IPL 2025: ഐപിഎല്‍ 2025 പ്ലേഓഫിലേക്ക് എത്താന്‍ സാധ്യതയുള്ള നാല് ഇഷ്ട ടീമുകളെ തിരഞ്ഞെടുത്ത് എബി ഡിവില്ലിയേഴ്സ് (Ab De Villiers). വിരാട് കോഹ്‌ലിയുടെ ആര്‍സിബി രണ്ടാം റൗണ്ടിലെത്തുമെന്ന് ഫ്രാഞ്ചൈസിയുടെ മുന്‍ ഇതിഹാസ താരം അഭിപ്രായപ്പെട്ടു. എംഎസ് ധോണിയുടെ സിഎസ്‌കെ പ്ലേഓഫില്‍ ഇടംനേടില്ലെന്നും കരുതുന്നു.
ഹൈലൈറ്റ്:
- പ്ലേഓഫ് ടീമുകളെ തിരഞ്ഞെടുത്ത് ഡിവില്ലിയേഴ്സ്
- ആര്‍സിബിയും മുംബൈ ഇന്ത്യന്‍സും മുന്നേറും
- സിഎസ്‌കെ പ്ലേ ഓഫ് കാണാതെ പുറത്തായേക്കും
ആര്‍സിബി മുന്നേറും, സിഎസ്‌കെ പുറത്താവും; ഐപിഎല്‍ 2025 പ്ലേഓഫ് ടീമുകളെ തിരഞ്ഞെടുത്ത് മുന്‍ സൂപ്പര്‍ താരം
ഇത്തവണ ലീഗില്‍ ഏറ്റവും കൂടുതല്‍ ചര്‍ച്ച ചെയ്യപ്പെടുന്ന രണ്ട് ടീമുകളായിരിക്കും ആര്‍സിബിയും സിഎസ്‌കെയും. 18 വര്‍ഷത്തിനു ശേഷം ആര്‍സിബി അവരുടെ ആദ്യ കിരീടമെന്ന അദമ്യ മോഹവുമായാണ് പാഡണിയുന്നത്. ആറാമത്തെ റെക്കോഡ് കിരീട നേട്ടമാണ് സിഎസ്‌കെയുടെ ലക്ഷ്യം. എന്നാല്‍ ഇതില്‍ ഒരു ടീമിന് മാത്രമേ പ്ലേഓഫിലേക്ക് എത്താന്‍ കഴിയൂ എന്നാണ് ഡിവില്ലിയേഴ്സ് പറയുന്നത്. സിഎസ്‌കെയുടെ ആരാധകര്‍ നിരാശരാവുമെങ്കിലും ഇതാണ് തന്റെ അഭിപ്രായമെന്നും അദ്ദേഹം വ്യക്തമാക്കി.
ഐപിഎല്‍ 2025ന് മുമ്പായി വിലക്ക് നീക്കി; പന്തില്‍ ഉമിനീര്‍ പുരട്ടാം, കളിയെ മാറ്റിമറിക്കുന്ന മറ്റൊരു നിയമവും പാസാക്കി
മുംബൈ ഇന്ത്യന്‍സിന് പ്ലേഓഫിലെത്താന്‍ കഴിയുമെന്ന് ഞാന്‍ കരുതുന്നു. ഇത്തവണ ആര്‍സിബിയും പ്ലേഓഫിലെത്തുമെന്ന് ഉറപ്പാണ്. കാരണം സന്തുലിതമായ ടീമാണ് അവരുടേത്. ഗുജറാത്ത് ടൈറ്റന്‍സ് ആണ് മറ്റൊരു ടീം. നിലവിലെ ചാമ്പ്യന്മാരായ കെകെആറും പ്ലേഓഫില്‍ മല്‍സരിക്കാനുണ്ടാവും. ഞാന്‍ തെരഞ്ഞെടുക്കുന്ന നാല് ടീമുകള്‍ ഇവയാണ്- ഡിവില്ലിയേഴ്സ് പ്രവചിച്ചു.
