ഗോൾഡൻ ചാൻസ് നശിപ്പിച്ച് ക്രിസ്റ്റ്യാനോ റൊണാൾഡോ, അൽ നസറിന് കനത്ത തിരിച്ചടി; ഒരു കിരീട പ്രതീക്ഷ കൂടി അവസാനിച്ചു

Spread the love

Al Nassr FC In AFC Champions League: ക്രിസ്റ്റ്യാനോ റൊണാൾഡോക്കും ( Cristiano Ronaldo ) അൽ നസറിനും കനത്ത തിരിച്ചടി. ഒരു കിരീട പ്രതീക്ഷ കൂടി അവസാനിച്ചു. നിരാശയിൽ ആരാധകർ.

ഹൈലൈറ്റ്:

  • അൽ നസറിന് കനത്ത തിരിച്ചടി
  • ഒരു കിരീട പ്രതീക്ഷ കൂടി അവസാനിച്ചു
  • ക്രിസ്റ്റ്യാനോ റൊണാൾഡോ ആരാധകർ നിരാശയിൽ
ക്രിസ്റ്റ്യാനോ റൊണാൾഡോ
ക്രിസ്റ്റ്യാനോ റൊണാൾഡോ (ഫോട്ടോസ്Samayam Malayalam)

2023 ലാണ് പോർച്ചുഗീസ് ഇതിഹാസ താരം ക്രിസ്റ്റ്യാനോ റൊണാൾഡോ സൗദി പ്രോ ലീഗ് ക്ലബ്ബായ അൽ നസർ എഫ്സിയിൽ എത്തുന്നത്. എന്നാൽ സൗദി ക്ലബ്ബിനൊപ്പം ഒരു മേജർ കിരീടം പോലും താരത്തിന് നേടാൻ സാധിച്ചിട്ടില്ല. 2023 ലെ അറബ് ക്ലബ്ബ് ചാമ്പ്യൻസ് കപ്പാണ് അൽ അലാമി എന്ന് വിളിക്കപ്പെടുന്ന അൽ നസറിനൊപ്പം റോണോ ഇതുവരെ സ്വന്തമാക്കിയത്. 2024-25 സീസണിലും സൗദി പ്രോ ലീഗ് കിരീടം നേടാനുള്ള ടീമിന്റെ സാധ്യതകൾ ഏറെക്കുറെ അവസാനിച്ചു.

എ എഫ് സി ചാമ്പ്യൻസ് ലീഗിലായിരുന്നു ടീമിന് മികച്ച കിരീട സാധ്യതകളുണ്ടായിരുന്നത്. എന്നാൽ ഇപ്പോളിതാ ചാമ്പ്യൻസ് ലീഗിൽ നിന്നും ടീം പുറത്തായിരിക്കുന്നു. ബുധനാഴ്ച രാത്രി നടന്ന മത്സരത്തിൽ ജാപ്പനീസ് ടീമായ കവാസാകിയോട് തോറ്റാണ് അൽ നസർ പുറത്തായത്. ര‌ണ്ടിന് എതിരെ മൂന്ന് ഗോളുകൾക്കായിരുന്നു സൗദി ക്ലബ്ബിന്റെ തോൽവി.

മത്സരത്തിൽ 75 ശതമാനം സമയം പന്ത് കൈവശം വെച്ച് കളിച്ച അൽ നസറായിരുന്നു കൂടുതൽ ഷോട്ടുകൾ തൊടുത്തതും. എന്നാൽ വിജയം മാത്രം അവരിൽ നിന്ന് അകന്നുനിന്നു. മത്സരത്തിന്റെ അവസാന നിമിഷം കളി സമനിലയിലാക്കാനുള്ള സുവർണാവസരം ക്രിസ്റ്റ്യാനോ റൊണാൾഡോക്ക് ലഭിച്ചിരുന്നു. എന്നാൽ താരത്തിന്റെ ഫിനിഷിങ് പിഴച്ചു.

