തൃക്കാക്കര> മദ്യലഹരിയില്‍ വെടിയുതിര്‍ത്ത് ഭീകരാന്തരീക്ഷം സൃഷ്ടിച്ച യുവാവിനെ പൊലീസ് പിടികൂടി. കാക്കനാട് എംഐആർ 26 ഡി മുട്ടക്കൽ വീട്ടിൽ ആശിശ് തോമസാണ് പിടിയിലായത്. വെള്ളി വൈകിട്ട് ആറിന് കുന്നുംപുറം ജങ്ഷനിലായിരുന്നു സംഭവം. എൻജിഒ ക്വാർട്ടേഴ്സ് ഭാഗത്തുനിന്ന് ആഡംബര ജീപ്പിലെത്തിയ യുവാവ് സമീപത്തെ ചെരിപ്പുകടയില്‍ കയറി ജീവനക്കാരോട്‌ തട്ടിക്കയറി.
തുടര്‍ന്ന് തൊട്ടടുത്ത ബാറിലെ ജീവനക്കാരെ കൈയേറ്റം ചെയ്തു. പിന്നീട് എയര്‍ഗണ്‍ എടുത്ത് മൂന്നുതവണ വെടിവച്ചു. നാട്ടുകാര്‍ കൂടിയപ്പോള്‍ രക്ഷപ്പെടാന്‍ ശ്രമിച്ചെങ്കിലും ഇയാളെ തൃക്കാക്കര സിഐ ആർ ഷാബിവിന്റെ നേതൃത്വത്തില്‍ കസ്റ്റഡിയിലെടുത്തു. എയര്‍ഗണും കസ്റ്റഡിയിലെടുത്തു. പൊലീസ് സ്റ്റേഷനിലും ഇയാള്‍ സംഘര്‍ഷം സൃഷ്ടിച്ചു. മണിക്കൂറുകള്‍ നീണ്ട ശ്രമത്തിനൊടുവിലാണ് പ്രതിയെ നിയന്ത്രണത്തിലാക്കിയത്. ഇയാള്‍ക്കെതിരെ പൊലീസ് കേസെടുത്തു.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
മറ്റു വാർത്തകൾ