രണ്ടാം ടെസ്റ്റ് മത്സരത്തിനായുള്ള തയ്യാറെടുപ്പിലാണ് ഇന്ത്യയും ഇംഗ്ലണ്ടും. അഞ്ച് മത്സര ടെസ്റ്റ് പരമ്പരയിൽ ആദ്യ ടെസ്റ്റിൽ ഇംഗ്ലണ്ടിനെതിരെ അഞ്ച് വിക്കറ്റിന് ഇന്ത്യ പരാജയപ്പെട്ടിരുന്നു. അതുകൊണ്ടുതന്നെ ടീമിൽ വമ്പൻ മാറ്റങ്ങളുമായി ആണ് ഇന്ത്യ രണ്ടാം ടെസ്റ്റിൽ ഇറങ്ങുന്നത്.
ഹൈലൈറ്റ്:
- ഇന്ത്യ സാധ്യത പ്ലേയിങ് ഇലവൻ
- ജസ്പ്രീത് ബുംറ പുറത്ത്
- ആദ്യ ആറിൽ മാറ്റമില്ല
യശസ്വി ജയ്സ്വാൾ മുംബൈയിൽ തന്നെ; തീരുമാനം ഇന്ത്യൻ ഓപ്പണറുടെ പ്രത്യേക അഭ്യർഥനയെ തുടർന്ന്ഇന്ത്യ – ഇംഗ്ലണ്ട് രണ്ടാം ടെസ്റ്റ് മത്സരത്തിൽ ഇന്ത്യയുടെ പ്ലെയിങ് ഇലവനിൽ പല വമ്പൻ മാറ്റങ്ങളും ഉണ്ടാകാനുള്ള സാധ്യത കൂടുതലാണ്. ആദ്യ ആറ് സ്ഥാനങ്ങയിൽ മാറ്റം വരാനുള്ള സാധ്യത കുറവാണ്. യശസ്വി ജയ്‌സ്വാളും കെഎൽ രാഹുലും തന്നെ ഇന്ത്യയുടെ ബാറ്റിങ് ഓപ്പൺ ചെയ്യും. വൺ ഡൗൺ ആയി സായ് സുദർശൻ എത്തും. നാലാം സ്ഥാനത്ത് ക്യാപ്റ്റൻ ശുഭ്മാൻ ഗിൽ തുടരും. അഞ്ചാം സ്ഥാനത്ത് ഋഷഭ് പന്തും ആറാം സ്ഥാനത്ത് കരുൺ നായരും തുടരും.
രണ്ടാം ടെസ്റ്റില്‍ പണികിട്ടും; ഈ ഗ്രൗണ്ടില്‍ ഇന്ത്യയുടെ ചരിത്രം പ്രതീക്ഷ പകരുന്നതല്ല
ഈ ആറ് പേരിൽ രണ്ട് താരങ്ങൾ മാത്രമാണ് ഒന്നാം ടെസ്റ്റിൽ നിരാശപെടുത്തിയത്. ടെസ്റ്റ് അരങ്ങേറ്റം കുറിച്ച സായ് സുദർശനും നീണ്ട ഇടവേളയ്ക്ക് ശേഷം ഇന്ത്യൻ ടീമിൽ ഇടം നേടിയ കരുൺ നായരും. ഇംഗ്ലണ്ടിനെതിരെ നടന്ന ഒന്നാം ടെസ്റ്റ് മത്സരത്തിലെ ആദ്യ ഇന്നിങ്സിൽ ഇരുവരും ഡക്ക് ആയപ്പോൾ രണ്ടാം ഇന്നിങ്സിൽ സുദർശൻ 30 റൺസും കരുൺ നായർ 20 റൺസുമാണ് നേടിയത്. എന്നാൽ ഇരുവർക്കും വീണ്ടും അവസരം നൽകാൻ സാധ്യത കൂടുതലാണ്.