ഗോൾഡൻ ചാൻസ് നശിപ്പിച്ച് ക്രിസ്റ്റ്യാനോ റൊണാൾഡോ, അൽ നസറിന് കനത്ത തിരിച്ചടി; ഒരു കിരീട പ്രതീക്ഷ കൂടി അവസാനിച്ചു

എ എഫ് സി ചാമ്പ്യൻസ് ലീഗിൽ നിന്ന് പുറത്തായതോടെ അൽ നസറിന് ഒപ്പം മേജർ കിരീടത്തിൽ മുത്തമിടാനുള്ള ക്രിസ്റ്റ്യാനോ റൊണാൾഡോയുടെ കാത്തിരിപ്പ് ഇനിയും നീളുമെന്ന് ഉറപ്പായി. 2023 ൽ അൽ നസറുമായി രണ്ടര വർഷ കരാറായിരുന്നു ക്രിസ്റ്റ്യാനോ റൊണാൾഡോ ഒപ്പുവെച്ചത്. ഈ കരാർ 2024-25 സീസണ് ശേഷം അവസാനിക്കുകയാണ്. എന്നാൽ ക്ലബ്ബുമായി റോണോ പുതിയ കരാർ ഒപ്പുവെക്കുമെന്നാണ് സൂചനകൾ.

സഞ്ജുവിന്റെ കാര്യത്തിൽ സുപ്രധാന അപ്ഡേറ്റ് പുറത്തുവിട്ട് രാഹുൽ ദ്രാവിഡ്; രാജസ്ഥാൻ റോയൽസ് ആരാധകർക്ക് നിരാശ
നിലവിൽ 40 കാരനായ റോണോ രണ്ട് വർഷ കരാറിൽ അൽ നസറുമായി ഒപ്പുവെക്കുമെന്നാണ് റിപ്പോർട്ട്. 2024-25 സീസണിൽ 38 കളികളിൽ നിന്ന് 33 ഗോളുകളും നാല് അസിസ്റ്റുകളുമാണ് താരത്തിന്റെ സമ്പാദ്യം. ഇത്തവണത്തെ സൗദി പ്രോ ലീഗിൽ 23 ഗോളുകൾ നേടി ഉയർന്ന ഗോൾവേട്ടക്കാരനും റോണോ തന്നെ.

2024-25 സീസൺ സൗദി പ്രോ ലീഗിൽ നിലവിൽ മൂന്നാം സ്ഥാനത്താണ് അൽ നസർ. 29 കളികളിൽ 60 പോയിന്റാണ് ടീമിന്റെ സമ്പാദ്യം. 18 കളികളിൽ ജയവും ആറ് കളികളിൽ സമനിലയും നേടിയ അൽ നസർ, അഞ്ച് കളികളിലാണ് പരാജയപ്പെട്ടത്. അൽ ഇത്തിഹാദാണ് നിലവിൽ സൗദി ലീഗിൽ ഒന്നാം സ്ഥാനത്ത്. 29 കളികളിൽ 68 പോയിന്റാണ് ടീമിന്റെ സമ്പാദ്യം. 29 കളികളിൽ 62 പോയിന്റുള്ള അൽ ഹിലാലാണ് മൂന്നാം സ്ഥാനത്ത്.

2026 ജപ്പാന്‍ ഏഷ്യന്‍ ഗെയിംസില്‍ ക്രിക്കറ്റ് ഉള്‍പ്പെടുത്തും; ഇന്ത്യന്‍ ടീമിന് സുവര്‍ണാവസരം
സൗദി ലീഗ് പോയിന്റ് പട്ടികയിലെ ഒന്നാം സ്ഥാനക്കാരായ അൽ ഇത്തിഹാദിന് എതിരെയാണ് അൽ നസറിന്റെ അടുത്ത മത്സരം. മെയ് ഏഴിനാണ് ഈ പോരാട്ടം നടക്കുക. നിലവിൽ ഉജ്ജ്വല ഫോമിലുള്ള അവർക്ക് എതിരായ പോരാട്ടം ക്രിസ്റ്റ്യാനോക്കും ടീമിനും ഒട്ടും എളുപ്പമാകില്ല.

ഗോകുൽ എസ്

രചയിതാവിനെക്കുറിച്ച്ഗോകുൽ എസ്ഗോകുൽ എസ്- സമയം മലയാളത്തിൽ ഡിജിറ്റൽ കണ്ടൻ്റ് പ്രൊഡ്യൂസർ. സ്പോർട്സ് ഇഷ്ട വിഷയം. ഇന്ത്യൻ സൂപ്പർ ലീഗ്, സന്തോഷ് ട്രോഫി അടക്കം വിവിധ ടൂർണമെന്റുകൾ റിപ്പോർട്ട് ചെയ്തിട്ടു‌ണ്ട്. 2017 മുതൽ മാധ്യമ പ്രവർത്തന രംഗത്ത് സജീവം. ഇടക്കാലത്ത് അധ്യാപകനായും ജോലി ചെയ്തു‌.കൂടുതൽ വായിക്കുക



Source by [author_name]

Facebook Comments Box

Leave a Reply

Your email address will not be published. Required fields are marked *

error: Content is protected !!