'അന്ന് ആർക്കും തന്നെ വേണ്ടായിരുന്നു'; ക്രിക്കറ്റ് കരിയറിലെ ഇരുണ്ട ദിവസങ്ങളെ കുറിച്ച് തുറന്ന് പറഞ്ഞ് കരുൺ നായർ

Spread the love

വർഷങ്ങൾക്ക് ശേഷം ഇന്ത്യൻ ടെസ്റ്റ് ടീമിലേക്ക് ഗംഭീര തിരിച്ചുവരവ് നടത്തിയ താരമാണ് കരുൺ നായർ. എന്നാൽ ഇപ്പോൾ താരം ചില തുറന്നുപറച്ചിലുകൾ നടത്തിയിരിക്കുകയാണ്. ആരാധകരെ തീർത്തും ഞെട്ടിക്കുന്ന കാര്യങ്ങളാണ് താരം തുറന്നു പറഞ്ഞത്.

ഹൈലൈറ്റ്:

  • കൗണ്ടി ക്രിക്കറ്റിൽ നിന്ന് മാറ്റിനിർത്തപെട്ടു
  • ക്രിക്കറ്റ് കരിയറിലെ ഇരുണ്ട ദിനങ്ങൾ
  • ഗംഭീര തിരിച്ചുവരവ് നടത്തി കരുൺ നായർ
കരുൺ നായർ
കരുൺ നായർ (ഫോട്ടോസ്Samayam Malayalam)
ഇന്ത്യൻ ടെസ്റ്റ് ടീമിലേക്ക് രാജകീയ എൻട്രി നടത്തിയ താരമാണ് കരുൺ നായർ . ഇന്ത്യൻ ടെസ്റ്റ് ടീമിലെ ഏക മലയാളി സാന്നിധ്യവും കരുൺ ആണ്. രഞ്ജി ട്രോഫിയിലെയും വിജയ് ഹസാരെ ട്രോഫിയിലെയും കരുണിന്റെ തകർപ്പൻ പ്രകടനം കാണാതിരിക്കാൻ അജിത് അഗാർക്കാരുടെ നേതൃത്വത്തിലുള്ള സെലെക്ഷൻ കമ്മിറ്റിക്ക് സാധിച്ചില്ല.
ഇംഗ്ലണ്ടിന്റെ ആ പ്രതിസന്ധി ഇന്ത്യയ്ക്ക് ഗുണം ചെയ്യും; ടെസ്റ്റ് പരമ്പരയിൽ ഇന്ത്യൻ യുവ നിരയ്ക്ക് കാര്യങ്ങൾ ഇനി എളുപ്പമാകും
ആദ്യം ഇന്ത്യ എ ടീമിലും പിന്നീട് ഇന്ത്യൻ ടെസ്റ്റ് ടീമിലും കരുൺ തന്റെ സീറ്റ് ഉറപ്പിച്ചു. ഇംഗ്ലണ്ട് ലയൺസിനെതിരെ ഇന്ത്യ എ ടീമിനായി ഡബിൾ സെഞ്ചുറി നേടിയ താരം സെലെക്ടർമാരുടെ തീരുമാനം 100 ശതമാനവും ശരിയാണെന്ന് ഉറപ്പുവെച്ചു. ഇപ്പോഴിതാ താരം ചില കാര്യങ്ങൾ തുറന്നു പറയുകയാണ്.

‘അന്ന് ആർക്കും തന്നെ വേണ്ടായിരുന്നു’; ക്രിക്കറ്റ് കരിയറിലെ ഇരുണ്ട ദിവസങ്ങളെ കുറിച്ച് തുറന്ന് പറഞ്ഞ് കരുൺ നായർ

