ഇന്ത്യ – ഇംഗ്ലണ്ട് ടെസ്റ്റ് പരമ്പരയിൽ രോഹിത് ശർമയ്ക്ക് പകരം കെഎൽ രാഹുൽ ഇന്നിങ്‌സ് ഓപ്പൺ ചെയ്യുമെന്ന് കഴിഞ്ഞ ദിവസം റിപ്പോർട്ട് ഉണ്ടായിരുന്നു. ഇനി അറിയേണ്ടത് വിരാട് കോഹ്‌ലിയുടെ പകരക്കാരൻ ആരെന്ന ചോദ്യത്തിനുള്ള ഉത്തരമാണ്.
ഹൈലൈറ്റ്:
- കോഹ്‌ലിയുടെ പകരക്കാരൻ ഗില്ലോ?
- സൂചന നൽകി ശുഭ്മാൻ ഗിൽ
- രോഹിതിന് പകരം കെഎൽ രാഹുൽ ഇന്നിങ്‌സ് ഓപ്പൺ ചെയ്യും
ഇന്ത്യ – ഇംഗ്ലണ്ട് ടെസ്റ്റ് പരമ്പരയിൽ വിജയിക്കുക ഈ ടീം; കിടിലൻ പ്രവചനം നടത്തി ഡെയിൽ സ്റ്റെയിൻഇന്ത്യൻ ടെസ്റ്റ് ടീമിനെ സംബന്ധിച്ച് പരിചയ സമ്പന്നരായ രണ്ട് താരങ്ങളായിരുന്നു വിരാട് കോഹ്‌ലിയും രോഹിത് ശർമയും. അതുകൊണ്ടുതന്നെ ഇരുവരുടെയും പകരക്കാരെ കണ്ടെത്തുക എന്നത് നിസാരമായിരുന്നില്ല. ടെസ്റ്റ് മത്സരങ്ങളിൽ ഓപ്പണർ ആയി ഇറങ്ങുന്ന രോഹിത് ശർമയുടെ പകരക്കാരനെ കഴിഞ്ഞ ദിവസമാണ് ബിസിസിഐ കണ്ടെത്തിയത്.
വിരാട് കോഹ്‌ലിയുടെ പകരക്കാരൻ ഗില്ലോ? ഇന്ത്യ – ഇംഗ്ലണ്ട് ടെസ്റ്റ് പരമ്പരയിലെ തൻ്റെ ബാറ്റിങ് പോസിഷ്യനെ കുറിച്ച് സൂചന നൽകി ഇന്ത്യൻ നായകൻ
ഇന്ത്യ – ഇംഗ്ലണ്ട് ടെസ്റ്റ് പരമ്പരയ്ക്ക് മുന്നോടിയായി ഇന്ത്യ എ ടീമും ഇംഗ്ലണ്ട് ലയൺസും തമ്മിൽ നടന്ന സൗഹൃത ടെസ്റ്റ് പരമ്പര നടന്നിരുന്നു. ഈ പരമ്പരയിൽ ഇന്ത്യൻ ടെസ്റ്റ് ടീമിൽ ഉള്ള ചില താരങ്ങൾ ഉൾപ്പെട്ടിരുന്നു. അതിൽ ഒരു താരമാണ് കെഎൽ രാഹുൽ. തൻറെ കരിയറിന്റെ തുടക്കത്തിൽ ടെസ്റ്റ് മത്സരങ്ങളിൽ ഓപ്പണർ ആയി ഇറങ്ങിയ താരം ഫോം നഷ്ടമായതിനെ തുടർന്ന് ടെസ്റ്റ് ടീമിൽ നിന്ന് പുറത്തായിരുന്നു. എന്നാൽ ഫോം വീണ്ടെടുത്ത് താരം ടെസ്റ്റ് ടീമിൽ ഇടം നേടി എങ്കിലും മധ്യനിരയിൽ ആയിരുന്നു ബാറ്റ് ചെയ്യാൻ ഇറങ്ങിയത്. എന്നാൽ ഇന്ത്യ എ ടീമിനായി ഓപ്പണിങ്ങിൽ ഇറങ്ങിയ താരം സെഞ്ചുറി അടക്കം വെടിക്കെട്ട് ബാറ്റിങ് നടത്തിയതോടെ രോഹിത് ശർമയുടെ പകരക്കാരനായി കെഎൽ രാഹുൽ സീറ്റ് ഉറപ്പിച്ചിരിക്കുകയാണ്.
ഇനി വേണ്ടത് ടെസ്റ്റ് ടീമിൽ നാലാം നമ്പറിൽ ഇറങ്ങിയിരുന്ന വിരാട് കോഹ്‌ലിയുടെ പകരക്കാരനെയാണ്. നിലവിൽ ഏറ്റവും കൂടുതൽ സാധ്യത ക്യാപ്റ്റൻ ശുഭ്മാൻ ഗില്ലിനാണ്. എന്നാൽ കഴിഞ്ഞ ദിവസം ഗിൽ നാലാം സ്ഥാനത്തായിരിക്കുമോ ബാറ്റ് ചെയുക എന്ന ചോദ്യം ഉയർന്നിരുന്നു. ഈ ചോദ്യത്തിന് താരം വ്യക്തമായ ഉത്തരം നൽകിയില്ല. പക്ഷെ അതേസമയം ബാറ്റിങ് സ്ഥാനം മാറുകയാണ് എങ്കിൽ അവിടെ എങ്ങനെ ബാറ്റ് ചെയ്യണമെന്ന് പരീക്ഷിക്കും എന്നും ഗിൽ പറഞ്ഞു.
അതേസമയം ഗിൽ നാലാം സ്ഥാനം തെരഞ്ഞെടുക്കുകയാണ് എങ്കിൽ കരുൺ നായർ മൂന്നാം സ്ഥാനത്ത് ബാറ്റിങ്ങിന് ഇറങ്ങാൻ ആണ് കൂടുതൽ സാധ്യത.
രചയിതാവിനെക്കുറിച്ച്അനുഷ ഗംഗാധരൻമലയാളം വിഭാഗം മാധ്യമപ്രവർത്തക. കഴിഞ്ഞ 5 വർഷമായി മാധ്യമപ്രവർത്തന രംഗത്ത് സജീവമായി പ്രവർത്തിക്കുന്നു. ബിസിനസ്‌, ജനറൽ, സ്പോർട്സ് എന്നീ വിഷയങ്ങളിൽ വാർത്തകൾ ചെയുന്നു. 2019 മുതൽ ഓൺലൈൻ ന്യൂസ് വിഭാഗത്തിൽ ജോലി ചെയ്യുന്നു. 2023ൽ ഇക്കണോമിക് ടൈമിസിന്റെ ഇ ടി മലയാളത്തിൻ്റെ ഭാഗമായി.… കൂടുതൽ വായിക്കുക