ഇംഗ്ലണ്ടിന്റെ ആ പ്രതിസന്ധി ഇന്ത്യയ്ക്ക് ഗുണം ചെയ്യും; ടെസ്റ്റ് പരമ്പരയിൽ ഇന്ത്യൻ യുവ നിരയ്ക്ക് കാര്യങ്ങൾ ഇനി എളുപ്പമാകും

ഇതാണ് ടി20, മൂന്ന് തവണ സൂപ്പർ ഓവർ നടന്നു; കിടിലൻ ത്രില്ലറിൽ അവസാനം ജയിച്ചത് നെതർലൻഡ്സ്

ബൗളിങ്ങ് നിരയുടെ ഈ അവസ്ഥ കാരണം ഒരു യുവ ബൗനിങ് ടീമിനെയാണ് ടെസ്റ്റ് മത്സരത്തിൽ അവർ സജ്ജമാക്കിയിരിക്കുന്നത്. മാർക്ക് വുഡ്, ഒല്ലി സ്റ്റോൺ, ഗസ് ആറ്റ്കിൻസൺ എന്നിവരുടെ പരിക്കുകൾ ജോഫ്ര ആർച്ചറുടെ അഭാവത്തോടൊപ്പം ഇംഗ്ലണ്ടിന് വലിയ തിരിച്ചടിയായി. ആദ്യ ടെസ്റ്റിൽ ആർച്ചറിന്റെ അഭാവം ഉണ്ടെങ്കിലും രണ്ടാം ടെസ്റ്റിൽ ഇന്ത്യയെ നേരിടാൻ താരം ടീമിനൊപ്പം ജോയിൻ ചെയ്യും എന്ന പ്രതീക്ഷയിലാണ് ഇംഗ്ലണ്ട്. എന്നാൽ കഴിഞ്ഞ നാല് വർഷമായി ആർച്ചർ ടെസ്റ്റ് മത്സരങ്ങളിൽ നിന്ന് മാറി നിൽക്കുന്ന കാഴ്ചയാണ് കാണാൻ സാധിച്ചത്. നിരന്തരമായി സംഭവിച്ച പരിക്കുകൾ ആയിരുന്നു ഇതിന് കാരണം. അതുകൊണ്ടുതന്നെ താരം തിരിച്ചെത്തിയാലും മികച്ച പ്രകടനം കാഴ്ചവെക്കുമോ എന്ന സംശയം ഏവർക്കും ഉണ്ട്.

അതേസമയം ഇന്ത്യൻ ടീമിന് ഇംഗ്ലണ്ട് ബൗളിങ് നിരയുടെ ഈ പ്രതിസന്ധി കൃത്യമായി ഉപയോഗിക്കാൻ സാധിച്ചാൽ പരമ്പര സ്വന്തമാക്കാൻ സാധിച്ചേക്കും. പരിചയ സമ്പന്നരായ ഇംഗ്ലണ്ട് താരങ്ങളോടാണ് ഇന്ത്യയുടെ യുവ നിര ഏറ്റുമുട്ടാൻ ഒരുങ്ങുന്നത്. ശുഭ്മാൻ ഗിൽ നയിക്കുന്ന ഈ യുവ നിരയ്ക്ക് ഇംഗ്ലണ്ടിന്റെ പ്രതിതിസന്ധി മുതലെടുക്കാൻ സാധിച്ചാൽ കാര്യങ്ങൾ എളുപ്പമാകും.

ഈ മാസം 20 നാണ് ഇന്ത്യ – ഇംഗ്ലണ്ട് ടെസ്റ്റ് പരമ്പര ആരംഭിക്കുന്നത്. 2027 ലോക ടെസ്റ്റ് ചാമ്പ്യൻഷിപ്പ് ഫൈനൽ പ്രവേശനത്തിനായുള്ള ഇരു ടീമുകളുടെയും ആദ്യ അവസരമാണ് ഈ പരമ്പര. അതുകൊണ്ടു തന്നെ പരമ്പര സ്വന്തമാക്കുന്ന ടീമിന് അത് മുന്നോട്ടുള്ള യാത്രയിൽ ഏറെ ഗുണം ചെയ്യും.