ഈ സീസണ്‍ ഐപിഎല്ലില്‍ മികച്ച ഫോമിലുള്ള ടീമാണ് റോയല്‍ ചലഞ്ചേഴ്സ് ബെംഗളുരു എന്നാല്‍ സണ്‍റൈസേഴ്സ് ഹൈദരാബാദിനെതിരെ വമ്പന്‍ തോല്‍വിയാണ് കഴിഞ്ഞ ദിവസം ബെംഗളുരു ഏറ്റുവാങ്ങിയത്. ഇതോടെ പോയിന്‍റ് പട്ടികയില്‍ രണ്ടാം സ്ഥാനത്ത് ഫിനിഷ് ചെയ്യാന്‍ ആര്‍സിബിക്ക് കഴിയില്ലേ എന്ന ആശങ്കയാണ് ആരാധകര്‍ക്കുള്ളത്. ആര്‍സിബിക്ക് രണ്ടാം സ്ഥാനത്ത് ഫിനിഷ് ചെയ്യാന്‍ ഇനി കഴിയുമോ എന്ന് പരിശോധിക്കാം.
ഹൈലൈറ്റ്:
- ആര്‍സിബിക്ക് രണ്ടാം സ്ഥാനത്ത് ഫിനിഷ് ചെയ്യാന്‍ കഴിയുമോ?
- ആശങ്കയായി സണ്‍റൈസേഴ്സിനെതിരെയുള്ള തോല്‍വി
- ആദ്യ രണ്ട് സ്ഥാനത്തുള്ള ടീമുകള്‍ക്ക് ഒന്നാം ക്വാളിഫയര്‍ കളിക്കാം
ആദ്യ രണ്ട് സ്ഥാനങ്ങളിലെത്തുന്ന ടീമുകള്‍ക്ക് ഫൈനലിലെത്താന്‍ രണ്ട് അവസരങ്ങള്‍ ലഭിക്കും എന്നത് തന്നെയാണ് അതിന് കാരണം. മൂന്നാം സ്ഥാനത്തും നാലാം സ്ഥാനത്തും ഫിനിഷ് ചെയ്യുന്ന ടീമുകള്‍ എലിമിനേറ്റര്‍ കളിച്ച് വിജയിക്കേണ്ടതായി വരും. എന്നാല്‍ ആദ്യ രണ്ട് സ്ഥാനങ്ങളിലുള്ള ടീമുകള്‍ക്ക് ഒന്നാം ക്വാളിഫയര്‍ തോറ്റാല്‍ പോലും ഫൈനലില്‍ എത്താന്‍ ഒരു അവസരം കൂടി ലഭിക്കും.
ശുഭ്മാൻ ഗിൽ ഇന്ത്യയുടെ പുതിയ ടെസ്റ്റ് ക്യാപ്റ്റൻ, ടീമിൽ ഇടം പിടിച്ച് രണ്ട് പുതുമുഖങ്ങൾ; സ്ക്വാഡ് ഇങ്ങനെ
മികച്ച ഫോമിലായിരുന്ന ബെംഗളുരു സണ്‍റൈസേഴ്സ് ഹൈദരാബാദിനെതിരെ കഴിഞ്ഞ ദിവസം ഞെട്ടിക്കുന്ന തോല്‍വിയാണ് ഏറ്റുവാങ്ങിയത്. ഇതോടെ ആദ്യ രണ്ട് സ്ഥാനങ്ങളില്‍ ഫിനിഷ് ചെയ്യാന്‍ സാധിക്കുമോ എന്ന ആശങ്കയിലാണ് ആര്‍സിബി. എന്നാല്‍ ഇനിയുള്ള മത്സരഫലങ്ങളെല്ലാം ആര്‍സിബി ആഗ്രഹിക്കുന്നത് പോലെ നടന്ന് കിട്ടിയാല്‍ പോയിന്‍റ് പട്ടികയില്‍ ആദ്യ രണ്ട് സ്ഥാനങ്ങളില്‍ ഫിനിഷ് ചെയ്യാന്‍ അവര്‍ക്ക് സാധിക്കും. സാധ്യതകള്‍ എന്തൊക്കെയാണെന്ന് നോക്കാം.
നിലവിലെ സാഹചര്യത്തില്‍ ആര്‍സിബിക്ക് എങ്ങനെ രണ്ടാം സ്ഥാനത്തെങ്കിലും ഫിനിഷ് ചെയ്യാന്‍ കഴിയുമെന്ന് നോക്കാം. 17 പോയിന്‍റാണ് ഇപ്പോള്‍ ആര്‍സിബിയുടെ അക്കൗണ്ടിലുള്ളത്. ലഖ്നൗ സൂപ്പര്‍ ജയന്‍റ്സിനെതിരെ നടക്കുന്ന അവസാന ലീഗ് മത്സരത്തില്‍ നിര്‍ബന്ധമായും ബാംഗ്ലൂര്‍ വിജയിക്കണം. ഇതോടെ അവരുടെ അക്കൗണ്ടില്‍ 19 പോയിന്‍റ് ആകും.
പണി തരാന്‍ ഗുജറാത്തും പഞ്ചാബും
എന്നാല്‍ ഗുജറാത്തും പഞ്ചാബും തങ്ങളുടെ അവസാന മത്സരങ്ങളില്‍ വിജയിക്കുകയാണെങ്കില്‍ ആര്‍സിബിയെ മറികടക്കാനുള്ള സാധ്യതയുണ്ട്. ബാംഗ്ലൂര്‍ അവസാന മത്സരം വിജയിക്കുകയും പഞ്ചാബ് അവസാന രണ്ട് മത്സരങ്ങളില്‍ പരാജയപ്പെടുകയും ചെയ്താല്‍ ബെംഗളുരുവിന് രണ്ടാം സ്ഥാനത്ത് ഫിനിഷ് ചെയ്യാനാകും. ഗുജറാത്തിനെ അവസാന മത്സരത്തില്‍ ചെന്നെെ പരാജയപ്പെടുത്തിയാല്‍ ഒരുപക്ഷേ ഒന്നാം സ്ഥാനവും ആര്‍സിബിക്ക് ലഭിച്ചേക്കും.