ശക്തമായ ടീം തന്നെയാണെങ്കിലും സിഎസ്‌കെയെ ഞാന്‍ ഉള്‍പ്പെടുത്തിയിട്ടില്ല. അവരുടെ ആരാധകര്‍ നിരാശരായേക്കാം. പക്ഷേ, ഞാന്‍ ഈ നാല് ടീമുകളെയാണ് തെരഞ്ഞെടുക്കുന്നത്- ഇതിഹാസ താരം കൂട്ടിച്ചേര്‍ത്തു.
‘സിക്‌സറുകള്‍ പറത്തുകയാണവന്‍, ഇന്ത്യന്‍ ടീമിലെത്തും…’ റോയല്‍സിലെ 13കാരനെ കുറിച്ച് സഞ്ജു സാംസണ്‍
വിരാട് കോഹ്ലി ഐപിഎല്‍ 2025 ല്‍ ആര്‍സിബിയുടെ ബാറ്റിങ് ഡിപ്പാര്‍ട്ട്മെന്റിന്റെ ക്യാപ്റ്റനാകണമെന്ന് ജിയോസ്റ്റാറിന്റെ സംവാദത്തില്‍ അഭിപ്രായപ്പെട്ടു. സ്മാര്‍ട്ട് ക്രിക്കറ്റ് കളിക്കാനും ബാറ്റര്‍മാരെ ഒരുമിപ്പിക്കാനും ബാറ്റിങ് ഓര്‍ഡറില്‍ തകര്‍ച്ചകള്‍ ഉണ്ടാകില്ലെന്ന് ഉറപ്പാക്കാനും അദ്ദേഹത്തിന് കഴിയുമെന്നും അദ്ദേഹം പറഞ്ഞു.
അടുത്ത ശനിയാഴ്ച (മാര്‍ച്ച് 22) കൊല്‍ക്കത്തയിലെ ഈഡന്‍ ഗാര്‍ഡന്‍സിലാണ് ഐപിഎല്‍ 2025 ഉദ്ഘാടന മല്‍സരം. റോയല്‍ ചലഞ്ചേഴ്സ് ബെംഗളൂരു നിലവിലെ ചാമ്പ്യന്മാരായ കൊല്‍ക്കത്ത നൈറ്റ് റൈഡേഴ്സിനെ നേരിടും.
രചയിതാവിനെക്കുറിച്ച്നിഷാദ് അമീന്‍16 വര്‍ഷമായി മാധ്യമരംഗത്ത് പ്രവര്‍ത്തിക്കുന്നു. കാലിക്കറ്റ് സര്‍വകലാശാലയില്‍ നിന്ന് മാസ് കമ്മ്യൂണിക്കേഷനില്‍ ബിരുദവും കാലിക്കറ്റ് പ്രസ് ക്ലബ്ബില്‍ നിന്ന് ടെലിവിഷന്‍ ജേണലിസത്തില്‍ പിജി ഡിപ്ലോമയും ഇംഗ്ലീഷ് സാഹിത്യത്തില്‍ ബിരുദാനന്തര ബിരുദവും നേടി. ഏഴ് വര്‍ഷം സൗദി അറേബ്യയില്‍ മാധ്യമപ്രവര്‍ത്തകനായിരുന്നു. സൗദിയില്‍ ഇന്ത്യന്‍ മീഡിയ ഫോറത്തിന്റെ ജനറല്‍ സെക്രട്ടറിയായും പ്രവര്‍ത്തിച്ചിട്ടുണ്ട്. സുപ്രഭാതം, മലയാളം ന്യൂസ്, തേജസ് ദിനപത്രങ്ങളില്‍ സീനിയര്‍ സബ് എഡിറ്ററായും ഗള്‍ഫ് ന്യൂസ് എഡിറ്ററായും സീനിയര്‍ റിപോര്‍ട്ടറായും കേരളത്തിലെയും ഗള്‍ഫിലെയും വിവിധ ബ്യൂറോകളിലും എഡിറ്റോറിയല്‍ ഡെസ്‌കിലും ന്യൂഡല്‍ഹി, റിയാദ്, ജിദ്ദ, യുഎഇ എന്നിവിടങ്ങളിലും ജോലിചെയ്തു. ടൈംസ് ഓഫ് ഇന്ത്യയുടെ ഭാഗമായ സമയം മലയാളത്തില്‍ കണ്ടന്റ് പ്രൊഡ്യൂസറാണ്.… കൂടുതൽ വായിക്കുക