ചാമ്പ്യൻസ് ട്രോഫി നേടിയ ഇന്ത്യൻ ടീമിന് വമ്പൻ പാരിതോഷികം പ്രഖ്യാപിച്ച് ബിസിസിഐ; ഒരു കളിക്കാരന് ലഭിക്കുന്ന തുക ഇങ്ങനെ

ചാമ്പ്യൻസ് ട്രോഫി വിജയിച്ച ഇന്ത്യൻ ടീമിലുണ്ടായിരുന്ന താരങ്ങൾക്ക് മൂന്ന് കോടി രൂപ വീതമാണ് ബിസിസിഐ പ്രഖ്യാപിച്ച പാരിതോഷികത്തിൽ നിന്ന് ലഭിക്കുക. ടീമിന്റെ മുഖ്യ പരിശീലകനായ ഗൗതം ഗംഭീറിനും ഇതേ തുക തന്നെ ( മൂന്ന് കോടി ) ലഭിക്കും. സപ്പോർട്ട് സ്റ്റാഫിലുള്ള അംഗങ്ങൾക്ക് 50 ലക്ഷം രൂപ വീതമാകും ലഭിക്കുക.

Also Read: വെടിക്കെട്ട് സെഞ്ചുറി നേടി റിയാൻ പരാഗ്, ഞെട്ടിച്ച് ജൂറലും ജയ്സ്വാളും; സഞ്ജുവും ടീമും ഇക്കുറി ഡബിൾ സ്ട്രോങ്ങ്

ഇന്ത്യ‌‌ൻ ടീമിന്റെ ചീഫ് സെലക്ടറായ അജിത് അഗാർക്കർക്ക് 30 ലക്ഷം രൂപയും, സെലക്ഷൻ കമ്മറ്റിയിലുള്ള‌ മറ്റ് നാല് പേർക്ക് 25 ലക്ഷം രൂപ വീതവും കിട്ടും. ദുബായിൽ ചാമ്പ്യൻസ് ട്രോഫിക്കുള്ള ഇന്ത്യൻ സംഘത്തോടൊപ്പം ഉണ്ടായിരുന്ന ബിസിസിഐ സ്റ്റാഫുകൾക്കും 25 ലക്ഷം വീതം ലഭിക്കും.

Also Read: ഐപിഎല്‍ “കളറാക്കാന്‍’ ബിസിസിഐ; ഉദ്ഘാടന ചടങ്ങ് 13 വേദികളില്‍; എല്ലായിടത്തും ആഘോഷം

കളിച്ച എല്ലാ മത്സരങ്ങളും ജയിച്ച് ഫൈനലിൽ എത്തിയ ഇന്ത്യ കലാശപ്പോരാട്ടത്തിൽ കരുത്തരായ ന്യൂസിലൻഡിനെ കീഴടക്കിയാണ് ഐസിസി ചാമ്പ്യൻസ് ട്രോഫിയിൽ മുത്തമിട്ടത്. ദുബായിൽ നടന്ന ഫൈനലിൽ നാല് വിക്കറ്റിനായിരുന്നു രോഹിതിന്റെയും സംഘത്തിന്റെയും വിജയം. മത്സരത്തിൽ ആദ്യം ബാറ്റ് ചെയ്ത ന്യൂസിലൻഡ് നിശ്ചിത 50 ഓവറുകളിൽ 251/7 എന്ന‌ സ്കോർ നേടിയപ്പോൾ, ഇന്ത്യ ഒരോവർ ബാക്കി നിൽക്കെ വിജയത്തിൽ എത്തി. നേരത്തെ ഗ്രൂപ്പ് ഘട്ടത്തിൽ ബംഗ്ലാദേശ്, പാകിസ്താൻ, ന്യൂസിലൻഡ് എന്നീ ടീമുകളെ വീഴ്ത്തിയ ഇന്ത്യ, സെമിയിൽ ഓസ്ട്രേലിയയെ മറികടന്നാണ് ഫൈനലിൽ കടന്നത്.