ഓസ്ട്രേലിയയിലെ മോശം പ്രകടനത്തിന് ശേഷം രോഹിത് ശര്‍മ (Rohit Sharma) തന്റെ ടെസ്റ്റ് ഭാവി സംബന്ധിച്ച് തീരുമാനമെടുത്തിരുന്നതായി റിപോര്‍ട്ട്. സിഡ്‌നിയില്‍ അഞ്ചാം ടെസ്റ്റില്‍ നിന്ന് ടീം ക്യാപ്റ്റനായ രോഹിത് പ്ലെയിങ് ഇലവനില്‍ ഇല്ലാതിരുന്നത് വലിയ ചര്‍ച്ചയായിരുന്നു.
ഹൈലൈറ്റ്:
- വിരാട് കോഹ്‌ലി വീണ്ടും ക്യാപ്റ്റനാവാന്‍ സാധ്യത
- ഓസ്ട്രേലിയയില് ഇന്ത്യ 3-1ന് പരമ്പര തോറ്റു
- രോഹിത് അഞ്ച് ഇന്നിങ്‌സുകളില്‍ നേടിയത് 31 റണ്‍സ്
രോഹിത് ശര്‍മ ടെസ്റ്റ് ക്രിക്കറ്റില്‍ നിന്ന് വിട്ടുനില്‍ക്കാന്‍ ഉദ്ദേശിച്ചിരുന്നതായി വെളിപ്പെടുത്തല്‍; തീരുമാനം ഈ സംഭവത്തിന് ശേഷം
രോഹിത് ശര്‍മയുടെ നേതൃത്വത്തിലുള്ള ഇന്ത്യന്‍ ടീമിന് ഓസ്ട്രേലിയയില് മികവ് പ്രകടിപ്പിക്കാന്‍ സാധിച്ചിരുന്നില്ല. അഞ്ച് മത്സരങ്ങളുള്ള പരമ്പര 3-1ന് തോറ്റു. ജയിച്ച ഒരു മല്‍സരത്തില്‍ ഇന്ത്യയെ നയിച്ചത് രോഹിതിന് പകരം ജസ്പ്രീത് ബുംറ ആയിരുന്നു. ഇന്ത്യ തോറ്റ രണ്ട്, മൂന്ന് ടെസ്റ്റുകളില്‍ രോഹിത് ആയിരുന്നു ക്യാപ്റ്റന്. ബുംറയുടെ നേതൃത്വത്തില്‍ അവസാന മത്സരത്തിലായിരുന്നു ഇന്ത്യയുടെ മൂന്നാമത്തെ തോല്‍വി. പരമ്പരയില്‍ വ്യക്തിപരമായ പ്രകടനം തീര്‍ത്തും നിരാശാജനകമായത് രോഹിതിന് വലിയ ക്ഷീണമായിരുന്നു.
ഇന്ത്യന്‍ ടീം പിന്നീട് സ്വന്തം നാട്ടില്‍ ഇംഗ്ലണ്ടിനെതിരായ ഏകദിന പരമ്പരയും ദുബായില്‍ ചാമ്പ്യന്‍സ് ട്രോഫി ഏകദിന പരമ്പരയും വിജയിച്ചു. ഈ രണ്ട് ഏകദിന ഇവന്റുകളിലും ഇന്ത്യയെ നയിച്ചത് രോഹിത് ആയിരുന്നു. വ്യക്തിഗത പ്രകടനവും ഗംഭീരമാക്കാന്‍ ക്യാപ്റ്റന് സാധിച്ചു.
ഐപിഎല്‍ 2025 ഉദ്ഘടനം ചെയ്ത് ഷാരൂഖ് ഖാന്‍; മനംകവര്‍ന്ന് ശ്രേയ ഘോഷാലും ദിഷ പട്ടാനിയും
ഓസ്ട്രേലിയയില് രോഹിത് അഞ്ച് ഇന്നിങ്‌സുകളില്‍ നിന്ന് 6.20 ശരാശരിയില്‍ 31 റണ്‍സ് മാത്രമാണ് നേടിയത്. 2025 ചാമ്പ്യന്‍സ് ട്രോഫിയില്‍ രോഹിത് മികച്ച തിരിച്ചുവരവ് നടത്തി. ഇന്ത്യയെ കിരീട വിജയത്തിലേക്ക് നയിച്ചു. ഐപിഎല്ലിന് ശേഷം നടക്കുന്ന ഇംഗ്ലണ്ട് പര്യടനത്തില്‍ രോഹിത് ഇന്ത്യയെ നയിക്കുമോയെന്ന് കണ്ടറിയണം.
