ആ നിർണായക മാറ്റം വന്നാൽ രാജസ്ഥാൻ റോയൽസ് ഡബിൾ സ്ട്രോങ്ങാകും; അടുത്ത കളിയിൽ അവസരം നൽകേണ്ടത് സ്റ്റാർ ബോളർക്ക്

ഇനി ലീഗ് ഘട്ടത്തിൽ നാല് മത്സരങ്ങളാണ് രാജസ്ഥാൻ റോയൽസിന് ബാക്കിയുള്ളത്. ഈ കളികളിൽ എല്ലാം മികച്ച മാർജിനിൽ വിജയം നേടുകയും ഒപ്പം മറ്റ് കുറച്ച് മത്സരഫലങ്ങൾ അനുകൂലമാവുകയും ചെയ്താൽ റോയൽസിന് പ്ലേ ഓഫിലേക്ക് പ്രതീക്ഷ വെക്കാം. മെയ് ഒന്നാം തീയതി കരുത്തരായ മുംബൈ ഇന്ത്യൻസിന് എതിരെയാണ് രാജസ്ഥാൻ റോയൽസിന്റെ അടുത്ത മത്സരം. ഈ കളിയിൽ പരാജയപ്പെടുകയാണെങ്കിൽ ടീം ഔദ്യോഗികമായി പ്ലേ ഓഫ് സാധ്യതകളിൽ നിന്ന് പുറത്താകും.

അതേ സമയം അടുത്ത കളിയിൽ രാജസ്ഥാൻ റോയൽസ് ടീമിൽ ഒരു നിർണായക മാറ്റം ആരാധകർ ആഗ്രഹിക്കുന്നുണ്ട് എന്നതാണ് സത്യം. ഈ സീസണിൽ റോയൽസിന്റെ ബൗളിങ് കുന്തമുനകളിൽ ഒരാളാകുമെന്ന് കരുതിയ ആകാശ് മധ്വാലിനെ അടുത്ത കളിയിലെങ്കിലും റോയൽസ് പ്ലേയിങ് ഇലവനിൽ ഉൾപ്പെടുത്തണമെന്നാണ് ആരാധകരുടെ ആവശ്യം.

സീസണിലെ ആദ്യ 10 കളികളിലും ഈ യുവ പേസറെ പ്ലേയിങ് ഇലവനിൽ ഉൾപ്പെടുത്താൻ റോയൽസ് മാനേജ്‌മെന്റ് തയ്യാറായില്ല എന്നതാണ്‌ ശ്രദ്ധേയം. തുഷാർ ദേഷ്പാണ്ടെയെപ്പോലുള്ളവർ തുടർച്ചയായി ഫ്ലോപ്പായിട്ടും മധ്വാലിനെ പരീക്ഷിച്ചു നോക്കാൻ റോയൽസ് ടീം ശ്രമിച്ചില്ല.

രാജസ്ഥാൻ റോയൽസിന് ഇനിയും പ്ലേ ഓഫിലെത്താം, അതിന് സംഭവിക്കേണ്ടത് ഇങ്ങനെ; നിലവിലെ സാധ്യതകൾ പരിശോധിക്കാം
ഗുജറാത്ത് ടൈറ്റൻസിന് എതിരായ കളിയിൽ തുഷാർ ദേഷ്പാണ്ടെയെ പ്ലേയിങ് ഇലവനിൽ നിന്ന് ഒഴിവാക്കിയ റോയൽസ് പക്ഷേ യുധ്വീർ സിങ്ങിനാണ് അവസരം നൽകിയത്. എന്നാൽ നിരാശാജനകമായ പ്രകടനമായിരു‌ന്നു ഈ മത്സരത്തിൽ താരത്തിന്റേത്. മൂന്ന് ഓവറുകളിൽ 38 റൺസ് വഴങ്ങിയ യുധ്വീറിനാകട്ടെ വിക്കറ്റുകളൊന്നും വീഴ്ത്താനുമായില്ല. നേരത്തെ പഞ്ചാബ് കിങ്സിന് എതിരായ കളിയിലും യുധ്വീറിന് റോയൽസ് അവസരം നൽകിയിരുന്നു. അന്ന് രണ്ട് ഓവറുകൾ എറിഞ്ഞ‌ യുധ്വീർ 20 റ‌ൺസ് വിട്ടുകൊടുത്തെങ്കിലും വിക്കറ്റുകളൊന്നും നേടിയിരുന്നില്ല. അടുത്ത കളിയിൽ യുധ്വീറിന് പകരം ആകാശ് മധ്വാലിനെ റോയൽസ് പരീക്ഷിക്കണം.

മുംബൈ ഇന്ത്യൻസിന് വേണ്ടി കാഴ്ച വെച്ച പ്രകടനങ്ങളിലൂടെ ഇന്ത്യൻ ക്രിക്കറ്റിൽ ശ്രദ്ധിക്കപ്പെട്ട താരമാണ് വലംകൈയ്യൻ പേസറായ ആകാശ് മധ്വാൽ. 2023 സീസണിൽ 14 വിക്കറ്റുകളുമായി മുംബൈ ഇന്ത്യൻസിന്റെ ഉയർന്ന വിക്കറ്റ് വേട്ടക്കാരനായിരുന്നു അദ്ദേഹം. കഴിഞ്ഞ‌ സീസണിൽ അഞ്ച് കളികളിൽ അഞ്ച് വിക്കറ്റുകളാണ്‌ മധ്വാൽ നേടിയത്.

സഞ്ജു നയിച്ച കേരളത്തിന്റെ ലോക റെക്കോഡിനൊപ്പമെത്തി രാജസ്ഥാന്‍ റോയല്‍സ്; 15.5 ഓവറില്‍ ചേസിങ് പൂര്‍ത്തിയാക്കി
2025 സീസണിന് മുന്നോടിയായുള്ള മെഗാ ലേലത്തിൽ 1.2 കോടി രൂപക്കായിരുന്നു ആകാശ് മധ്വാലിനെ രാജസ്ഥാൻ റോയൽസ് സ്വന്തമാക്കിയത്. മറ്റ് ഇന്ത്യൻ പേസർമാർ പരാജയമായിട്ടും മധ്വാലിനെ വീണ്ടും വീണ്ടും ബെഞ്ചിലിരുത്തിയ റോയൽസിന്റെ തീരുമാനം ക്രിക്കറ്റ് പ്രേമികളുടെ നെറ്റി ചുളിപ്പിച്ചിരുന്നു. അടുത്ത കളിയിലെങ്കിലും ഇതിന് മാറ്റം വരുമെന്ന പ്രതീക്ഷയിലാണ് ടീമിന്റെ ആരാധകർ.

അതേ സമയം നിലവിൽ ഐപിഎൽ പോയിന്റ് പട്ടികയിൽ എട്ടാം സ്ഥാനത്താണ് രാജസ്ഥാൻ റോയൽസ്. 10 കളികളിൽ മൂന്ന് ജയം മാത്രം നേടാനായ അവരുടെ അക്കൗണ്ടിൽ ആകെ ആറ് പോയിന്റാണുള്ളത്. 10 കളികളിൽ 14 പോയിന്റുമായി റോയൽ ചലഞ്ചേഴ്സ് ബംഗളൂരുവാണ് നിലവിൽ ലീഗിൽ ഒന്നാമത്. മുംബൈ ഇന്ത്യൻസ് 10 കളികളിൽ 12 പോയിന്റുമായി രണ്ടാമതും, ഗുജറാത്ത് ടൈറ്റൻസ് ഒൻപത് കളികളിൽ 12 പോയിന്റുമായി മൂന്നാമതുമുണ്ട്.