2022-ൽ, കരുണ് തന്റെ സംസ്ഥാന ടീമിൽ നിന്നും രഞ്ജി ട്രോഫി സീസണിൽ നിന്നും പുറത്തായി. 2023 ലെ ഐപിഎൽ മിനി ലേലത്തിലും അദ്ദേഹം വിൽക്കപ്പെടാതെ പോയി. ഇംഗ്ലണ്ടിൽ കളിക്കാൻ ഉള്ള ആഗ്രഹത്തെ തുടർന്ന് കൗണ്ടി കരാർ ലഭിക്കണമെന്ന് കരുൺ ആഗ്രഹിച്ചു. എന്നാൽ ഒരു ടീമും അദ്ദേഹത്തിന് കരാർ വാഗ്ദാനം ചെയ്തില്ല. ശേഷം ഇംഗ്ലണ്ടിൽ ക്ലബ് ക്രിക്കറ്റ് കളിക്കാൻ അദ്ദേഹം തീരുമാനിച്ചു.’ഞാൻ ശ്രമിച്ചുകൊണ്ടിരുന്നു, ആരും എനിക്ക് കരാർ വാഗ്ദാനം ചെയ്തില്ല. 2018 ന് ശേഷം, എനിക്ക് ഇംഗ്ലണ്ടിൽ കളിക്കാൻ കഴിയുമെന്ന് ഞാൻ എപ്പോഴും ആഗ്രഹിച്ചിരുന്നു.’ എന്നാണ് കരുൺ നായർ പറഞ്ഞത്.

‘എനിക്ക് മാനസികമായി അത് ഏറെ ബുദ്ധിമുട്ടുണ്ടാക്കി. ഞാൻ എങ്ങനെ ഇവിടെ എത്തി എന്ന് സ്വയം ചോദിക്കും. മറ്റ് കളിക്കാർ എന്നോട് കൗണ്ടി ക്രിക്കറ്റ് കളിക്കണമെന്ന് പറഞ്ഞു, എന്നാൽ എന്തിനാണ് ഞാൻ ഇവിടെ കളിക്കുന്നതെന്ന് ഞാൻ എന്നോട് തന്നെ ചോദിച്ചു’ എന്നും അദ്ദേഹം കൂട്ടിച്ചേർത്തു.

ഏറെ നാളത്തെ കാത്തിരിപ്പിന് ശേഷം കൗണ്ടി കരാറിൽ കരുൺ നായരും ഒപ്പുവെച്ചു. 2024 ലാണ് കരുൺ കൗണ്ടി ക്രിക്കറ്റിൽ കളിച്ചത്. താരത്തിന്റെ അന്നത്തെ പ്രകടനം ഏറെ ശ്രദ്ധിക്കപ്പെട്ടു. ഇന്ത്യൻ ടീമിന്റെ മുൻ താരങ്ങളായ രാഹുൽ ദ്രാവിഡും സൗരവ് ഗാംഗുലിയും അദ്ദേഹത്തെ പ്രശംസിച്ച് അന്ന് രംഗത്തെത്തി.

ഇന്നിപ്പോൾ തന്റെ കഠിനാധ്വാനത്തിന്റെ ഫലമായി കരുൺ വീണ്ടും ഇന്ത്യൻ ടെസ്റ്റ് ടീമിൽ ഉൾപ്പെട്ടിരിക്കുകയാണ്. ഇന്ത്യ എ ടീമിനായി ഡബിൾ സെഞ്ചുറി നേടിയ താരം ഇന്ത്യൻ ടെസ്റ്റ് ടീമിൽ മൂന്നാമനായോ നാലാമനായോ ഇംഗ്ലണ്ടിനെ നേരിടൻ മൈതാനത്ത് ഇറങ്ങുമെന്ന് ഉറപ്പാണ്.

അനുഷ ഗംഗാധരൻ

രചയിതാവിനെക്കുറിച്ച്അനുഷ ഗംഗാധരൻമലയാളം വിഭാഗം മാധ്യമപ്രവർത്തക. കഴിഞ്ഞ 5 വർഷമായി മാധ്യമപ്രവർത്തന രംഗത്ത് സജീവമായി പ്രവർത്തിക്കുന്നു. ബിസിനസ്‌, ജനറൽ, സ്പോർട്സ് എന്നീ വിഷയങ്ങളിൽ വാർത്തകൾ ചെയുന്നു. 2019 മുതൽ ഓൺലൈൻ ന്യൂസ് വിഭാഗത്തിൽ ജോലി ചെയ്യുന്നു. 2023ൽ ഇക്കണോമിക് ടൈമിസിന്റെ ഇ ടി മലയാളത്തിൻ്റെ ഭാഗമായി.കൂടുതൽ വായിക്കുക



Source by [author_name]

Facebook Comments Box

Leave a Reply

Your email address will not be published. Required fields are marked *

error: Content is protected !!