ഐപിഎൽ 2025 സീസണിൽ പ്ലേ ഓഫ് ഉറപ്പിച്ച നാല് ടീമുകളാണ് ഗുജറാത്ത് ടൈറ്റൻസ് , പഞ്ചാബ് കിങ്‌സ് , റോയൽ ചലഞ്ചേഴ്‌സ് ബെംഗളൂരു, മുംബൈ ഇന്ത്യൻസ് എന്നിവർ. ഇനി ഈ സീസണിൽ ഒരേ ഒരു മത്സരം മാത്രമാണ് ഇവർക്ക് ബാക്കിയുള്ളത്. എന്നാൽ ഈ മത്സരങ്ങളിൽ ജയിച്ചാൽ മാത്രമേ ആ ഗോൾഡൻ ചാൻസ് ലഭിക്കുകയുള്ളു.
ടേബിൾ ടോപിലെത്താൻ പഞ്ചാബിനും സാധിച്ചില്ല; ഡൽഹിയുടെ തന്ത്രം ഫലിച്ചു; ജയിച്ചുകൊണ്ടു സീസൺ അവസാനിപ്പിച്ച് ഡൽഹി ക്യാപിറ്റൽഅതേസമയം കഴിഞ്ഞ ദിവസം പഞ്ചാബ് പരാജയപ്പെട്ടതോടെ ഐപിഎൽ 2025 പോയിന്റ് പട്ടികയിൽ ആദ്യ രണ്ട് സ്ഥാനത്തേക്ക് മത്സരിക്കാൻ 4 ടീമുകൾക്കും ഒരു അവസരം കൂടി ലഭിച്ചിരിക്കുകയാണ്. ഇത് എങ്ങനെ എന്ന് പരിശോധിക്കാം. അതിന് മുൻപ് പോയിന്റ് പട്ടികയിൽ ആദ്യ രണ്ട് സ്ഥാനത്ത് ഫിനിഷ് ചെയ്‌താലുള്ള ഗുണങ്ങൾ എന്തൊക്കെയെന്ന് നോക്കാം.
ആ ഗോൾഡൻ ചാൻസിനായി ഇനി വാശിയേറിയ പോരാട്ടം; ജയിച്ചാൽ മാത്രം പോര; മറ്റു ചില കാര്യങ്ങളും നിർണായകം
ആദ്യ 4 സ്ഥാനങ്ങളിൽ എത്തി പ്ലേ ഓഫ് ഉറപ്പിച്ച ക്വാളിഫയർ ടീമുകളാണ് ഗുജറാത്ത് ടൈറ്റൻസ് , പഞ്ചാബ് കിങ്‌സ് , റോയൽ ചലഞ്ചേഴ്‌സ് ബെംഗളൂരു , മുംബൈ ഇന്ത്യൻസ്. യഥാക്രമം 18 , 17 , 17 ,16 എന്നീ പോയിന്റുകളാണ് ഇവർക്കുള്ളത്. ഇനി ഗ്രൂപ്പ് ഘട്ടത്തിലെ മത്സരങ്ങൾ അവസാനിച്ച് ആദ്യ രണ്ട് സ്ഥാനം ഉറപ്പിക്കുന്ന ടീമുകൾക്ക് ലഭിക്കുന്ന ഗോൾഡൻ ചാൻസ് എന്തെന്നാൽ, ഇവർക്ക് ഫൈനലിലേക്കുള്ള കടമ്പ വളരെ ലളിതമായിരിക്കും.
ഗ്രൂപ്പ് മത്സരങ്ങൾ കഴിഞ്ഞാൽ ക്വാളിഫയർ ടീമുകൾ പരസ്പ്പരം ഏറ്റുമുട്ടാൻ തുടങ്ങും. മെയ് 29 ന് ആദ്യം നടക്കുന്ന ക്വാളിഫയർ പോരാട്ടത്തിൽ ഏറ്റുമുട്ടുക പോയിന്റ് ടേബിളിലെ ഒന്നും രണ്ടും സ്ഥാനങ്ങളിൽ ഉള്ളവരാണ്. ഇതിൽ ജയിക്കുന്ന ടീമിന് നേരെ ഫൈനലിൽ എത്താൻ സാധിക്കുകയും അതോടൊപ്പം തോൽക്കുന്ന ടീം എത്തുക സെമി ഫൈനലിലേക്കും ആയിരിക്കും. ശേഷം മെയ് 30ന് എലിമിനേറ്റർ മത്സരം നടക്കും. ഇതിൽ ഏറ്റുമുട്ടുക 3 , 4 സ്ഥാനങ്ങളിൽ ഉള്ള ടീമുകൾ ആയിരിക്കും. ഇതിൽ ജയിക്കുന്ന ടീം സെമിയിൽ എത്തുകയും പരാജയപ്പെടുന്ന ടീം പുറത്താവുകയും ചെയ്യും.