ഷിംറോൺ ഹെറ്റ്മെയർ ഒറ്റക്കല്ല, ഇത്തവണ ടീമുകൾക്ക് ബാധ്യതയായി മാറിയ സൂപ്പർ താരങ്ങൾ ഇവർ; വിലയേറിയ അഞ്ച് ഫ്ലോപ്പ് താരങ്ങൾപഞ്ചാബ് രണ്ട് മത്സരങ്ങളും വിജയിച്ചാല്‍?
ഇനി പഞ്ചാബ് രണ്ട് മത്സരങ്ങളും വിജയിച്ചുവെന്ന് കരുതുക. എങ്കില്‍ ഗുജറാത്ത് ചെന്നെെ സൂപ്പര്‍ കിങ്സിനെതിരെ നിര്‍ബന്ധമായും പരാജയപ്പെടണം. അങ്ങനെ വരുമ്പോള്‍ ബാംഗ്ലൂരിന് 19, പഞ്ചാബിന് 21, ഗുജറാത്തിന് 18 എന്നിങ്ങനെയായിരിക്കും പോയിന്‍റ് നില. പഞ്ചാബിനെതിരെ മുംബെെ അവസാന മത്സരം വിജയിച്ചാലും ഈ സാഹചര്യത്തില്‍ ബെംഗളുരുവിന് പ്രതിസന്ധിയാകില്ല. നിലവില്‍ 16 പോയിന്‍റുള്ള മുംബെെക്ക് പരമാവധി 18 പോയിന്‍റേ നേടാനാകൂ. മാത്രമല്ല, പഞ്ചാബിനും ഈ സാഹചര്യത്തില്‍ 19 പോയിന്‍റ് മാത്രേ അക്കൗണ്ടിലുണ്ടാകൂ.
റണ്‍റേറ്റ് കുറവായത് തിരിച്ചടിയോ?
മറ്റൊരു സാധ്യത ഇങ്ങനെയാണ്. ഗുജറാത്ത് അവസാന മത്സരം വിജയിക്കുന്നു, അതോടെ അവര്‍ക്ക് 20 പോയിന്‍റ്. പഞ്ചാബ് ഒരു മത്സരം വിജയിക്കുന്നു. ഒരു മത്സരം പരാജയപ്പെടുന്നു. അതോടെ അവര്‍ക്ക് 19 പോയിന്‍റ്. ആര്‍സിബിയും അവസാന മത്സരം വിജയിച്ചാല്‍ പോയിന്‍റ് നില തുല്യമാകും. ഇങ്ങനെ വരുന്ന സാഹചര്യത്തില്‍ പഞ്ചാബിനേക്കാള്‍ നെറ്റ് റണ്‍റേറ്റ് ആര്‍സിബിക്ക് കൂടുതലായിരിക്കണം. ഇല്ലെങ്കില്‍ എലിമിനേറ്റര്‍ കളിക്കേണ്ടതായി വരും.
തോറ്റത് തിരിച്ചടിയോ? ആര്‍സിബിക്ക് ഇനി രണ്ടാം സ്ഥാനത്ത് ഫിനിഷ് ചെയ്യാന്‍ കഴിയുമോ? സാധ്യതകള്‍ ഇങ്ങനെ
ആര്‍സിബി അവസാന മത്സരം തോല്‍ക്കുകയാണെങ്കില്‍?
അവസാന മത്സരം ആര്‍സിബി പരാജയപ്പെടുകയാണെങ്കില്‍ പിന്നീട് ടീം ഒന്നാം ക്വാളിഫയറിന് യോഗ്യത നേടാന്‍ ഒരു സാധ്യതയുമില്ല. ഗുജറാത്തിന് ഇതിനകം തന്നെ 18 പോയിന്‍റ് കൈവശമുണ്ട്. മാത്രമല്ല, മുംബെെയും പഞ്ചാബും തമ്മിലുള്ള മത്സരത്തിലെ വിജയിക്ക് ബാംഗ്ലൂരിനേക്കാള്‍ കൂടുതല്‍ പോയിന്‍റ് നേടാനും സാധിക്കും. ചുരുക്കത്തില്‍ സണ്‍റൈസേഴ്സിനെതിരെ 42 റണ്‍സിന് പരാജയപ്പെട്ടത് ആര്‍സിബിയെ ചെറിയൊരു പ്രതിസന്ധിയിലാക്കിയിരിക്കുകയാണ്.
രചയിതാവിനെക്കുറിച്ച്സൈഫുദ്ധീൻ ടി എംസമയം മലയാളത്തിൽ സീനിയര്‍ ഡിജിറ്റല്‍ കണ്ടൻ്റ് പ്രൊഡ്യൂസര്‍. പ്രിൻ്റ് മീഡിയയിൽ കരിയര്‍ ആരംഭിച്ചതിന് ശേഷം കഴിഞ്ഞ കുറച്ചു വര്‍ഷങ്ങളായി ഡിജിറ്റൽ കണ്ടൻ്റ് മേഖലയില്‍ ജോലി ചെയ്ത് വരുന്നു. കാലിക്കറ്റ് യൂണിവേഴ്സിറ്റിയിൽ നിന്ന് ജേണലിസത്തില്‍ ബിരുദാനന്തര ബിരുദം നേടിയിട്ടുണ്ട്.… കൂടുതൽ വായിക്കുക