പുതിയ ടീമിൽ കളിക്കാൻ റുതുരാജ് ഗെയിക്ക്വാദ്, തകർപ്പൻ കരാർ ഒപ്പുവെച്ചു; ഇത് കിടിലൻ നീക്കം

നിലവിൽ ഇംഗ്ലണ്ട് പര്യടനം നടത്തുന്ന ഇന്ത്യ എ ടീമിന് ഒപ്പമാണ് റുതുരാജ് ഗെയിക്ക്വാദ്. എന്നാൽ ഇംഗ്ലണ്ട് ലയൺസിന് എതിരെ നടന്ന ആദ്യ രണ്ട് ടെസ്റ്റുകളിലും റുതുവിന് പ്ലേയിങ് ഇലവനിൽ സ്ഥാനം ലഭിച്ചിരുന്നില്ല.

യോർക്ക്ഷെയറിനായി കളിക്കാൻ ഒരുങ്ങുന്ന നാലാമത്തെ ഇന്ത്യൻ താരമാണ് റുതുരാജ് ഗെയിക്ക്വാദ്. ഇതിഹാസ താരം സച്ചിൻ ടെണ്ടുൽക്കറാണ് ലിസ്റ്റിലെ ഒന്നാമൻ. സച്ചിന് ശേഷം യുവരാജ്‌ സിങ്, ചേതേശ്വർ പുജാര എന്നിവരും യോർക്ക്ഷെയറിനായി കളിച്ചിട്ടുണ്ട്.

Also Read: സുരേഷ് റെയ്ന ചെന്നൈയിലേക്ക് പുതിയ റോളിൽ തിരിച്ചെത്തുമോ

2021 ൽ അന്താരാഷ്ട്ര ക്രിക്കറ്റിൽ അരങ്ങേറ്റം കുറിച്ച താരമാണ് റുതുരാജ് ഗെയിക്ക്വാദ്. ആറ് ഏകദിനങ്ങളും, 23 ടി20 മത്സരങ്ങളുമാണ് ഇന്ത്യക്കായി റുതു കളിച്ചത്. ഇതിൽ ഏകദിനത്തിൽ 19.16 ബാറ്റിങ് ശരാശരിയിൽ 115 റൺസും, ടി20 യിൽ 39.56 ബാറ്റിങ് ശരാശരിയിൽ 633 റൺസുമാണ് റുതുവിന്റെ സമ്പാദ്യം.

Also Read: വെടിക്കെട്ട് സെഞ്ചുറി, സിക്സ് മഴ പെയ്യിച്ച് സിഎസ്കെ താരം. അടുത്ത സീസണിൽ ഇവൻ മിന്നിക്കും.

ഫസ്റ്റ് ക്ലാസ് ക്രിക്കറ്റിലും ലിസ്റ്റ് എ മത്സരങ്ങളിലും മികച്ച റെക്കോഡാണ് റുതുവിനുള്ളത്. 38 ഫസ്റ്റ് ക്ലാസ് മത്സരങ്ങളിൽ 41.77 ബാറ്റിങ് ശരാശരിയിൽ 2632 റൺസ് നേടിയ റുതു, ഏഴ് സെഞ്ചുറികളും 14 അർധസെഞ്ചുറികളും നേടിയിട്ടുണ്ട്. ലിസ്റ്റ് എ യിൽ 86 കളികളിൽ നിന്ന് 56.15 ബാറ്റിങ് ശരാശരിയിൽ 4324 റൺസാണ് ഈ വലംകൈയ്യൻ ബാറ്ററുടെ സമ്പാദ്യം. 16 സെഞ്ചുറികളും 17 അർധസെഞ്ചുറികളും ലിസ്റ്റ് എ യിൽ താരം നേടിയിട്ടുണ്ട്.