Also Read: ‘കെട്ടിപ്പിടിച്ച്’ കവര്‍ച്ച നടത്തും, ലക്ഷ്യം വയോധികരായ പുരുഷന്മാരെ, സ്ത്രീ പിടിയില്‍
കഞ്ഞിക്കുഴി പോലീസ് സ്‌റ്റേഷന്‍ അതിര്‍ത്തിയിലുള്ള സ്‌കൂളില്‍ വെച്ചാണ് വിദ്യാര്‍ഥികള്‍ക്ക് നേരെ അധ്യാപകന്‍ ഹരി ആര്‍ വിശ്വനാഥ് ലൈംഗികാതിക്രമം നടത്തിയത്. പെണ്‍കുട്ടികള്‍ വസ്ത്രം മാറുന്ന സ്ഥലത്ത് ഇയാള്‍ പലതവണ ഒളിഞ്ഞു നോക്കുകയും ഇത് ചോദ്യം ചെയ്ത കുട്ടിയോട് ലൈംഗിക ചുവയോടെ സംസാരിക്കുകയും ശല്യപ്പെടുത്തുകയും ചെയ്തു. കൂടാതെ, മറ്റൊരു കുട്ടിയെ കടന്നുപിടിക്കുകയും ചെയ്തു. ഓഗസ്റ്റ് 12 മുതല്‍ 18 വരെയാണ് സ്‌കൂളില്‍ എന്‍എസ്എസ് ക്യാമ്പ് നടന്നത്.
ഓഗസ്റ്റ് 20 നാണ് സംഭവം പുറംലോകം അറിയുന്നത്. തുടര്‍ന്ന് കുട്ടികളുടെ മൊഴി രേഖപ്പെടുത്തുകയും രണ്ടു കേസുകള്‍ കഞ്ഞിക്കുഴി പോലീസ് രജിസ്റ്റര്‍ ചെയ്യുകയും ചെയ്തു. പോക്‌സോ അടക്കമുള്ള വകുപ്പുകള്‍ ചുമത്തിയാണ് ഇയാള്‍ക്കെതിരെ കേസെടുത്തത്.
ഇടുക്കി ജില്ലയിലെ മുഴുവൻ വാ‍ര്‍ത്തകളും ഒറ്റ ക്ലിക്കിൽ ഇവിടെ വായിക്കാം
ഇതിനുപിന്നാലെ ഹരി മുന്‍കൂര്‍ ജാമ്യത്തിനായി ഹൈക്കോടതിയെ സമീപിച്ചു. ഇതില്‍ ഒരു കേസില്‍ ജാമ്യം അനുവദിക്കുകയും രണ്ടാമത്തേതില്‍ പത്തു ദിവസത്തിനുള്ളില്‍ അന്വേഷണ ഉദ്യോഗസ്ഥനു മുന്നില്‍ ഹാജരാകാനും ഹൈക്കോടതി നിര്‍ദേശിക്കുകയും ചെയ്തു.
തൊടുപുഴ പോക്‌സോ കോടതിയാണ് അധ്യാപകനെ 14 ദിവസത്തേക്ക് റിമാന്‍ഡ് ചെയ്തത്. കേസ് ഒതുക്കിത്തീര്‍ക്കാന്‍ സഹപാഠികളില്‍ ഒരാളോട് അധ്യാപകന്‍ അപേക്ഷിക്കുന്ന ശബ്ദ സന്ദേശവും പുറത്തുവന്നിരുന്നു.
Read Latest Local News and Malayalam News
സാഹിത്യത്തിനുള്ള നൊബേൽ പുരസ്കാരം ഫ്രഞ്ച് എഴുത്തുകാരി അനീ എർനുവിന്