ഇന്ത്യയുടെ ഏകദിന ടീമിന് പുതിയ ക്യാപ്റ്റൻ വരുമോ? വമ്പൻ നീക്കം നടന്നേക്കും.
ഹൈലൈറ്റ്:
- ഇന്ത്യൻ ക്രിക്കറ്റിൽ അടുത്ത മാറ്റത്തിന് സാധ്യത
- ഏകദിന ടീമിന് പുതിയ ക്യാപ്റ്റൻ വന്നേക്കും
- ശുഭ്മാൻ ഗില്ലിന് അടുത്ത ദൗത്യം?

India vs England: ലോര്ഡ്സില് ഇന്ത്യയെ തോല്പ്പിക്കാന് പുതിയ തന്ത്രവുമായി ഇംഗ്ലണ്ട്
ഒരു പ്രമുഖ സ്പോർട്സ് ജേണലിസ്റ്റാണ് സമൂഹമാധ്യമമായ എക്സിൽ ഇത് സംബന്ധിച്ച സൂചനകൾ പുറത്തുവിട്ടത്. അദ്ദേഹത്തിന്റെ പോസ്റ്റ് ക്രിക്കറ്റ് പ്രേമികൾക്കിടയിൽ വലിയ ചർച്ചയായി. രോഹിത് ശർമക്ക് ഏകദിന ക്യപ്റ്റൻസി നഷ്ടമായേക്കുമെന്ന വാർത്തകൾ പുറത്തുവന്നത് ആരാധകരെ നിരാശരാക്കിയിട്ടുണ്ട്.
ഏകദിന ടീമിന്റെ ക്യാപ്റ്റനായി രോഹിത് തന്നെ തുടരണമെന്നും ഈ ഫോർമാറ്റിൽ ഇന്ത്യ ക്യാപ്റ്റനെ മാറ്റേണ്ട ആവശ്യമില്ലെന്നുമാണ് ആരാധകർ ചൂണ്ടിക്കാട്ടുന്നത്. അഥവാ രോഹിതിനെ ക്യാപ്റ്റൻസിയിൽ നിന്ന് മാറ്റുകയാണെങ്കിൽ അത് അദ്ദേഹത്തോടുള്ള നീതികേടാണെന്നാണ് ആരാധക പക്ഷം.
നിലവിൽ പുറത്തുവന്ന ഫിക്സ്ചർ പ്രകാരം ഇന്ത്യയുടെ അടുത്ത ഏകദിന പരമ്പര ഈ വർഷം ഒക്ടോബറിൽ ഓസ്ട്രേലിയക്ക് എതിരെയാണ്. മൂന്ന് മത്സരങ്ങളാണ് ഈ പരമ്പരയിലുള്ളത്. ഈ മത്സരങ്ങളിൽ ശുഭ്മാൻ ഗിൽ ഇന്ത്യയെ നയിക്കുമെന്നാണ് നിലവിൽ പുറത്തുവരുന്ന സൂചനകൾ. എന്നാൽ ഇതുമായി ബന്ധപ്പെട്ട ഔദ്യോഗിക സ്ഥിരീകരണങ്ങളൊന്നും ഇതുവരെ പുറത്തു വന്നിട്ടില്ല.
Also Read: ടെസ്റ്റ് റാങ്കിങ്ങിൽ സ്വപ്ന കുതിപ്പ് നടത്തി ശുഭ്മാൻ ഗിൽ, കരിയർ ബെസ്റ്റ്; ഒന്നാം സ്ഥാനത്ത് പുതിയ താരം
അതേ സമയം ഏകദിന ടീമിന്റെ ക്യാപ്റ്റനായി കിടിലൻ റെക്കോഡുള്ള താരമാണ് രോഹിത് ശർമ. ഇതുവരെ 56 ഏകദിനങ്ങളിലാണ് രോഹിത് ഇന്ത്യയെ നയിച്ചത്. ഇതിൽ 42 കളികളും ഇന്ത്യ വിജയിച്ചു. 2023 ലെ ഏകദിന ലോകകപ്പിൽ ഇന്ത്യയെ ഫൈനലിലേക്ക് നയിച്ച രോഹിത്, 2025 ലെ ഐസിസി ചാമ്പ്യൻസ് ട്രോഫിയിൽ ടീമിന് കിരീടവും നേടിക്കൊടുത്തു.