സൗത്ത് ഇന്ത്യൻ ബാങ്ക്
കേരളത്തിൽ നിന്നുള്ള സ്വകാര്യ ബാങ്കായ സൗത്ത് ഇന്ത്യൻ ബാങ്കാണ് ഒരു വർഷത്തേക്കുള്ള സ്ഥിര നിക്ഷേപത്തിന് ആകർഷകമായ പലിശ നിരക്ക് നൽകുന്നത്. 7 ദിവസം മുതൽ 10 വർഷം വരെ കാലാവധിയുള്ള സ്ഥിര നിക്ഷേപങ്ങൾക്ക് പൊതു വിഭാഗത്തിന് 2.65 ശതമാനം മുതൽ 6 ശതമാനം വരെയാണ് പലിശ നൽകുന്നത്. മുതിർന്ന പൗരന്മാർക്ക് ഇത് 3.15 ശതമാനം മുതൽ 6.50 ശതമാനം വരെയാണ് പലിശ നിരക്ക്.
ഒരു വർഷം 1 ദിവസം കാലാവധിയുള്ള നിക്ഷേപങ്ങൾക്കാണ് സൗത്ത് ഇന്ത്യൻ ബാങ്ക് ഉയർന്ന പലിശ നൽകുന്നത്. പൊതു വിഭാഗത്തിന് 7.00 ശതമാനവും മുതിർന്ന പൗരമാർക്ക് 7.50 ശതമാനവുമാണ് പലിശ നിരക്ക്. 1 വർഷത്തിനും 3 വർഷത്തിനും ഇടയിൽ മികച്ച പലിശ സൗത്ത് ഇന്ത്യൻ ബാങ്ക് നൽകുന്നു.
പലിശ നിരക്ക്
* 7-30 ദിവസത്തേക്ക് – 2.65%
* 31-90 ദിവസത്തേക്ക്- 3.25%
* 91-99 ദിവസത്തേക്ക്- 4.25%
* 100 ദിവസത്തേക്ക്- 5.50%
* 101-180 ദിവസം- 4.25%
* 181-1 വര്‍ഷത്തില്‍ താഴെ- 4.60%
* 1 വര്‍ഷം- 6.50%
* 1 വര്‍ഷം 1 ദിവസം- 7%
* 1 വര്‍ഷം 2 ദിവസം- 30 ദിവസത്തില്‍ കുറവ്- 6.50%
* 30 മാസം- 7%
* 30 മാസം മുതല്‍ 5 വര്‍ഷം വരെ- 5.90%
* 5 വര്‍ഷം- 10 വര്‍ഷം- 6%
എല്ലാ സ്ഥിര നിക്ഷേപങ്ങൾക്കും മുതിർന്ന പൗരന്മാർക്ക് 0.50 ശതമാനം അധിക നിരക്ക് ലഭിക്കും. കേരളത്തിൽ നിന്നുള്ള മറ്റു ഷെഡ്യൂൾഡ് ബാങ്കുകളുടെ പലിശ നിരക്ക് നോക്കാം.
കാത്തലിക്ക് സിറയൻ ബാങ്ക്
തൃശൂര്‍ ആസ്ഥാനമായി പ്രവര്‍ത്തിക്കുന്ന സ്വകാര്യ ബാങ്കാണ് കാത്തലിക്ക് സിറിയന്‍ ബാങ്ക്. 7 ദിവസം മുതല്‍ 10 വര്‍ഷത്തേക്ക് 3 ശതമാനം മുതല്‍ 6 ശതമാനം വരെയാണ് ബാങ്ക് നല്‍കുന്ന പലിശ നിരക്ക്. മുതിര്‍ന്ന പൗരന്മാര്‍ക്ക് 0.50 ശതമാനം അധിക നിരക്കും ലഭിക്കും.
555 ദിവസത്തേക്കും 750 ദിവസത്തേക്കുമുള്ള പ്രത്യേക സ്ഥിര നിക്ഷേപങ്ങള്‍ക്കാണ് ഉയര്‍ന്ന പലിശ നിരക്ക് ലഭിക്കുന്നത്. യഥാക്രമം 7 ശതമാനം, 7.50 ശതമാനം പലിശ ലഭിക്കും. മുതിര്‍ന്ന പൗരന്മാര്‍ക്കും ഇതേ നിരക്കാണ്.
ഫെഡറൽ ബാങ്ക്
എറണാകുളം ആലുവ ആസ്ഥാനമായി പ്രവര്‍ത്തിക്കുന്ന ഫെഡറല്‍ ബാങ്ക് 3 ശതമാനം മുതല്‍ 6.30 ശതമാനം പലിശ നല്‍കുന്നു. ഏറ്റവും ഉയര്‍ന്ന പലിശ ലഭിക്കുന്നത് 700 ദിവസത്തെ പ്രത്യേക സ്ഥിര നിക്ഷേപത്തിനാണ്. 700 ദിവസത്തേക്ക് 7.25 ശതമാനം പലിശ പൊതുവിഭാഗത്തിന് ലഭിക്കും. മുതിര്‍ന്ന പൗരന്മാര്‍ക്കിത് 7.75 ശതമാനമാണ്. ഫെഡറൽ ബാങ്കിൽ 5 വർഷത്തേക്കുള്ള നിക്ഷേപത്തിന് മുതിർന്ന പൗരന്മാർക്ക് 7 ശതമാനം പലിശ ലഭിക്കും.