ബംഗാറിന്റെ ഇന്ത്യൻ പ്ലേയിങ് ഇലവൻ ഇങ്ങനെ: യശസ്വി ജയ്സ്വാൾ, കെ എൽ രാഹുൽ, അഭിമന്യു ഈശ്വരൻ, ശുഭ്മാൻ ഗിൽ, ഋഷഭ് പന്ത്, കരുൺ നായർ, നിതീഷ് റെഡ്ഡി, ജസ്പ്രിത് ബുംറ, കുൽദീപ് യാദവ്, പ്രസിദ് കൃഷ്ണ, മുഹമ്മദ് സിറാജ്.

ഗോകുൽ എസ്

രചയിതാവിനെക്കുറിച്ച്ഗോകുൽ എസ്ഗോകുൽ എസ്- സമയം മലയാളത്തിൽ ഡിജിറ്റൽ കണ്ടൻ്റ് പ്രൊഡ്യൂസർ. സ്പോർട്സ് ഇഷ്ട വിഷയം. ഇന്ത്യൻ സൂപ്പർ ലീഗ്, സന്തോഷ് ട്രോഫി അടക്കം വിവിധ ടൂർണമെന്റുകൾ റിപ്പോർട്ട് ചെയ്തിട്ടു‌ണ്ട്. 2017 മുതൽ മാധ്യമ പ്രവർത്തന രംഗത്ത് സജീവം. ഇടക്കാലത്ത് അധ്യാപകനായും ജോലി ചെയ്തു‌.കൂടുതൽ വായിക്കുക



Source by [author_name]

Facebook Comments Box

Leave a Reply

Your email address will not be published. Required fields are marked *

error: Content is protected !!