വിജയം ഇന്ത്യക്ക്
ഇന്ത്യ- പാകിസ്താന് സൂപ്പര് പോരാട്ടത്തില് വിജയം ഇന്ത്യക്കായിരിക്കുമെന്നാണ് സച്ചിന് ടെണ്ടുല്ക്കര് പ്രവചിച്ചിരിക്കുന്നത്. ഇന്ത്യയാണ് ഈ മല്സരത്തിലെ ഫേവറിറ്റുകള്. എന്റെ ഹൃദയം ഇന്ത്യയോടൊപ്പമാണ്, എല്ലാപ്പോഴും ഇന്ത്യ ജയിക്കണമെന്നു ആഗ്രഹിക്കുകയും ചെയ്യുന്നു. അതു ഞാന് ഇന്ത്യക്കാരന് ആയതുകൊണ്ടു മാത്രമല്ല. ഈ സാഹചര്യങ്ങളില് നന്നായി പെര്ഫോം ചെയ്യാനുള്ള മികവ് നമുക്കുണ്ടുണ്ടെന്നു താന് ഉറച്ചു വിശ്വസിക്കുന്നതായും സച്ചിന് പറഞ്ഞു.
സെമി ഫൈനലിസ്റ്റുകള്
ഇത്തവണത്തെ ടി20 ലോകകപ്പിലെ കിരീട ഫേവറിറ്റുകള് ആരാണെന്ന ചോദ്യത്തിനു ഇന്ത്യ അതു നേടണമെന്നാണ് താന് ആഗ്രഹിക്കുന്നതെന്നു സച്ചിന് ടെണ്ടുല്ക്കര് മറുപടി നല്കി. ഇന്ത്യക്കൊപ്പം പാകിസ്താന്, ഓസ്ട്രേലിയ, ഇംഗ്ലണ്ട് എന്നിവരായിരിക്കും സെമി ഫൈനലിലുണ്ടാവുക.
ന്യൂസിലാന്ഡും സൗത്താഫ്രിക്കയുമായിരിക്കും ടൂര്ണമെന്റിലെ കറുത്ത കുതിരകള്. ഇതേ സാഹചര്യങ്ങള് തന്നെയാണ് സപ്തംബര്- ഒക്ടോബര് മാസങ്ങളില് സൗത്താഫ്രിക്കയിലെയും സാഹര്യങ്ങള് ഇവിടുത്തേതിനു സമാനമാണ്. അവര്ക്കു ഇത്തരം സാഹചര്യങ്ങൡല് കളിച്ച് പരിചയമുണ്ടെന്നും സച്ചിന് നിരീക്ഷിച്ചു.
ഇന്ത്യക്കു കിരീടസാധ്യത
ഇന്ത്യക്കു ഇത്തവണ മികച്ച സാധ്യത തന്നെയാണുള്ളത്. നമ്മുടേത് നല്ല ബാലന്സുള്ള, ശക്തമായ സംഘമാണ്. ഗ്രൗണ്ടിലെത്തി നന്നായി പെര്ഫോം ചെയ്യാന് ശേഷിയുള്ള കോമ്പിനേഷന് നമുക്കുണ്ട്. നമ്മുടെ ടീമില് വലിയ പ്രതീക്ഷയാണുള്ളതെന്നും അവര്ക്കു മികച്ച മുന്നേറ്റം നടത്താന് കഴിയുമെന്നും വിശ്വസിക്കുന്നതായി സച്ചിന് ടെണ്ടുല്ക്കര് കൂട്ടിച്ചേര്ത്തു.
ഇന്ത്യന് ടീം
രോഹിത് ശര്മ (ക്യാപ്റ്റന്), കെഎല് രാഹുല്, വിരാട് കോലി, സൂര്യകുമാര് യാദവ്, ദീപക് ഹൂഡ, റിഷഭ് പന്ത് (വിക്കറ്റ് കീപ്പര്) ദിനേശ് കാര്ത്തിക് (വിക്കറ്റ് കീപ്പര്), ഹാര്ദിക് പാണ്ഡ്യ, ആര് അശ്വിന്, യുസ്വേന്ദ്ര ചാഹല്, അക്ഷര് പട്ടേല്, ഭുവനേശ്വര് കുമാര്, ഹര്ഷല് പട്ടേല്, അര്ഷ്ദീപ് സിങ്, മുഹമ്മദ് ഷമി.
പാകിസ്താന് ടീം
ബാബര് ആസം (ക്യാപ്റ്റന്), ഹൈദര് അലി, ആസിഫ് അലി, ഖുശ്ദില് ഷാ, ഷാന് മസൂദ്, ഫഖര് സമാന്, ഇഫ്തിഖര് അഹമ്മദ്, ഷദാബ് ഖാന്, മുഗഹമ്മദ് നവാസ്, മുഹമ്മദ് വസീം, മുഹമ്മദ് റിസ്വാന് (വിക്കറ്റ് കീപ്പര്), ഹാരിസ് റൗഫ്, മുഹമ്മദ് ഹസ്നെയ്ന്, നസീം ഷാ, ഷഹീന് അഫ്രീഡി.