ആദ്യ ആറിൽ മാറ്റം ഉണ്ടാകില്ലങ്കിലും വാലറ്റത്ത് മാറ്റം ഉണ്ടാകും. ജസ്പ്രീത് ബുംറയുടെ അഭാവത്തിൽ മറ്റൊരു പേസറെ ടീമിന് ആവശ്യമുണ്ട്. അർഷ്ദീപ് സിങിന് നറുക്ക് വീഴാനാണ് സാധ്യത കൂടുതൽ. അങ്ങനെയെങ്കിൽ താരം തന്റെ അരങ്ങേറ്റ ടെസ്റ്റ് മത്സരം നാളെ കളിക്കും. ആദ്യ ടെസ്റ്റിൽ മോശം പ്രകടനം കാഴ്ചവെച്ച ഷാർദുൽ താക്കൂർ രണ്ടാം മത്സരത്തിൽ പ്ലേയിങ് ഇലവനിൽ ഇടം നേടാനുള്ള അവസരം കുറവാണ്.
ഷാർദുൽ താക്കൂറിന് പകരം നിതീഷ് കുമാർ റെഡ്ഡി ഏഴാം സ്ഥാനത്ത് ഇറങ്ങിയേക്കും. അതേസമയം ആദ്യ ടെസ്റ്റിൽ മോശം പ്രകടനം നടത്തിയ മറ്റൊരു താരമാണ് രവീന്ദ്ര ജഡേജ. പരിചയ സമ്പന്നരായ താരങ്ങളുടെ അഭാവം ഇന്ത്യൻ ടീമിൽ ഉണ്ടെങ്കിലും ജഡേജയെ പോലെ പരിചയസമ്പന്നര താരങ്ങൾ ടീമിൽ ഉള്ളത് ആരാധകർക്ക് ആശ്വാസമായിരുന്നു.
എന്നാൽ മൈതാനത്ത് കണ്ടത്ത് മോശം പ്രകടനം തുടരുന്ന രവീന്ദ്ര ജഡേജയെ ആണ്. ആദ്യ ടെസ്റ്റ് മത്സരത്തിൽ വെറും ഒരു വിക്കറ്റ് വീഴ്ത്താൻ മാത്രമാണ് ജഡേജയ്ക്ക് സാധിച്ചത്. അതുകൊണ്ടുതന്നെ ജഡേജയെ പ്ലേയിങ് ഇലവനിൽ നിന്ന് ഒഴിവാക്കി സ്പെഷ്യലിസ്റ്റ് സ്പിന്നറായ കുൽദീപ് യാദവിനെ പ്ലേയിങ് ഇലവനിൽ ഉൾപ്പെടുത്താനുള്ള സാധ്യത കൂടുതലാണ്. ജസ്പ്രീത് ബുംറയുടെ അഭാവത്തിൽ മുഹമ്മദ് സിറാജ് തന്റെ സ്ഥാനം നിലനിർത്തുകയും പേസ് നിരയെ നയിക്കുകയും ചെയ്യും.
ഇംഗ്ലണ്ടിനെതിരായ രണ്ടാം ടെസ്റ്റിൽ ഇന്ത്യയുടെ സാധ്യത പ്ലേയിങ് ഇലവൻ
യശസ്വി ജയ്സ്വാൾ, കെഎൽ രാഹുൽ, സായ് സുദർശൻ, ശുഭ്മാൻ ഗിൽ (C), ഋഷഭ് പന്ത് (WK), കരുൺ നായർ, നിതീഷ് റെഡ്ഡി, കുൽദീപ് യാദവ്, മുഹമ്മദ് സിറാജ്, അർഷ്ദീപ് സിങ്, ആകാശ് ദീപ്
രചയിതാവിനെക്കുറിച്ച്അനുഷ ഗംഗാധരൻമലയാളം വിഭാഗം മാധ്യമപ്രവർത്തക. കഴിഞ്ഞ 5 വർഷമായി മാധ്യമപ്രവർത്തന രംഗത്ത് സജീവമായി പ്രവർത്തിക്കുന്നു. ബിസിനസ്‌, ജനറൽ, സ്പോർട്സ് എന്നീ വിഷയങ്ങളിൽ വാർത്തകൾ ചെയുന്നു. 2019 മുതൽ ഓൺലൈൻ ന്യൂസ് വിഭാഗത്തിൽ ജോലി ചെയ്യുന്നു. 2023ൽ ഇക്കണോമിക് ടൈമിസിന്റെ ഇ ടി മലയാളത്തിൻ്റെ ഭാഗമായി.… കൂടുതൽ വായിക്കുക