വനിതാ ക്രിക്കറ്റ് ലോകകപ്പ് 2025 ആതിഥേയ വേദിയായി തിരുവനന്തപുരവും; ഉദ്ഘാടനം വിശാഖപട്ടണത്ത്
ഇംഗ്ലണ്ട് പര്യടനത്തില്‍ മുന്‍ ഇന്ത്യന്‍ ക്യാപ്റ്റന് വിരാട് കോഹ്‌ലി (Virat Kohli) ടെസ്റ്റ് നായക സ്ഥാനത്ത് തിരിച്ചെത്തിയേക്കുമെന്ന് ഇന്ത്യ ടുഡേ റിപോര്‍ട്ട് ചെയ്തു. പെര്‍ത്ത് ടെസ്റ്റിലെ സെഞ്ചുറിയോടെയാണ് കോഹ്‌ലി ഓസ്‌ട്രേലിയന്‍ പര്യടനം ആരംഭിച്ചത്. എന്നാല്‍, പിന്നീട് ഒമ്പത് ഇന്നിങ്‌സുകളില്‍ 190 റണ്‍സ് മാത്രം നേടി അദ്ദേഹം പരമ്പര പൂര്‍ത്തിയാക്കി. ബുംറയെ ടെസ്റ്റില്‍ സ്ഥിരം ക്യാപ്റ്റനാക്കുകയെന്ന ഓപ്ഷനും മുന്നിലുണ്ട്.
രചയിതാവിനെക്കുറിച്ച്നിഷാദ് അമീന്‍16 വര്‍ഷമായി മാധ്യമരംഗത്ത് പ്രവര്‍ത്തിക്കുന്നു. കാലിക്കറ്റ് സര്‍വകലാശാലയില്‍ നിന്ന് മാസ് കമ്മ്യൂണിക്കേഷനില്‍ ബിരുദവും കാലിക്കറ്റ് പ്രസ് ക്ലബ്ബില്‍ നിന്ന് ടെലിവിഷന്‍ ജേണലിസത്തില്‍ പിജി ഡിപ്ലോമയും ഇംഗ്ലീഷ് സാഹിത്യത്തില്‍ ബിരുദാനന്തര ബിരുദവും നേടി. ഏഴ് വര്‍ഷം സൗദി അറേബ്യയില്‍ മാധ്യമപ്രവര്‍ത്തകനായിരുന്നു. സൗദിയില്‍ ഇന്ത്യന്‍ മീഡിയ ഫോറത്തിന്റെ ജനറല്‍ സെക്രട്ടറിയായും പ്രവര്‍ത്തിച്ചിട്ടുണ്ട്. സുപ്രഭാതം, മലയാളം ന്യൂസ്, തേജസ് ദിനപത്രങ്ങളില്‍ സീനിയര്‍ സബ് എഡിറ്ററായും ഗള്‍ഫ് ന്യൂസ് എഡിറ്ററായും സീനിയര്‍ റിപോര്‍ട്ടറായും കേരളത്തിലെയും ഗള്‍ഫിലെയും വിവിധ ബ്യൂറോകളിലും എഡിറ്റോറിയല്‍ ഡെസ്‌കിലും ന്യൂഡല്‍ഹി, റിയാദ്, ജിദ്ദ, യുഎഇ എന്നിവിടങ്ങളിലും ജോലിചെയ്തു. ടൈംസ് ഓഫ് ഇന്ത്യയുടെ ഭാഗമായ സമയം മലയാളത്തില്‍ കണ്ടന്റ് പ്രൊഡ്യൂസറാണ്.… കൂടുതൽ വായിക്കുക