ഈ കാരണങ്ങൾ കൊണ്ടാണ് പോയിന്റ് ടേബിളിലെ ആദ്യ രണ്ട് സ്ഥാനങ്ങൾക്കായി 4 ടീമുകളും പൊരുതുന്നത്. ഇനി ആദ്യ രണ്ട് സ്ഥാനങ്ങളിൽ എത്താൻ ഉള്ള 4 ടീമുകളുടെയും സാധ്യത പരിശോധിക്കാം.
ഗുജറാത്ത് ടൈറ്റൻസിന്റെ സാധ്യത
ഐപിഎൽ 2025 പോയിന്റ് പട്ടികയിൽ നിലവിൽ ഒന്നാം സ്ഥാനത്തുള്ള ടീം ആണ് ശുഭ്മാൻ ഗിൽ നയിക്കുന്ന ഗുജറാത്ത് ടൈറ്റൻസ്. 13 മത്സരങ്ങളിൽ നിന്ന് 9 ജയവുമായി 18 പോയിന്റ് ആണ് ടീമിന് ലഭിച്ചത്. ഇന്ന് ചെന്നൈ സൂപ്പർ കിങ്‌സുമായി നടക്കുന്ന മത്സരത്തിൽ ജയിച്ചാൽ 20 പോയിന്റ് നേടി പോയിന്റ് പട്ടികയിലെ ഒന്നാം സ്ഥാനം നിലനിർത്താൻ സാധിക്കും.
എന്നാൽ പരാജപെട്ടാൽ മറ്റു ടീമുകളുടെ ജയ പരാജയങ്ങൾ ഗുജറാത്തിന്റെ ടേബിളിലെ സ്ഥാനം മാറ്റി മറിക്കാൻ സാധ്യത കൂടുതലാണ്. അതുകൊണ്ടു തന്നെ സ്ഥാനം ഉറപ്പിക്കാൻ ഇന്ന് നടക്കുന്ന മത്സരത്തിൽ ജയം ഉറപ്പിക്കുക എന്നതാണ് ഗുജറാത്തിന്റെ ഒരേ ഒരു വഴി.
പഞ്ചാബ് കിങ്സിന്റെ സാധ്യത
13 മത്സരങ്ങളിൽ 8 ജയവുമായി 17 പോയിന്റ് നേടി ടീബിളിൽ രണ്ടാം സ്ഥാനത്ത് നിലനിൽക്കുന്ന ടീം ആണ് പഞ്ചാബ്. ഇനി മുംബൈ ഇന്ത്യൻസുമായുള്ള മത്സരം മാത്രമാണ് പഞ്ചാബിന് ബാക്കിയുള്ളത്. ഈ മത്സരത്തിൽ ജയിച്ചാൽ മാത്രമേ പോയിന്റ് പട്ടികയിൽ രണ്ടാം സ്ഥാനത്ത് എത്തുകയുള്ളൂ. ഇല്ല എങ്കിൽ മൂന്നാം സ്ഥാനത്തേക്കോ നാലാം സ്ഥാനത്തേക്കോ തഴയപ്പെടും.
റോയൽ ചലഞ്ചേഴ്‌സ് ബെംഗളൂരുവിന്റെ സാധ്യത
സീസണിലെ പതിമൂന്നാം മത്സരത്തിൽ സൺറൈസേഴ്‌സ് ഹൈദരാബാദിനോട് തോറ്റതാണ് ബെംഗളുരുവിനെ മൂന്നാം സ്ഥാനത്തേക്ക് എത്തിച്ചത്. 17 പോയിന്റുള്ള ബെംഗളുരുവിന് നെറ്റ് റൺ റേറ്റ് കുറവായതുകൊണ്ടാണ് 17 പോയിന്റുള്ള പഞ്ചാബ് രണ്ടാം സ്ഥാനത്തേക്ക് എത്തിയതും ബെംഗളൂരു മൂന്നിലേക്ക് തഴയപ്പെട്ടതും.
