2025 സീസൺ ഇന്ത്യൻ പ്രീമിയർ ലീഗിൽ ( IPL 2025 ) രാജസ്ഥാൻ റോയൽസിന്റെ വജ്രായുധമാകാൻ പുതിയ താരം. പരിശീലനത്തിൽ താരം നടത്തിയത് വെടിക്കെട്ട്. ത്രില്ലടിച്ച് ആരാധകർ.
ഹൈലൈറ്റ്:
- രാജസ്ഥാൻ റോയൽസിന് പ്രതീക്ഷയായി പുതിയ താരം
- പരിശീലനത്തിൽ വെടിക്കെട്ട് നടത്തി താരം ഞെട്ടിച്ചു
- വരും സീസണിൽ രാജസ്ഥാന് ഈ താരത്തിൽ വലിയ പ്രതീക്ഷകൾ
പരിശീലനത്തിൽ വൈഭവ് സൂര്യവംശി തന്റെ കരുത്തും ക്ലാസും വ്യക്തമാക്കുന്ന ബാറ്റിങ്ങാണ് കാഴ്ച വെച്ചത്. ഇതിന്റെ വീഡിയോ രാജസ്ഥാൻ റോയൽസ് തന്നെയാണ് പുറത്തുവിട്ടത്. കൂറ്റൻ ഷോട്ടുകൾ കളിക്കാൻ തനിക്കുള്ള മികവ് പരിശീലന സെഷനിൽ രാജസ്ഥാൻ റോയൽസ് പരിശീലകർക്ക് മുൻപിൽ വൈഭവ് തെളിയിച്ചുകഴിഞ്ഞു.
Also Read: രാജസ്ഥാൻ റോയൽസിന് ഇത്തവണ രണ്ട് ഹോം ഗ്രൗണ്ടുകൾ, ടീമിന് രണ്ട് മത്സരങ്ങളുള്ളത് ഈ അഞ്ച് ടീമുകൾക്ക് എതിരെ
വൈഭവിന്റെ പ്രകടനത്തിൽ ബാറ്റിങ് പരിശീലകൻ വിക്രം റാത്തോറും, മുഖ്യ പരിശീലകൻ രാഹുൽ ദ്രാവിഡും അതീവ സന്തുഷ്ടരാണെന്നാണ് റിപ്പോർട്ടുകൾ. ഇതോടെ ഐപിഎൽ 2025 ൽ വൈഭവിന് രാജസ്ഥാന്റെ പ്ലേയിങ് ഇലവനിൽ ഇടം ലഭിക്കാനുള്ള സാധ്യതകൾ കൂടി. നേരത്തെ ഇതിന് മുന്നെയും രാജസ്ഥാൻ റോയൽസ് ക്യാമ്പിൽ വൈഭവ് വെടിക്കെട്ട് ബാറ്റിങ് നടത്തുന്ന വീഡിയോ വൈറലായിരുന്നു.
നിലവിൽ ലഭിക്കുന്ന സൂചനകൾ പ്രകാരം സഞ്ജു സാംസണും യശസ്വി ജയ്സ്വാളുമാകും 2025 സീസൺ ഇന്ത്യൻ പ്രീമിയർ ലീഗിൽ രാജസ്ഥാൻ റോയൽസിന്റെ ഓപ്പണർമാരാവുക. എന്നാൽ ഇവരിൽ ആർക്കെങ്കിലും കളിക്കാനാവാത്ത സാഹചര്യം വരുകയാണെങ്കിൽ വൈഭവിനെ ഓപ്പണിങ്ങിൽ ടീം പരീക്ഷിച്ചേക്കും.
മൂന്നാം നമ്പരിൽ താരം കളിക്കാനുള്ള സാധ്യതയും തള്ളിക്കളയാനാവില്ല. ഈ സീസണിൽ കളിക്കാൻ ഇറങ്ങിയാൽ ഐപിഎല്ലിൽ അരങ്ങേറ്റം കുറിക്കുന്ന ഏറ്റവും പ്രായം കുറഞ്ഞ താരമായും വൈഭവ് സൂര്യവംശി മാറും. നിലവിൽ യൂത്ത് ക്രിക്കറ്റിൽ സെഞ്ചുറി നേടുന്ന ഏറ്റവും പ്രായം കുറഞ്ഞ താരമെന്ന റെക്കോഡ് സൂര്യവംശിക്ക് അവകാശപ്പെട്ടതാണ്.
2025 സീസൺ ഐപിഎല്ലിൽ രാജസ്ഥാൻ റോയൽസിന്റെ സ്ക്വാഡ് ഇങ്ങനെ: സഞ്ജു സാംസൺ ( ക്യാപ്റ്റൻ / വിക്കറ്റ് കീപ്പർ ), ശുഭം ദുബെ, വൈഭവ് സൂര്യവംശി, കുനാൽ റാത്തോർ, ഷിംറോൺ ഹെറ്റ്മെയർ, യശസ്വി ജയ്സ്വാൾ, ധ്രുവ് ജൂറൽ, റിയാൻ പരാഗ്, നിതീഷ് റാണ, യുധ്വിർ സിങ്, മഹീഷ് തീക്ഷണ, വനിന്ദു ഹസരംഗ, ആകാശ് മധ്വാൽ, കുമാർ കാർത്തികേയ, തുഷാർ ദേഷ്പാണ്ടെ, ഫസൽഹഖ് ഫാറൂഖി, ക്വെന മഫാക്ക, അശോക് ശർമ, സന്ദീപ് ശർമ.
രചയിതാവിനെക്കുറിച്ച്ഗോകുൽ എസ്ഗോകുൽ എസ്- സമയം മലയാളത്തിൽ ഡിജിറ്റൽ കണ്ടൻ്റ് പ്രൊഡ്യൂസർ. സ്പോർട്സ് ഇഷ്ട വിഷയം. ഇന്ത്യൻ സൂപ്പർ ലീഗ്, സന്തോഷ് ട്രോഫി അടക്കം വിവിധ ടൂർണമെന്റുകൾ റിപ്പോർട്ട് ചെയ്തിട്ടു‌ണ്ട്. 2017 മുതൽ മാധ്യമ പ്രവർത്തന രംഗത്ത് സജീവം. ഇടക്കാലത്ത് അധ്യാപകനായും ജോലി ചെയ്തു.… കൂടുതൽ വായിക്കുക