കിടിലൻ നീക്കത്തിന് ഒരുങ്ങി ഗൗതം ഗംഭീർ, ഇന്ത്യ എ ടീമിനൊപ്പം ഇംഗ്ലണ്ടിലേക്ക്; പിന്നിൽ ഈ കാരണങ്ങൾ

ടൈംസ് ഓഫ് ഇന്ത്യയുടെ റിപ്പോർട്ട് അനുസരിച്ച്, ജൂണിൽ സീനിയർ ടീമിൻ്റെ അഞ്ച് മത്സര ടെസ്റ്റ് പരമ്പരയ്ക്ക് മുന്നോടിയായി ഇംഗ്ലണ്ടിലേക്ക് പോകുന്ന ഇന്ത്യ എ ടീമിനൊപ്പം യാത്ര ചെയ്യാൻ ഗൗതം ഗംഭീർ തീരുമാനിച്ചു. ഇന്ത്യ എ, അണ്ടർ 19 ടീമുകൾക്കായി ഇന്ത്യയ്ക്ക് ഒരു നിയുക്ത പരിശീലകനില്ല, അതിനാൽ, ഈ റോൾ ഏറ്റെടുക്കാൻ ഗംഭീർ മുന്നോട്ടു വന്നേക്കും.

Also Read: ഇന്ത്യയുടെ ആ നീക്കം വൻ വിജയം, ചാമ്പ്യൻസ് ട്രോഫിയിൽ കെഎൽ രാഹുൽ തകർത്തത് കോഹ്ലിയുടെ കിടിലൻ റെക്കോഡ്

സാധാരണയായി, ദേശീയ ക്രിക്കറ്റ് അക്കാദമി (എൻസിഎ) ഡയറക്‌ടറാണ് ഇത്തരം പര്യടനങ്ങളിൽ മുഖ്യ പരിശീലകൻ്റെ റോളിൽ ടീമിനൊപ്പം പോകുക. റിസർവ് കളിക്കാരുടെ കരുത്തറിയാനാണ് ഗംഭീർ ഈ നീക്കത്തിനൊരുങ്ങുന്നത് എന്നാണ് റിപ്പോർട്ടിൽ നിന്ന് വ്യക്തമാകുന്നത്. ഹർഷിത് റാണ, വരുൺ ചക്രവർത്തി എന്നിവരെ പോലെ ഇന്ത്യൻ ടീമിലേക്ക് വൈൽഡ് കാർഡ് എൻട്രി നല്കാൻ പ്രാപ്തരായ കളിക്കാരെ തിരഞ്ഞെടുക്കുക എന്നതാണ് പ്രധാന ലക്ഷ്യം.

Also Read: രോഹിത് ശർമക്ക് കോളടിച്ചു, ഐസിസി റാങ്കിങ്ങിൽ കിടിലൻ മുന്നേറ്റം; വിരാട് കോഹ്ലിക്ക് പക്ഷേ തിരിച്ചടി

റിസർവ് പൂളിൻ്റെ കരുത്തറിയേണ്ടത് അത്യാവശ്യമാണെന്നതിനാൽ ഇന്ത്യ ‘എ’ ടീമിനൊപ്പം പോകാൻ ഗംഭീർ ആഗ്രഹം പ്രകടിപ്പിച്ചിട്ടുണ്ട് എന്നാണ് ബിസിസിഐ വൃത്തങ്ങൾ പറയുന്നത്. നേരത്തെ ഗംഭീറിന്റെ ആവശ്യപ്രകാരം ഏകദിന ടീമിൽ എടുത്ത ഹർഷിത് റാണയും വരുൺ ചക്രവർത്തിയും ചാമ്പ്യൻസ് ട്രോഫി സ്വന്തമാക്കാൻ മികച്ച സംഭാവനകൾ നൽകിയിരുന്നു. അതിനാൽ ഗംഭീറിന്റെ വാക്കുകൾ കേൾക്കാൻ ബിസിസിഐ നിർബന്ധിതരാകുമെന്നാണ് കരുതപ്പെടുന്നത്