ഇനി പോയിന്റ് ടേബിളിലെ ആദ്യ രണ്ട് സ്ഥാനങ്ങളിൽ എത്തണം എങ്കിൽ ബെംഗളുരുവിന് അടുത്ത കളിയിൽ ജയിച്ചാൽ മാത്രം പോര. പഞ്ചാബിനെക്കാൾ ഉയർന്ന റൺ റേറ്റിൽ ജയിക്കുകയോ അല്ലങ്കിൽ പഞ്ചാബ് തോൽക്കുകയോ ചെയ്യണം. എങ്കിൽ മാത്രമേ രണ്ടാം സ്ഥാനം നേടാൻ സാധിക്കുകയുള്ളു. ഇനി ഒന്നാം സ്ഥാനത്തേക്ക് എത്തണം എങ്കിൽ അവിടെ ഗുജറാത്തിന്റെ തോൽവി അനിവാര്യമാണ്.
മുംബൈ ഇന്ത്യൻസിന്റെ സാധ്യത
ഐപിഎൽ 2025 സീസണിൽ ഏവരെയും ഞെട്ടിച്ച ഒരു തിരിച്ചുവരവാണ് മുംബൈ ഇന്ത്യൻസിന്റേത്. പോയിന്റ് ടേബിളിൽ സീസണിന്റെ തുടക്കത്തിൽ താഴെത്തട്ടിൽ കിടന്ന ടീം പിന്നീട് തുടർച്ചയായ 6 മത്സരങ്ങൾ ജയിച്ച് പ്ലേ ഓഫ് സാധ്യത നിലനിർത്തി.
ഏറ്റവും ഒടുവിൽ ഡൽഹിയെ പ്ലേ ഓഫ് സാധ്യതയിൽ നിന്ന് പുറത്താക്കി മുംബൈ പ്ലേ ഓഫ് ഉറപ്പിക്കുകയും ചെയ്‌തു. എന്നാൽ ആദ്യ രണ്ട് സ്ഥാനങ്ങളിലേക്ക് എത്തുക എന്നത് അൽപ്പം ബുദ്ധിമുട്ടാണ്. കാരണം സീസണിലെ അവസാന ഗ്രൂപ്പ് മത്സരത്തിൽ ജയിച്ചാൽ മാത്രം പോര ബെംഗളൂരു കൂടി അവസാന മത്സരത്തിൽ തോറ്റാൽ മാത്രമേ മുംബൈയ്ക്ക് രണ്ടാം സ്ഥാനം ഉറപ്പിക്കാൻ സാധിക്കുകയുള്ളു.
ഇനി ഒന്നാം സ്ഥാനം നേടണമെങ്കിൽ ഗുജറാത്ത് കൂടി പരാജയപ്പെടണം. അങ്ങനെ വന്നാൽ മുംബൈയ്ക്കും ഗുജറാത്തിനും 18 പോയിന്റ് വീതം ആയിരിക്കും ഉണ്ടാകുക. എന്നാൽ നെറ്റ് റൺ റേറ്റ് മറ്റാരേക്കാളും കൂടുതലുള്ള ടീം ആണ് മുംബൈ എന്നതുകൊണ്ട് മുംബൈക്ക് ഒന്നാം സ്ഥാനത്ത് ഫിനിഷ് ചെയ്യാൻ സാധിക്കും.
പഞ്ചാബുമായി ആണ് സീസണിലെ അവസാന മത്സരം. ഇരു ടീമുകളും ആദ്യ രണ്ട് സ്ഥാനത്തേക്കുള്ള പോരാട്ടം നടത്തുന്നതിൽ ടൂർണമെന്റിലെ കിടിലൻ പ്രകടനം ആയിരിക്കും അന്ന് കാണാൻ സാധിക്കുക എന്ന് ഉറപ്പാണ്.