പരിക്ക് മാറി ലയണല്‍ മെസ്സിയുടെ (Lionel Messi) ഗംഭീര തിരിച്ചുവരവ്. 2026 ലോകകപ്പിലും സാന്നിധ്യം ഉറപ്പാക്കി 37കാരന്‍. തിരിച്ചുവരവ് മല്‍സരത്തില്‍ ഇന്റര്‍ മയാമിക്ക് വേണ്ടി 55ാം മിനിറ്റില്‍ പകരക്കാരനായി കളത്തിലിറങ്ങിയ മെസ്സി രണ്ട് മിനിറ്റിനുള്ളില്‍ ഗോള്‍ നേടി വിജയം ഉറപ്പിച്ചു.
ഹൈലൈറ്റ്:
- പരിക്ക് മാറി മെസ്സിയുടെ തിരിച്ചുവരവ്
- ഇന്റര്‍ മയാമിക്ക് വേണ്ടി ഗോള്‍ നേട്ടം
- കളത്തിലിറങ്ങിയത് 55ാം മിനിറ്റില്‍
എന്താ കളി..! മെസ്സി ഉണ്ടാവും 2026 ലോകകപ്പിന്; പരിക്ക് മാറി 37കാരന്റെ ഗംഭീര തിരിച്ചുവരവ്, രണ്ട് മിനിറ്റിനകം ഗോള്‍
ലോകകപ്പ് യോഗ്യതാ മല്‍സരത്തില്‍ അര്‍ജന്റീന 4-1ന് ബ്രസീലിനെ നാണംകെടുത്തിയിരുന്നു. പിന്നാലെ ബ്രസീല്‍ അവരുടെ കോച്ചിനെയും പുറത്താക്കി. നാല് ദിവസം മുമ്പ് (മാര്‍ച്ച് 26) നടന്ന മല്‍സരത്തില്‍ മെസ്സിക്ക് പുറമേ പൗളോ ഡിബാല, ഗോണ്‍സ്വാലോ മോണ്ടിയല്‍, ജിയോവനി ലൊ സെല്‍സോ എന്നിവരും ഇല്ലാതെയാണ് അര്‍ജന്റീന കിടിലന്‍ ജയം നേടിയത്.
ഗൗതം ഗംഭീറിന് പണിവരുന്നു; സപ്പോര്‍ട്ട് സ്റ്റാഫില്‍ നിന്ന് അഭിഷേക് നായര്‍, ടി ദിലീപ് എന്നിവരെ ഒഴിവാക്കുമെന്ന് റിപോര്‍ട്ട്
എംഎല്‍എസില്‍ കളിയുടെ 57ാം മിനിറ്റില്‍ ലൂയിസ് സുവാരസിന്റെ അസിസ്റ്റില്‍ നിന്നാണ് മെസ്സിയുടെ ഗോള്‍. 23ാം മിനിറ്റില്‍ റോബര്‍ട്ട് ടൈലറിലൂടെയാണ് ഇന്റര്‍മയാമി ആദ്യം ലീഡെടുത്തത്. രണ്ട് ഗോളിന് പിന്നിലായ ഫിലാഡല്‍ഫിയ പിന്നീട് ഗോള്‍ മടക്കിയെങ്കിലും അപ്പോഴേക്കും മയാമി വിജയം ഉറപ്പിച്ചിരുന്നു. 13 പോയിന്റുമായി ലീഗില്‍ ഒന്നാം സ്ഥാനത്ത് തുടരുകയാണ് മയാമി.
രാജസ്ഥാന്‍ റോയല്‍സിന്റെ ഹോം മാച്ചിന് സാറാ അലി ഖാന്റെ നൃത്തം; റിയാന്‍ പരാഗിനെ ക്രൂരമായി ട്രോളി സോഷ്യല്‍ മീഡിയ
പകരക്കാരനായാണ് കളിച്ചതെങ്കിലും ഫിറ്റ്‌നസ് പ്രശ്‌നങ്ങളൊന്നും ഇല്ലെന്ന് വ്യക്തമാക്കുന്നതായിരുന്നു മെസ്സിയുടെ നീക്കങ്ങള്‍. രണ്ട് ലോകകപ്പ് യോഗ്യതാ മല്‍സരങ്ങളില്‍ നിന്ന് വിട്ടുനിന്ന ശേഷമുള്ള മെസ്സിയുടെ ഗംഭീര തിരിച്ചുവരവ് ഇന്റര്‍ മയാമിയെ മാത്രമല്ല, അര്‍ജന്റീന ആരാധകരെയും ആവേശത്തിലാക്കി.
