സഞ്ജുവിന്റെ രാജസ്ഥാൻ റോയൽസിന് തിരിച്ചടി നൽകി ഇക്കാര്യം; അടുത്ത കളിയിൽ മാറ്റം വന്നില്ലെങ്കിൽ കാര്യങ്ങൾ ദുഷ്കരമാകും

ആദ്യ കളിയിൽ സൺ റൈസേഴ്സ് ഹൈദരാബാദിന് എതിരെ ഒരു റൺസിന് പുറത്തായ യശസ്വി, കെകെആറിന് എതിരായ രണ്ടാം മത്സരത്തിൽ 29 റൺസും, ചെന്നൈ സൂപ്പർ കിങ്സിന് എതിരായ മൂന്നാമത്തെ കളിയിൽ നാല് റൺസുമാണ് നേടിയത്. യശസ്വിയുടെ ബാറ്റിൽ നിന്ന് റൺസ് വരാത്തത് ഈ കളികളിലെല്ലാം റോയൽസിന് തിരിച്ചടിയായി. നിലവിൽ ടീമിന്റെ ഏറ്റവും വലിയ ആശങ്കയും അതുതന്നെ.

ഈ മാസം അഞ്ചിന് പഞ്ചാബ് കിങ്സിന് എതിരെയാണ് രാജസ്ഥാൻ റോയൽസിന്റെ അടുത്ത മത്സരം. ഈ കളിയിലെങ്കിലും യശസ്വി ഫോമിലേക്ക് മടങ്ങിയെത്തുമെന്ന പ്രതീക്ഷയിലാണ് ആരാധകർ. യുവ ഓപ്പണർ ഫോമിലെത്താൻ വൈകുന്നത് രാജസ്ഥാൻ റോയൽസിന്റെ കിരീട പ്രതീക്ഷകളെയും പ്രതികൂലമായി ബാധിക്കും.‌

Also Read: അടുത്ത കളിക്ക് മുൻപ് സുപ്രധാന നീക്കവുമായി സഞ്ജു സാംസൺ; രാജസ്ഥാൻ റോയൽസ് ഡബിൾ സ്ട്രോങ്ങാവാൻ പോകുന്നു

2020 മുതൽ രാജസ്ഥാൻ റോയൽസിനായി കളിക്കുന്ന താരമാണ് യശസ്വി ജയ്സ്വാൾ. 2023 ലാണ് താരത്തിന്റെ ഏറ്റവും മികച്ച ഐപിഎൽ പ്രകടനം പിറന്നത്. 14 കളികളിൽ 625 റൺസാണ് ഈ മത്സരത്തിൽ ഇടം കൈയ്യൻ ഓപ്പണറുടെ ബാറ്റിൽ നിന്ന് പിറന്നത്. 2024 ൽ 435 റൺസാണ് അദ്ദേഹം നേടിയത്.

അതേ സമയം ഐപിഎല്ലിൽ ഇക്കുറി പ്രതീക്ഷിച്ച തുടക്കമല്ല രാജസ്ഥാൻ റോയൽസിന്റേതെന്ന് നിസംശയം പറയാം. കരുത്തരായ സൺ റൈസേഴ്സ് ഹൈദരാബാദിന് എതിരെ നടന്ന ആദ്യ കളിയിൽ 44 റൺസിന്റെ കനത്ത പരാജയമായിരുന്നു രാജസ്ഥാൻ റോയൽസ് നേരിട്ടത്. മത്സരത്തിൽ ആദ്യം ബാറ്റ് ചെയ്ത ഹൈദരാബാദ് 20 ഓവറിൽ 286/6 എന്ന പടുകൂറ്റൻ സ്കോർ നേടിയപ്പോൾ, രാജസ്ഥാന്റെ മറുപടി 242/6 ൽ അവസാനിച്ചു.

Also Read: ഐപിഎല്ലിൽ വമ്പൻ ഫ്ലോപ് ഷോ തുടർന്ന് ഋഷഭ് പന്ത്, കോളടിക്കുക സഞ്ജു സാംസണ്; പിന്നിൽ ഈ കാരണം

കൊൽക്കത്ത നൈറ്റ് റൈഡേഴ്സിന് എതിരായ രണ്ടാമത്തെ കളിയിൽ എട്ട് വിക്കറ്റിനാണ് രാജസ്ഥാൻ റോയൽസ് തോറ്റത്. മത്സരത്തിൽ ആദ്യം ബാറ്റ് ചെയ്ത രാജസ്ഥാൻ റോയൽസ് 20 ഓവറുകളിൽ 151/9 എന്ന സ്കോർ നേടിയപ്പോൾ, കെകെആർ 17.3 ഓവറുകളിൽ അനായാസം വിജയലക്ഷ്യത്തിലെത്തി.

ചെന്നൈ സൂപ്പർ കിങ്സിന് എതിരെ നടന്ന കളിയിൽ ആദ്യം ബാറ്റ് ചെയ്ത രാജസ്ഥാൻ റോയൽസ് നിശ്ചിത 20 ഓവറിൽ നേടിയത് 182/9 എന്ന സ്കോറാണ്. പിന്നാലെ ചെന്നൈ സൂപ്പർ കിങ്സിനെ 176/6 ൽ ഒതുക്കി റോയൽസ് ആറ് റൺസിന്റെ ആവേശ ജയം നേടി.