ഈ 3 മുംബൈ ഇന്ത്യൻസ് താരങ്ങൾക്ക് പണികിട്ടിയേക്കും, ഇത്തവണ എല്ലാ കളികളിലും ഇവർ പുറത്തിരിക്കാൻ സാധ്യത

പരിക്കേറ്റ് പുറത്തായ ലിസാഡ് വില്ല്യംസിന് പകരക്കാരനായാണ് ദക്ഷിണാഫ്രിക്കൻ താരം കോർബിൻ ബോഷിനെ മുംബൈ ഇന്ത്യൻസ് സൈൻ ചെയ്തത്. ട്രെന്റ് ബോൾട്ട്, വിൽ ജാക്സ്, റയാൻ റിക്കിൾട്ടൺ, മിച്ചൽ സാന്റ്നർ, മുജീബുർ റഹ്മാൻ എന്നിവരിൽ നിന്നാകും പ്ലേയിങ് ഇലവനിലേക്കുള്ള നാല് വിദേശികളെ മുംബൈ തെരഞ്ഞെടുക്കുക. നിലവിലെ‌ സാഹചര്യങ്ങൾ പരിശോധിക്കുമ്പോൾ 2025 സീസണിൽ ഉടനീളം മുംബൈയുടെ ബാക്കപ്പ് താരമായി കോർബിൻ ബോഷ് ബെഞ്ചിൽ തുടരാനാണ്‌ സാധ്യത.

Also Read: ഐപിഎല്ലിലെ ആദ്യ കളിക്ക് മുൻപ് മുംബൈ ഇന്ത്യൻസിന് തലവേദന നൽകി ആ മൂന്ന് താരങ്ങൾ; ആശങ്കയിൽ ആരാധകർ

ഇംഗ്ലീഷ് പേസറായ റീസ് ടോപ്ലെക്കും ഇക്കുറി മുംബൈ ഇന്ത്യൻസിന്റെ പ്ലേയിങ് ഇലവൻ പദ്ധതികളിൽ ഇടം ലഭിക്കാൻ സാധ്യത കുറവാണ്. ഇടം കൈയ്യൻ പേസറായി ട്രെന്റ് ബോൾട്ട് പ്ലേയിങ് ഇലവനിൽ ഉണ്ടാകുമെന്ന കാര്യം ഉറപ്പാണ്. ബോൾട്ടിനൊപ്പം മറ്റൊരു വിദേശ ഇടം കൈയ്യൻ പേസറെ കൂടി അവർ കളിപ്പിക്കാൻ സാധ്യത കുറവാണ്. സമീപകാലത്ത് താരത്തിന്റെ ഫോമും അത്ര മികച്ചതല്ല.

കഴിഞ്ഞ രണ്ട്‌ സീസണിലും മുംബൈ ഇന്ത്യൻസിന് ഒപ്പമുണ്ടായിരുന്ന അർജുൻ ടെണ്ടുൽക്കറെ ഇത്തവണയും അവർ ഒപ്പം കൂട്ടിയിട്ടുണ്ട്. ഐപിഎല്ലിൽ അഞ്ച് കളികളിൽ മൂന്ന് വിക്കറ്റുകളാണ് അർജുന്റെ സമ്പാദ്യം. നിലവിലെ മുംബൈ ഇന്ത്യൻസിന്റെ സ്ക്വാഡ് വെച്ച് ഇക്കുറി അർജുന് ഒരു കളിയിൽപ്പോലും പ്ലേയിങ് ഇലവനിൽ ഇടം ലഭിക്കാൻ സാധ്യതയില്ല.

Also Read: സഞ്ജു കളിക്കുമ്പോൾ പുറത്താവുക ആ സൂപ്പർ താരം; രാജസ്ഥാൻ റോയൽസിന്റെ പദ്ധതികൾ ഇങ്ങനെയാകാൻ സാധ്യത

2025 സീസൺ ഐപിഎല്ലിൽ മുംബൈ ഇന്ത്യൻസിന്റെ സ്ക്വാഡ് ഇങ്ങനെ: സൂര്യകുമാർ യാദവ്, രോഹിത് ശർമ, തിലക് വർമ, ബെവൺ ജേകബ്സ്, റോബിൻ മിൻസ്, റയാൻ റിക്കിൾട്ടൺ, കൃഷ്ണൻ ശ്രീജിത്, ഹാർദിക് പാണ്ഡ്യ, നമൻ ധിർ, വിൽ ജാക്സ്, രാജ് അംഗഡ് ബാവ, വിഗ്നേഷ് പുത്തുർ, മുജീബുർ റഹ്മാൻ, കരൺ ശർമ, മിച്ചൽ സാന്റ്നർ, ജസ്പ്രിത് ബുംറ, ദീപക് ചഹർ, ട്രെന്റ് ബോൾട്ട്, അശ്വനി കുമാർ, റീസ് ടോപ്ലെ, സത്യനാരായണ‌ രാജു, അർജുൻ ടെണ്ടുൽക്കർ, കോർബിൻ ബോഷ്.