ICC Champions Trophy: ഐസിസി ചാമ്പ്യൻസ് ട്രോഫിയിൽ ഇന്ത്യക്ക് മുൻതൂക്കം ലഭിക്കുന്ന കാര്യം വെളിപ്പെടുത്തി സ്റ്റാർ പേസർ മുഹമ്മദ് ഷമി. സെമിക്ക് ശേഷമാണ് ഇന്ത്യൻ പേസർ മനസ് തുറന്ന്.
ഹൈലൈറ്റ്:
- ഒരു കാര്യം ഇന്ത്യക്ക് മുൻതൂക്കം നൽകുന്നു
- തുറന്ന് സമ്മതിച്ച് മുഹമ്മദ് ഷമി
- ചാമ്പ്യൻസ് ട്രോഫി ഫൈനൽ ഞായറാഴ്ച
അക്കാര്യം ഇന്ത്യക്ക് പ്ലസ് പോയിന്റ്, ചാമ്പ്യൻസ് ട്രോഫി ഫൈനലിന് മുൻപ് തുറന്ന് സമ്മതിച്ച് മുഹമ്മദ് ഷമി
എന്നാൽ ദുബായിൽ കളിച്ചത് കൊണ്ട് പ്രത്യേക മുൻതൂക്കം ഇന്ത്യക്ക് ലഭിച്ചിട്ടില്ലെന്ന പക്ഷക്കാരാണ് ക്യാപ്റ്റൻ രോഹിത് ശർമയും പരിശീലകൻ ഗൗതം ഗംഭീറും. നേരത്തെ സെമിക്ക് മുൻപ് സംസാരിക്കവെ ഇന്ത്യക്ക് വേദിയുമായി ബന്ധപ്പെട്ട് ഒരു മുൻ തൂക്കവും ലഭിച്ചിട്ടില്ലെന്നും ഓരോ കളികളിലും ഓരോ പിച്ചിലാണ് കളി നടന്നതെന്നുമായിരുന്നു രോഹിത് ശർമ പറഞ്ഞത്.
എന്നാൽ ഇപ്പോളിതാ ഇക്കാര്യത്തിൽ വ്യത്യസ്ത അഭിപ്രായവുമായി രംഗത്ത് എത്തിയിരിക്കുകയാണ് ഇന്ത്യൻ സൂപ്പർ താരം മുഹമ്മദ് ഷമി. എല്ലാ മത്സരങ്ങളും ദുബായിൽ തന്നെ കളിച്ചത് ഇന്ത്യൻ ടീമിനെ തീർച്ചയായും സഹായിച്ചിട്ടുണ്ടെന്നാണ് ഷമി പറയുന്നത്. അത് ടീമിന് ഒരു പ്ലസ് പോയിന്റാണെന്നും ഇന്ത്യൻ സ്റ്റാർ പേസർ വെളിപ്പെടുത്തി.
“അത് ( ഒരേ വേദിയിൽ കളിക്കുന്നത് ) ഞങ്ങളെ തീർച്ചയായും സഹായിച്ചിട്ടുണ്ട്. ഇതിലൂടെ പിച്ചിന്റെ അവസ്ഥയും പെരുമാറ്റവും അറിയാനായി. എല്ലാ മത്സരങ്ങളും ഒരേ വേദിയിൽ കളിക്കുന്നത് ഒരു പ്ലസ് പോയിന്റാണ്. സാഹചര്യങ്ങൾ മനസിലാക്കുകയും പിച്ചിന്റെ പെരുമാറ്റം എങ്ങനെയെന്ന് മനസിലാക്കുന്നതും പ്രധാനമാണ്. ഒരേ വേദിയിൽ കളിക്കുന്നതിനാൽ നിങ്ങൾക്ക് അത് നന്നായി അറിയാൻ സാധിക്കും.” ഷമി പറഞ്ഞു.
അതേ സമയം ഗ്രൂപ്പ് ഘട്ടത്തിലെ അവസാന മത്സരത്തിൽ തകർത്തുവിട്ട ന്യൂസിലൻഡാണ് ഫൈനലിൽ ഇന്ത്യയുടെ എതിരാളികൾ. നേരത്തെ ഇന്ത്യക്കെതിരെ കളിച്ചിരുന്നതിനാൽ ദുബായിലെ സാഹചര്യത്തെക്കുറിച്ച് ന്യൂസിലൻഡിനും കുറച്ചൊക്കെ അറിയാം. ഫൈനലിനായുള്ള തയ്യാറെടുപ്പുകളിലും തന്ത്രങ്ങൾ ഒരുക്കുന്നതിലും ഇത് ന്യൂസിലൻഡിനെ സഹായിച്ചേക്കും.
രചയിതാവിനെക്കുറിച്ച്ഗോകുൽ എസ്ഗോകുൽ എസ്- സമയം മലയാളത്തിൽ ഡിജിറ്റൽ കണ്ടൻ്റ് പ്രൊഡ്യൂസർ. സ്പോർട്സ് ഇഷ്ട വിഷയം. ഇന്ത്യൻ സൂപ്പർ ലീഗ്, സന്തോഷ് ട്രോഫി അടക്കം വിവിധ ടൂർണമെന്റുകൾ റിപ്പോർട്ട് ചെയ്തിട്ടു‌ണ്ട്. 2017 മുതൽ മാധ്യമ പ്രവർത്തന രംഗത്ത് സജീവം. ഇടക്കാലത്ത് അധ്യാപകനായും ജോലി ചെയ്തു.… കൂടുതൽ വായിക്കുക