2026ല്‍ യുഎസ്, മെക്‌സിക്കോ, ക്യാനഡ എന്നീ രാജ്യങ്ങള്‍ ഫിഫ ലോകകപ്പിന് സംയുക്ത ആതിഥേയതിവം വഹിക്കുമ്പോള്‍ മെസ്സിക്ക് 38 വയസ്സാവും. കഴിഞ്ഞ കോപ അമേരിക്ക ടൂര്‍ണമെന്റിനിടെ പരിക്ക് അലട്ടിയിരുന്ന മെസ്സിക്ക് അതിന് ശേഷം ഇന്റര്‍ മയാമിയുടെ നിരവധി മല്‍സരങ്ങളാണ് നഷ്ടമായത്. അര്‍ജന്റീനയുടെ ഏതാനും അന്താരാഷ്ട്ര മാച്ചുകളിലും കളിക്കാനായില്ല.
കോപ അമേരിക്ക കിരീടം ചൂടിയ ശേഷം അടുത്ത ഫിഫ ലോകകപ്പില്‍ കളിക്കുമോയെന്ന് ആവര്‍ത്തിച്ച് ചോദിച്ചപ്പോഴും മെസ്സി മനസ് തുറന്നിരുന്നില്ല. അടുത്തിടെ പുറത്തുവരുന്ന റിപോര്‍ട്ടുകള്‍ അനുസരിച്ച് മെസ്സിയും പോര്‍ച്ചുഗല്‍ ഫുട്‌ബോള്‍ ഇതിഹാസം ക്രിസ്റ്റിയാനോ റൊണാള്‍ഡോയും ഒരു ലോകകപ്പില്‍ കൂടി കളിച്ച ശേഷമായിരിക്കും അന്താരാഷ്ട്ര ഫുട്‌ബോളിനോട് വിടചൊല്ലുക.
രചയിതാവിനെക്കുറിച്ച്നിഷാദ് അമീന്‍16 വര്‍ഷമായി മാധ്യമരംഗത്ത് പ്രവര്‍ത്തിക്കുന്നു. കാലിക്കറ്റ് സര്‍വകലാശാലയില്‍ നിന്ന് മാസ് കമ്മ്യൂണിക്കേഷനില്‍ ബിരുദവും കാലിക്കറ്റ് പ്രസ് ക്ലബ്ബില്‍ നിന്ന് ടെലിവിഷന്‍ ജേണലിസത്തില്‍ പിജി ഡിപ്ലോമയും ഇംഗ്ലീഷ് സാഹിത്യത്തില്‍ ബിരുദാനന്തര ബിരുദവും നേടി. ഏഴ് വര്‍ഷം സൗദി അറേബ്യയില്‍ മാധ്യമപ്രവര്‍ത്തകനായിരുന്നു. സൗദിയില്‍ ഇന്ത്യന്‍ മീഡിയ ഫോറത്തിന്റെ ജനറല്‍ സെക്രട്ടറിയായും പ്രവര്‍ത്തിച്ചിട്ടുണ്ട്. സുപ്രഭാതം, മലയാളം ന്യൂസ്, തേജസ് ദിനപത്രങ്ങളില്‍ സീനിയര്‍ സബ് എഡിറ്ററായും ഗള്‍ഫ് ന്യൂസ് എഡിറ്ററായും സീനിയര്‍ റിപോര്‍ട്ടറായും കേരളത്തിലെയും ഗള്‍ഫിലെയും വിവിധ ബ്യൂറോകളിലും എഡിറ്റോറിയല്‍ ഡെസ്‌കിലും ന്യൂഡല്‍ഹി, റിയാദ്, ജിദ്ദ, യുഎഇ എന്നിവിടങ്ങളിലും ജോലിചെയ്തു. ടൈംസ് ഓഫ് ഇന്ത്യയുടെ ഭാഗമായ സമയം മലയാളത്തില്‍ കണ്ടന്റ് പ്രൊഡ്യൂസറാണ്.… കൂടുതൽ വായിക്കുക