ലോർഡ്‌സ് ഇന്ത്യയുടെ ഭാഗ്യ മൈതാനമോ? മൂന്നാം ടെസ്റ്റ് മത്സരത്തിൽ ചരിത്രം ആവർത്തിക്കുമോ ഇന്ത്യയുടെ യുവനിര

ലോർഡ്‌സിൽ ഇന്ത്യയുടെ സർപ്രൈസ് നീക്കം? പരിശീലന സെക്ഷനിൽ മുംബൈ ഇന്ത്യൻസിന്റെ പേസർ, വമ്പൻ മാറ്റം വരുമോ?

അതേസമയം ഇന്ത്യൻ താരങ്ങൾക്ക് പ്രത്യേക ഇഷ്ടമുള്ള ക്രിക്കറ്റ് സ്റ്റേഡിയം കൂടിയാണ് ലോർഡ്‌സ് ക്രിക്കറ്റ് ഗ്രൗണ്ട്. ഇന്ത്യയുടെ മുൻ ക്യാപ്റ്റൻ ദിലീപ് വെങ്‌സർക്കാറിനെ ‘ലോർഡ് ഓഫ് ലോർഡ്‌സ്’ എന്നാണ് അറിയപ്പെടുന്നത്. ഈ മൈതാനത്ത് വെച്ച് മൂന്ന് തവണയാണ് ദിലീപ് വെങ്‌സർക്കാർ സെഞ്ചുറി നേടിയത്. ലോർഡ്‌സിൽ ഇതുവരെ ഒരു വിദേശ താരവും നേടിയിട്ടില്ലാത്ത നേട്ടമാണ് ഇത്. 1979-ൽ 103 (സമനില), 1982-ൽ 157 (തോൽവി), 1986-ൽ 126* (വിജയം) എന്നിങ്ങനെയാണ് അദ്ദേഹം നേടിയ സെഞ്ചുറികളുടെ കണക്കുകൾ.

മാത്രവുമല്ല ഇംഗ്ലണ്ടിൽ ഇന്ത്യയുടെ ആദ്യ വിജയം 1986 ൽ ആയിരുന്നു. അത് നടന്നതും ലോർഡ്‌സിൽ വെച്ചാണ്. ഇന്നിപ്പോൾ ശുഭ്മാൻ ഗിൽ നയിക്കുന്ന യുവ ഇന്ത്യ പരമ്പരയിലെ മൂന്നാം ടെസ്റ്റിൽ ആതിഥേയരെ നേരിടുമ്പോഴും അതേ നേട്ടം ആവർത്തിക്കും എന്നാണ് ആരാധകർ പ്രതീക്ഷിക്കുന്നത്. വിരാട് കോഹ്‌ലിയുടെ നേതൃത്വത്തിൽ ഇതേ വേദിയിൽ നടന്ന ഇന്ത്യയുടെ അവസാന ടെസ്റ്റും വിജയിച്ചിരുന്നു. ഇവിടെ 19 ടെസ്റ്റ് മത്സരങ്ങൾ കളിച്ച ഇന്ത്യ മൂന്ന് തവണ വിജയിച്ചിട്ടുണ്ട്. എന്നാൽ ഇംഗ്ലണ്ട് അതിൽ 12 തവണ വിജയിച്ചു. മൂന്ന് തവണ സമനിലയിൽ അവസാനിച്ചു.