ഐപിഎല്ലിലെ ആദ്യ കളിക്കുള്ള ചെന്നൈ സൂപ്പർ കിങ്സ് പ്ലേയിങ് ഇലവൻ എങ്ങനെ; സാധ്യതകൾ നോക്കാം

ക്യാപ്റ്റൻ റുതുരാജ് ഗെയിക്ക്വാദും ന്യൂസിലൻഡ് താരം ഡെവോൺ കോൺവെയും ചേർന്നാകും 2025 സീസൺ ഐപിഎല്ലിലെ ആദ്യ മത്സരത്തിൽ ചെന്നൈ സൂപ്പർ കിങ്സിന്റെ ബാറ്റിങ് ഓപ്പൺ ചെയ്യുക. മുൻസീസണുകളിൽ മികച്ച പ്രകടനം കാഴ്ച വെച്ച കൂട്ടുകെട്ടാണിത്. രാഹുൽ ത്രിപാതിയും, ശിവം ദുബെയും, ദീപക് ഹൂഡയുമാകും മധ്യനിരയിലെ താരങ്ങൾ. ഇതിൽ ത്രിപാതിയും, ഹൂഡയും മെഗാ താരലേലത്തിലൂടെ ഇത്തവണ ചെന്നൈയിൽ എത്തിയ താരങ്ങളാണ്.

Also Read: ഹാർദിക്കും ബുംറയും പുറത്ത്, അർജുൻ ടെണ്ടുൽക്കർ കളിക്കും; മുംബൈ ഇന്ത്യൻസിന്റെ പ്ലേയിങ് ഇലവൻ സാധ്യതകൾ ഇങ്ങനെ

വിക്കറ്റ് കീപ്പറായി മഹേന്ദ്ര സിങ് ധോണി തന്നെ ആദ്യ മത്സരത്തിൽ കളിക്കുമെന്നാണ് കരുതപ്പെടുന്നത്. ഓൾ റൗണ്ടർമാരായി രവീന്ദ്ര ജഡേജ, സാം കറൻ എന്നിവർ പ്ലേയിങ് ഇലവനിൽ ഉൾപ്പെട്ടേക്കും. ശ്രീലങ്കൻ പേസറായ മതീഷ പതിരാനയാകും ആദ്യ കളിയിൽ ചെന്നൈയുടെ പേസ് നിരയെ നയിക്കുക. ഇതിന് പുറമെ സ്പിന്നർമാരായി ആർ അശ്വിനും അഫ്ഗാനിസ്താന്റെ നൂർ അഹമ്മദും ഇറങ്ങിയേക്കും.

Also Read: ഐപിഎല്ലിന് മുൻപ് മുംബൈ ഇന്ത്യൻസിന് എട്ടിന്റെ പണി; ജസ്പ്രിത് ബുംറക്ക് സീസണിലെ ആദ്യ മത്സരങ്ങൾ നഷ്ടമാകും

ചെന്നൈയുടെ സാധ്യത പ്ലേയിങ് ഇലവൻ: ഡെവോൺ കോൺവെ, റുതുരാജ് ഗെയിക്ക്വാദ്, രാഹുൽ ത്രിപാതി, ശിവം ദുബെ, ദീപക് ഹൂഡ, എം എസ്‌ ധോണി, രവീന്ദ്ര ജഡേജ, സാം കറൻ, ആർ അശ്വിൻ, നൂർ അഹമ്മദ്, മതീഷ പതിരാന.